چیئرمین پی ٹی اے نے ایمل ولی سے چرس بھرا سیگریٹ مانگ لیا، اجلاس میں جھڑپ
اشاعت کی تاریخ: 21st, May 2025 GMT
سینیٹ کی قائمہ کمیٹی برائے کم ترقی یافتہ علاقہ جات کے اجلاس میں چیئرمین پی ٹی اے حفیظ الرحمان نے سینیٹر ایمل ولی خان سے چرس سے بھرا سیگریٹ مانگ لیا، جس پر دونوں کے درمیان شدید جھڑپ ہوگئی۔
چیئرمین پی ٹی اے کے اس رویے پر ایمل ولی خان بھڑک اٹھے اور حفیظ الرحمان کو مخاطب کرتے ہوئے کہاکہ آپ کو کیا تکلیف ہے۔
انہوں نے کہاکہ ایک سرکاری ملازم مجھے کیسے کہہ سکتا ہے کہ تم چرس پی کر آئے ہو، مجھے یہ انداز بالکل قابل قبول نہیں۔
ایمل ولی خان نے چیئرمین پی ٹی اے کو مخاطب کرتے ہوئے کہاکہ آپ کو یہ جرات کس نے دی ہے کہ ایسے بات کریں۔
اس پر چیئرمین پی ٹی اے حفیظ الرحمان نے اعتراف کیاکہ مجھ سے غلطی ہوگئی ہے۔ ’چیئرمین پی ٹی اے سینیٹر ایمل ولی خان سے بار بار معافی مانگتے رہے۔‘
سینیٹر ایمل ولی خان نے قائمہ کمیٹی سے چیئرمین پی ٹی اے کے خلاف کارروائی کا مطالبہ کردیا اور کہاکہ چیئرمین پی ٹی اے اجلاس میں رہیں گے یا میں رہوں گا۔ بالآخر چیئرمین پی ٹی اے حفیظ الرحمان کو قائمہ کمیٹی کا اجلاس چھوڑ کر جانا پڑا۔
چیئرمین قائمہ کمیٹی آغاز شاہزیب درانی نے کہاکہ چیئرمین پی ٹی اے حفیظ الرحمان کے رویہ کی مذمت کرتے ہیں، انہوں نے ایمل ولی کی نہیں پوری قائمہ کمیٹی کی توہین کی۔
چیئرمین قائمہ کمیٹی نے چیئرمین پی ٹی اے کی بدتمیزی کا معاملہ وزیراعظم کے سامنے اٹھانے کا فیصلہ کرلیا اور کہاکہ ان کے خلاف ایکشن لیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews جھڑپ چرس بھرا سیگریٹ چیئرمین پی ٹی اے حفیظ الرحمان سینیٹر ایمل ولی خان وی نیوز.ذریعہ: WE News
کلیدی لفظ: جھڑپ چرس بھرا سیگریٹ چیئرمین پی ٹی اے حفیظ الرحمان سینیٹر ایمل ولی خان وی نیوز سینیٹر ایمل ولی خان قائمہ کمیٹی
پڑھیں:
اسلام آباد میں سردی بڑھنے سے پہلے ہی مچھلی کی مانگ میں اضافہ
اسلام آباد میں سردی ابھی جوبن پر تو نہیں آئی لیکن ریسٹورنٹس میں مچھلی کی ڈشز پہنچ چکیں ہیں۔
یہ بھی پڑھیں: موسم سرما میں دریائے ستلج کے کنارے تازہ مچھلی
مچھلی کھانے کے شوقین افراد اب اپنے شوق کی تکمیل کے لیے ریسٹورنٹس کا رخ کر رہے ہیں جس کے باعث مچھلی کی مانگ میں غیر معمولی اضافہ دیکھنے میں آرہا ہے۔
ایک ریسٹورنٹ کے مالک سید محمد ولی نے بتایا کہ سردی تو ابھی آئی نہیں مگر ہمارے ہاں ہجوم بڑھ گیا ہے اور لوگ مچھلی کھانے کے لیے بڑی تعداد میں آنا شروع ہوچکے ہیں۔
مزید پڑھیے: مانسہرہ کی پہچان دریائے سرن کی تازہ مچھلی
ایک گاہک نے مسکراتے ہوئے کہا کہ ہم نے سوچا کیوں نہ سردیوں سے پہلے ہی مچھلی کا مزہ لے لیا جائے، یہاں بنی مچھلی کا ذائقہ لاجواب ہے۔
ایک اور ریسٹورنٹ والے نے بتایا کہ ان کے پاس مچھلی کی کئی اقسام موجود ہیں اور لوگ رات گئے تک ان سے لطف اندوز ہوتے ہیں۔ ان کا کہنا تھا کہ ہم شام 5 بجے ریسٹورنٹ کھولتے ہیں اور رات 3 بجے تک گاہک آتے رہتے ہیں۔
مزید پڑھیں: مظفرآباد کا یخ بستہ موسم اور گرما گرم مزیدار مچھلی
لوگ اب اپنے اہل خانہ اور دوستوں کے ساتھ مچھلی کا لطف اٹھا رہے ہیں جو ماحول گرما رہا ہے۔ دیکھیے یہ چٹپٹی ویڈیو رپورٹ۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد اسلام آباد کی سردی اسلام آباد میں مچھلی کی مانگ مچھلی
الیکشن کمیشن کی نگران حکومت کی مدت بڑھانے سے متعلق آئین میں ترمیم کی سفارش