جھوٹی خبریں پھیلانے کا الزام: بھارتی صحافی ارنب گوسوامی کیخلاف ایف آئی آر درج
اشاعت کی تاریخ: 21st, May 2025 GMT
انڈین کانگریس نے صحافی ارنب گوسوامی اور حکمران جماعت بی جے پی کے آئی ٹی سیل کے سربراہ امت مالویہ کے خلاف جھوٹ پھیلانے کا الزام عائد کرتے ہوئے ایف آئی آر درج کرائی ہے۔
پولیس کے مطابق یہ مقدمہ ہائی گراؤنڈ پولیس اسٹیشن میں درج کیا گیا ہے، جس کی شکایت کانگریس کی قانونی کمیٹی کے سربراہ شری کانت سوروپ نے کی ہے۔
یہ بھی پڑھیے: اپنی فوج و حکومت کی تذلیل کے بعد میجر گورو اور ارنب گوسوامی بوکھلاہٹ کا شکار
مقدمہ درج کرنے والے شری کانت سوروپ کا کہنا ہے کہ انہوں نے امت مالویہ اور ارنب پر ایک سنگین اور مجرمانہ ذہنیت سے بھرپور مہم کے ماسٹر مائنڈ ہونے پر مقدمہ درج کیا ہے، جنہوں نے مکمل طور پر جھوٹا اور پرفریب خبریں پھیلائیں کہ استنبول کے کانگریس سینٹر دراصل انڈین نیشنل کانگریس کا دفتر ہے۔
واضح رہے کہ حالیہ پاک بھارت کشیدگی کے دوران پاکستان کی حمایت کے اعلان پر بھارت اور ترکی کے درمیان تعلقات سرد مہری کا شکار ہیں۔
اس سے قبل بی جے پی کے آئی ٹی سیل کے سربراہ امت مالویہ نے ایک تصویر شیئر کی، جس میں راہول گاندھی کا پاکستان کی فوجی قیادت کے ساتھ موازنہ کیا گیا، اور ان پر ہندوستان کی فوجی قیادت کو کمزور کرنے، پاکستان کے موقف کو دہرانے اور قومی سلامتی کو نقصان پہنچانے کا الزام عائد کیا گیا۔
شری کانت سوروپ کا کہنا ہے کہ یہ عمل واضح اور ناقابل تردید مجرمانہ ارادے کے تحت عوام کو گمراہ کرنے، ایک بڑی سیاسی ادارے کو بدنام کرنے، امن و امان کو بگاڑنے اور قومی سلامتی کو خطرے میں ڈالنے کے لیے کیا گیا ہے۔
یہ بھی پڑھیے: ’پاک فوج پروفیشنل اور مضبوط ہے‘، بھارتی صحافی ارناب گوسوامی کے پروگرام میں پاک فوج کی تعریفیں
انہوں نے یہ بھی کہا کہ امت مالویہ اور ارنب گوسوامی کے اقدامات بھارت کے جمہوری اصولوں، عوامی سلامتی اور قومی سلامتی پر ایک غیر معمولی حملہ ہیں اور ان کے خلاف سخت کارروائی ہونی چاہیے۔
انہوں نے میڈیا کونسل آف انڈیا، اطلاعات و نشریات کی وزارت، سی بی آئی اور دیگر متعلقہ اداروں سے اپیل کی ہے کہ وہ اس شکایت کو ہنگامی طور پر نمٹائیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارنب گوسوامی بھارتی میڈیا بی جے پی فیک نیوز.
ذریعہ
ذریعہ: WE News
کلیدی لفظ: ارنب گوسوامی بھارتی میڈیا بی جے پی فیک نیوز ارنب گوسوامی کیا گیا
پڑھیں:
سلامتی کونسل میں پاکستان نے بھارت کو لاجواب کر دیا
قونصلر صائمہ سلیم— فائل فوٹواقوامِ متحدہ میں پاکستانی مشن کی قونصلر صائمہ سلیم نے سلامتی کونسل میں بھارت کو لاجواب کر دیا۔
اپنے بیان میں صائمہ سلیم نے کہا ہے کہ بھارت کا امن کا درس دینا مضحکہ خیز ہے، جو خود بین الاقوامی قانون اور سلامتی کونسل کی قراردادوں کی خلاف ورزی، ہمسایوں کے خلاف جارحیت اور خطے میں ریاستی سرپرستی میں دہشت گردی کا مرتکب ہے۔
انہوں نے کہا کہ آزاد جموں و کشمیر اور بھارت کے غیر قانونی زیرِ قبضہ جموں و کشمیر کے حالات میں واضح فرق ہے۔
صائمہ سلیم نے کہا کہ ایک طرف سیاسی آزادی ہے اور دوسری طرف جبر، گرفتاریوں اور انسانی حقوق کی پامالیوں کا سلسلہ جاری ہے، حقوق کا استعمال اور حقوق سے محرومی ایک جیسی چیزیں نہیں ہو سکتیں۔
اقوامِ متحدہ میں پاکستانی کونسلر صائمہ سلیم نے کہا کہ افغان سرزمین سے حملوں کی منصوبہ بندی اور سہولت کاری ہوئی۔
انہوں نے کہا کہ کشمیری عوام کے ناقابلِ تنسیخ حقِ خودارادیت سے انکار نہیں کیا جا سکتا، جموں و کشمیر نہ بھارت کا اٹوٹ انگ ہے اور نہ داخلی معاملہ، بھارت کا انکار اس تنازع کی بین الاقوامی حیثیت تبدیل نہیں کر سکتا۔
قونصلر صائمہ سلیم نے کہا کہ بھارت خود مسئلہ کشمیر سلامتی کونسل میں لایا اور آج قراردادوں سے انحراف کر رہا ہے، مقبوضہ کشمیر میں جبر اور انسانی حقوق کی پامالیاں جاری ہیں۔
انہوں نے مزید کہا کہ سندھ طاس معاہدے کی معطلی کا بھارتی فیصلہ بین الاقوامی قانون کی خلاف ورزی ہے، دریائے سندھ کا پانی زندگی کا ذریعہ ہے، جنگ کا ہتھیار نہیں۔
صائمہ سلیم نے یہ بھی کہا کہ بھارت سے منسلک دہشت گردی کے نیٹ ورک عالمی سطح تک پھیل چکے ہیں، بھارت میں ہندوتوا نظریات نے اسلاموفوبیا کو ریاستی پالیسی بنا دیا ہے۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی