اسٹیبلشمنٹ جب چاہے بانی پی ٹی آئی بات کرنے کیلئے تیار ہیں، علیمہ خان
اشاعت کی تاریخ: 20th, May 2025 GMT
راولپنڈی(نیوز ڈیسک)پاکستان تحریک انصاف ( پی ٹی آئی ) کے بانی اور سابق وزیر اعظم کی بہن علیمہ خان کا کہنا ہے کہ اسٹیبلشمنٹ جب چاہے عمران خان بات کرنے کیلئے تیار ہیں۔
منگل کے روز بانی پی ٹی آئی سے اڈیالہ جیل میں ملاقات کے بعد میڈیا سے گفتگو کرتے ہوئے علیمہ خان نے آرمی چیف عاصم منیر کو فیلڈ مارشل کا عہدہ ملنے کے حوالے سے بات کرنے سے انکار کیا اور کہا کہ ’ ہم اس حوالے سے کچھ نہ بولیں تو یہی اچھا ہے۔‘
علیمہ خان کا کہنا تھا کہ بانی کا پیغام ہے کہ اسٹیبلشمنٹ سے پاکستان کیلئے بات کرنے کیلئے تیار ہوں البتہ وہ ن لیگ کے ساتھ کسی صورت بات نہیں کریں گے۔
انہوں نے بتایا کہ بانی نے کہا کہ چھبیسویں آئینی ترمیم کے بعد انصاف دفن ہوچکا اور انہوں نے آئینی ترمیم کیخلاف آواز اٹھانے کا بھی کہا ہے۔
سلمان اکرم راجہ کی گفتگو
دوسری جانب پی ٹی آئی سیکرٹری جنرل سلمان اکرم راجہ نے کہا ہے کہ بانی پی ٹی آئی سے ملاقات اچھی رہی اور ان کی صحت بلکل ٹھیک ہے جبکہ ہم قومی یکجہتی کیلئے اپنا حصہ ڈالنے کیلئے تیار ہیں۔
سلمان اکرم راجہ کا کہنا تھا بانی نے کہا ہے کہ ملک کو اس وقت اندرونی اتحاد کی ضرورت ہے، بھارتی وزیر اعظم نریندر مودی نے شکست کھائی ہے اس لیے وہ کوئی اور شرارت کر سکتا ہے، پوری قوم کو متحد ہوکر دشمن کا مقابلہ کرنا ہے۔
ان کا کہنا تھا کہ معیشت کے حوالے سے بانی پی ٹی آئی نے کہا کہ ہمیں متحد ہو کر کام کرنا ہے اور دو تہائی اکثریت والی پارٹی کے لیڈر کو باہر نہ لاکر اتحاد پیدا نہیں ہوسکتا۔
سلمان اکرم کا مزید کہنا تھا کہ احتجاجی تحریک ہمارا حق ہے لیکن اس حوالے سے کوئی حتمی بات ابھی نہیں ہوئی،6 چھ مئی کو جیل میں بریفنگ سے متعلق بانی نے کوئی بات نہیں کی۔
مزیدپڑھیں:ویسٹ ایشیا بیس بال کپ: بھارت کو شکست دیکر پاکستان فائنل میں پہنچ گیا
ذریعہ
ذریعہ: Daily Ausaf
کلیدی لفظ: بانی پی ٹی ا ئی کیلئے تیار سلمان اکرم علیمہ خان حوالے سے بات کرنے کہنا تھا کا کہنا نے کہا
پڑھیں:
حضرت داتا گنج بخش ؒ کا سالانہ عرس; انتظامات کے حوالے سے خصوصی اجلاس
سٹی 42: خصوصی مشیر وزیر اعلیٰ علی ڈارکی زیر صدارت خصوصی اجلاس ہوا۔ جس میں علی ڈار نے داتاؒ دربار عرس کیلئے انتظامات کا تفصیلی جائزہ لیا
صوبائی وزیر بلال یاسین، وائس چیئرمین ایل ڈی اے میاں مرغوب احمد شریک ہوئے ۔ سیکرٹری اوقاف ڈاکٹر احسان بھٹہ، ڈپٹی کمشنر لاہور محمد علی اعجاز،ڈی آئی جی آپریشنز فیصل کامران، ڈی جی ایل ڈی اے طاہر فاروق و دیگر شریک ہوئے ۔
بریفنگ میں بتایا گیا کہ حضرت داتا گنج بخش ؒ کا تین روزہ سالانہ عرس 2 تا4 اگست کو منعقد ہوگا،خطیب داتا ؒدربار مولانا ندیم مختار نے سیرت و صوفی کانفرنسز سے متعلق آگاہ کیا۔محافل، قرأت اور نعت خوانی کے مقابلوں کے انعقاد سے متعلق بریفنگ دی گئی۔
علی ڈار نے کہا داتاؒ دربار تعمیراتی منصوبہ عہد ساز اور تاریخی نوعیت کا حامل ہے،عرس میں دنیا بھر سے زائرین حاضری کی سعادت حاصل کریں گے،زیرِ تعمیر انڈر پاس اور متعلقہ سڑکیں عرس سے قبل کھولی جائیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
پاکستان نے ورلڈ کپ 2028 کیلیے براہ راست کوالیفائی کر لیا