فیصل آباد: ٹرین کی پھاٹک پر کھڑی ٹرالی سے ٹکر، 2 بوگیاں الٹ گئیں، ڈرائیور سمیت 25 مسافر زخمی
اشاعت کی تاریخ: 22nd, May 2025 GMT
لاہور‘ فیصل آباد‘سانگلہ ہل (سٹاف رپورٹر+ نمائندہ خصوصی+نمائندہ نوائے وقت) شالیمار ایکسپریس ریلوے پھاٹک پر کھڑی اینٹوں سے بھری ٹریکٹر ٹرالی سے ٹکرا گئی۔ ٹرین ڈرائیور اور اسسٹنٹ سمیت 25مسافر زخمی‘ انجن بری طرح متاثر‘ ٹرین کی 2بوگیاں الٹ گئیں‘ ٹرین پٹڑی سے اتر گئی۔ حادثہ کے باعث ریلوے ٹریک کو شدید نقصان پہنچا۔ ریل ٹریک ریلوے ٹریفک کیلئے بند کر دیا گیا۔ گذشتہ صبح 4بجے کے قریب کراچی سے آنے والی شالیمار ایکسپریس لاہور جا رہی تھی کہ جب وہ چک جھمرہ کے علاقہ 142رب گھڑتل ریلوے پھاٹک پر پہنچی تو ریلوے پھاٹک پر اینٹوں سے لوڈ ٹرالی جس کا ڈیزل ختم ہونے پر ریلوے ٹریک پر کھڑی تھی، سے زوردار دھماکے کے ساتھ ٹکرا گئی۔ حادثہ اتنا شدید تھا کہ جس کی آواز دور دور تک سنی گئی اور شالیمار ایکسپریس کا انجن بری طرح تباہ ہو گیا اور ٹرین کی 13بوگیاں پٹڑی سے اتر گئیں۔ اچانک حادثہ پر ٹرین میں سوار مسافروں کی چیخ وپکار نے آسمان سر پر اٹھا دیا جبکہ دو بوگیاں الٹ گئیں۔ ٹرین ڈرائیور سمیت متعدد مسافر زخمی ہو گئے۔ جبکہ ٹریکٹر ٹرالی کا ڈرائیور موقع سے فرار ہو گیا۔ المناک حادثہ کی اطلاع ملتے ہی ریلوے انتظامیہ اور ریسکیو1122 کی ٹیمیں موقع پر پہنچ گئیں اور امدادی کارروائیاں شروع کر دی۔ زخمیوں کو طبی امداد فراہم کرتے ہوئے قریبی ہسپتال منتقل کر دیا۔ شدید زخمیوں میں 20سالہ اسماعیل ولد منور سکنہ ملتان‘ 33سالہ غلام جیلانی ولد محمد خالد سکنہ عباس پور‘ 58سالہ ذوالفقار ولد سردار بخش سکنہ عباس پور‘ 43سالہ وحید احمد ولد نصیر احمد سکنہ سمندری کو طبی امداد فراہم کرتے ہوئے ہسپتال منتقل کیا جبکہ دیگر معمولی زخمیوں کو موقع پر مرہم پٹی کے بعد فارغ کر دیا۔ حادثے کے باعث فیصل آباد سے لاہور ریلوے ٹریک ٹرینوں کی آمدورفت کیلئے بند کر دیا۔ کراچی ودیگر شہروں سے براستہ فیصل آباد لاہور جانے والی ٹرینیں فیصل آباد سٹیشن پر روک لی گئیں۔ میانوالی سے آنے والی ماڑی انڈس ٹرین کو واپس میانوالی بھجوا دیا گیا۔ جبکہ ریلوے کے عملے نے ریلوے ٹریک کی بحالی کیلئے کام شروع کر دیا۔ یہ امر قابل ذکر ہے کہ مقامی آبادیوں نے مسافروں کو پانی وناشتہ کروا کر انسانی ہمدردی کی اعلیٰ مثال قائم کی۔
.ذریعہ: Nawaiwaqt
کلیدی لفظ: ریلوے ٹریک کر دیا
پڑھیں:
نارووال: سیداں عرس سے واپسی جاتے ہوئے زائرین کی بس کو حادثہ، 10 مسافر زخمی
پنجاب کے ضلع نارروال میں سیداں عرس سے واپسی جاتے ہوئے مسافر بس کو حادثہ پیش آیا جس کے نتیجے میں 10 افراد زخمی ہوگئے۔
رپورٹ کے مطابق حادثہ علی پور میں درگ میانہ اسٹاپ کے قریب اس وقت پیش آیا جب کوسٹر کا ٹائی راڈ کھلنے کے باعث گاڑی الٹ گئی۔
ریسکیو حکام کے مطابق حادثے میں 10 مسافر زخمی ہوگئے۔
ریسکیو ذرائع نے بتایا کہ زخمیوں کو ابتدائی طبی امداد کے لیے ڈسٹرکٹ ہیڈ کوارٹر اسپتال منتقل کر دیا گیا۔
ریسکیو ذرائع نے کہا کہ زخمی افراد کا تعلق قصور سے ہے جو علی پور سیدان عرس پر آئے ہوئے تھے۔
ریسکیو ذرائع نے بتایا کہ 4 زخمیوں کی حالت تشویشناک بتائی جاتی ہے۔
بلوچستان ہائیکورٹ کے جج کا جوڈیشل کمیشن کو خط، سابق جج کی مسلسل نامزدگی پر اعتراض