چیئرمین پی ٹی اے نے سینیٹر ایمل ولی خان پر نشہ کرنے کا الزام عائد کردیا
اشاعت کی تاریخ: 21st, May 2025 GMT
اسلام آباد(ڈیلی پاکستان آن لائن)سینیٹ کی قائمہ کمیٹی اجلاس میں چیئرمین پی ٹی اے حفیظ الرحمان نے اے این پی سربراہ سینیٹر ایمل ولی خان پر نشہ کرنے کا الزام عائد کر دیا۔ سینیٹ کی قائمہ کمیٹی کے اجلاس میں چیئرمین پی ٹی آئی اور اے این پی کے سینیٹر ایمل ولی خان میں اس وقت جھڑپ ہو گئی جب چیئرمین پی ٹی اے نے ایمل ولی پر نشہ کرنے کا الزام لگایا اور طنزیہ کہا کہ مجھے بھی چرس کا سگریٹ دیں۔
چیئرمین پی ٹی اے کے اس طنز پر ایمل ولی خان بھڑک اٹھے اور کہا کہ آپ کو کیا تکلیف ہے۔ایمل ولی خان نے برہمی کا اظہار کرتے ہوئے کہا کہ سرکاری ملازم مجھے کیسے کہہ سکتا ہے کہ تم نشہ کر کے آئے ہو۔ سرکاری افسر کا یہ انداز بالکل قابل قبول نہیں۔ آپ کو یہ جرات کس نے دی ہے کہ ایسے بات کریں۔اس موقع پر چئیرمین پی ٹی اے حفیظ الرحمان نے کہا کہ مجھ سے غلطی ہو گئی ہے اور وہ بار بار ایمل ولی خان نے معافی مانگتے رہے تاہم ایمل ولی نے جواباً کہا کہ آپ چرس اور شراب پیتے ہیں تو ایسی باتیں کیا کریں۔
ملک میں سونے کی قیمت میں بڑا اضافہ
ایمل ولی خان نے قامہ کمیٹی سے چیئرمین پی ٹی اے کے خلاف کارروائی کا مطالبہ کرتے ہوئے کہا کہ اجلاس میں اب میں رہوں گا یا یہ رہیں گے، جس کے بعد چیئرمین پی ٹی اے حفیظ الرحمان کو اجلاس چھوڑ کر جانا پڑا۔چیئرمین قائمہ کمیٹی آغا شاہ زیب نے چیئرمین پی ٹی اے کے رویہ کی مذمت کرتے ہوئے کہا کہ انہوں نے سینیٹر ایمل ولی کی ہی نہیں بلکہ قائمہ کمیٹی کی توہین کی ہے۔
مزید :.ذریعہ: Daily Pakistan
کلیدی لفظ: چیئرمین پی ٹی اے سینیٹر ایمل ولی چیئرمین پی ٹی ا ایمل ولی خان قائمہ کمیٹی کہا کہ ا
پڑھیں:
کے پی اسمبلی، پی اے سی اجلاس؛ معدنیات والے کارخانوں کو فوری نوٹس جاری کرنیکی ہدایت
پشاور:خیبر پختونخوا اسمبلی میں پبلک اکاؤنٹس کمیٹی کے اجلاس میں چیئرمین پی اے سی نے سیکریٹری معدنیات کو تمام کارخانوں کو فوری نوٹس جاری کرنے کی ہدایت کر دی۔
اجلاس کی صدارت کنوینر ادریس خٹک نے کی، جس میں محکمہ اطلاعات اور محکمہ معدنیات کے آڈٹ پیراز پر بحث ہوئی۔ دونوں محکموں کے اعلیٰ افسران نے اجلاس میں شرکت کی۔
چیئرمین پبلک اکاؤنٹس کمیٹی نے کہا کہ معدنیات والے کارخانوں کو دو سالوں سے ٹیکسز کی وصولی کا کوئی نوٹس جاری نہیں ہوا۔ سیکریٹری معدنیات مطاہر ذیب نے بتایا کہ یہ محکمے کی غفلت ہیں، اپنی غلطی تسلیم کرتے ہیں۔
چیئرمین پی اے سی نے سیکریٹری معدنیات کو تمام کارخانوں کو فوری نوٹس جاری کرنے اور محکمے سے دو سالوں میں ٹیکس نوٹسز جاری نہ کرنے کی بھی تحقیقات کروانے کی ہدایت کر دی۔
سیکریٹری معدنیات نے فوری نوٹسز جاری اور معاملے کی تحقیقات کروانے کی یقین دہانی کروا دی۔
مائنز اینڈ منرل سے متعلق معاملات زیر بحث
اجلاس کے دوران ہری پور میں سیمنٹ فیکٹریوں کی جانب سے 16 کروڑ 23 لاکھ روپے ٹیکس کی عدم ادائیگی پر آڈٹ پیرا پیش کر دیا گیا۔
سیکریٹری مائنز نے بتایا کہ ہری پور میں 5 سیمنٹ فیکٹریوں نے کتنی کھدائی کی؟ یہ نہیں بتا رہی اور یہ معلوم کرنا بہت مشکل ہوتا ہے کہ کس فیکٹری نے کتنی کھدائی کی ہے، تمام سیمنٹ فیکٹریاں یہ نہیں بتاتیں کہ اس نے کتنی کھدائی کی ہے۔
چیئرمین کمیٹی نے سوال کیا کہ تین سال قبل آپ لوگوں کو حکم دیا تھا، آپ نے نوٹس کیوں نہیں دیا؟ سیکریٹری مائنز مطاہر زیب نے کہا کہ تاخیر پر اپنے ادارے کے خلاف انکوائری کروں گا۔
ڈائریکٹر آڈٹ نے کہا کہ ہماری تجویز ہے کہ سیمنٹ فیکٹریوں پر ٹن کے بجائے بیگ کے حساب سے ٹیکس لگایا جائے۔ کمیٹی چیئرمین کی جانب سے آڈٹ پیرا کو مؤخر کر دیا گیا۔
چترال میں معدنیات کھودنے کا معاملہ
چترال میں معدنیات کھودنے سے متعلق 2 کروڑ 16 لاکھ روپے کا آڈٹ پیرا پیش کیا گیا۔
سیکریٹری مائنز کے مطابق 2023 میں ٹونی پاک نامی کمپنی نے چترال میں ٹیسٹنگ کے لیے کان کنی کی، بعد میں پتہ چلا کہ کمپنی میں ٹیسٹنگ کے نام پر معدنیات کمرشل مقاصد کے لیے استمال کیے جا رہے ہیں۔
ڈائریکٹر آڈٹ نے سوال اٹھایا کہ اس کمپنی نے 413 ٹن مال چین بیچا تھا محکمہ کیوں خاموش رہا؟
ایم پی اے اکرام اللہ غازی نے کہا کہ اسی کمپنی نے مانسہرہ میں گزشتہ دو سال میں 82 ہزار 567 ٹن کان کنی کی ہے، مانسہرہ کے 7ہزار ٹن معدنیات کو چین میں بھی بیچا گیا ہے، کھدائی ہوتی ہے اور محکمہ مکمل طور پر خاموش رہتا ہے۔
چیئرمین کمیٹی ادریس خٹک نے ہدایت کی کہ محکمہ ٹیسٹ کے لیے مقدار کا تعین کرے۔ چیئرمین کمیٹی نے آڈٹ پیرا کو مؤخر کر دیا۔
چترال میں معدنیات
چترال میں معدنیات سے متعلق 2 کروڑ مالیت سے زائد کا آڈٹ پیرا کمیٹی میں پیش کیا گیا۔
سیکریٹری مائنز نے کہا کہ چترال میں 6 کمپنیوں نے غیر قانونی طور پر کان کنی کی ہے، تمام کمپنیوں کو دو کروڑ روپے جرمانہ کیا گیا لیکن وہ عدالت چلے گئے۔
چیئرمین کمیٹی نے سوال کیا کہ کیا محکمے کے پاس معدنیات کی اسسمنٹ کے لیے کوئی سائنسی آلہ ہے؟
سیکریٹری مائنز نے بتایا کہ ہمارے محکمے کے سالانہ ترقیاتی پروگرام کا فنڈ صرف 13 کروڑ 70 لاکھ روپے ہے، اتنی رقم میں نہ کوئی آلہ خریدا جا سکتا ہے اور نہ ہی سائنسی جائزہ لیا جا سکتا ہے۔
چیئرمین کمیٹی نے یہ آڈٹ پیرا بھی مؤخر کر دیا۔
ملتان، مسیحی برادری کی جانب سے پاک فوج سے اظہار یکجہتی کیلئے ریلی