بھارت بلوچستان میں دہشتگردی کا ذمہ دار، کلبھوشن و عسکریت پسندوں کے اعترافات ثبوت ہیں: عطاء اللہ تارڑ
اشاعت کی تاریخ: 23rd, May 2025 GMT
کوئٹہ (نیوز ڈیسک) وفاقی وزیر اطلاعات و نشریات عطاء اللہ تارڑ نے خضدار بس حادثے میں زخمی ہونے والے بچوں کی عیادت اور ان کے لواحقین سے ملاقات کے بعد میڈیا سے گفتگو کرتے ہوئے واقعے کو قومی سانحہ قرار دیا۔ انہوں نے کہا کہ خضدار میں پیش آنے والے دلخراش واقعے میں ہمارے بچوں نے عظیم قربانی دی ہے اور پوری پاکستانی قوم ان کے عزم اور حوصلے کو سلام پیش کرتی ہے۔
وفاقی وزیر نے کہا کہ خضدار واقعے میں شدید زخمی بچوں کے چہروں پر حوصلہ اور وطن سے محبت کی جھلک نمایاں تھی۔ ان بچوں کا جذبہ اور ولولہ اس بات کی دلیل ہے کہ پاکستانی قوم کو کوئی شکست نہیں دے سکتا۔ اس موقع پر انہوں نے صوبیدار سلیم کا خصوصی طور پر ذکر کیا جنہوں نے دو بیٹیوں کو سپرد خاک کیا جبکہ ان کا تیسرا بیٹا شدید زخمی ہے۔ اس کے باوجود وہ پاکستان زندہ باد کے نعرے لگاتے رہے، جو قوم کے لیے مثال ہے۔
عطاء اللہ تارڑ نے بتایا کہ خضدار میں ایک شخص کے چار بچے شدید زخمی ہوئے لیکن ان کے حوصلے اب بھی بلند ہیں۔ انہوں نے کہا کہ آج بین الاقوامی اور قومی میڈیا کو خضدار میں اصل صورتحال سے آگاہ کرنے کے لیے لایا گیا ہے تاکہ دنیا بھارت کی دہشتگردی اور پاکستان مخالف سرگرمیوں سے واقف ہو۔
انہوں نے کہا کہ بھارت، آپریشن “بنیان مرصوص” میں شکست کے بعد اب سافٹ ٹارگٹس کو نشانہ بنا رہا ہے۔ کلبھوشن یادیو کی بلوچستان سے گرفتاری، بھارت کی ریاستی دہشتگردی کا واضح ثبوت ہے۔ عسکریت پسند گلزار امام شمبے اور سرفراز بنگلزئی نے خود بھارتی سرپرستی کا اعتراف کیا ہے، جو کہ بھارت کے عزائم کو بے نقاب کرتا ہے۔
عطاء اللہ تارڑ نے انکشاف کیا کہ صرف آپریشن معرکہ حق کے دوران بلوچستان میں 33 دہشت گرد حملے کیے گئے۔ ان کا کہنا تھا کہ وزیراعظم شہباز شریف اور فیلڈ مارشل عاصم منیر کا واضح عزم ہے کہ دہشت گردی کو جڑ سے اکھاڑ پھینکا جائے گا اور بلوچستان کو امن کا گہوارہ بنایا جائے گا۔ انہوں نے بتایا کہ ڈی جی آئی ایس پی آر نے بھی بھارت کے ملوث ہونے کے شواہد عوام اور عالمی اداروں کے سامنے رکھے ہیں۔
وفاقی وزیر نے کہا کہ پاکستانی قوم متحد ہے اور افواج پاکستان مکمل طور پر دہشتگردی سے نمٹنے کے لیے تیار ہیں۔ انہوں نے بھارت کو “فتنہ ہندوستان” قرار دیتے ہوئے کہا کہ ہم اسے ہر جگہ بے نقاب کریں گے۔ انہوں نے کہا کہ حیرت کی بات ہے کہ مودی حکومت کا بلوچستان کے واقعات سے براہ راست تعلق سامنے آ رہا ہے۔ فتنہ ہندوستان کے دہشتگردوں کو بھارتی میڈیا پر دکھایا گیا اور جعفر ایکسپریس واقعہ کی ویڈیو بھی ان دہشتگردوں نے بھارتی میڈیا کو فراہم کی۔
انہوں نے کہا کہ یہ تسلیم شدہ حقیقت ہے کہ بھارت بلوچستان میں دہشت گرد سرگرمیوں میں براہ راست ملوث ہے، اور ہم یہ بات عالمی فورمز پر بار بار اجاگر کریں گے۔ عطاء اللہ تارڑ نے مزید کہا کہ ہماری مسلح افواج نے روایتی جنگ میں بھی بھارت کو شکست دی ہے اور ان کے چھ جنگی جہاز گرائے۔ بھارت نے خود تسلیم کیا کہ اسے شدید نقصان ہوا ہے۔
وزیر اطلاعات نے وزیراعظم شہباز شریف، فیلڈ مارشل عاصم منیر، ایئر چیف ظہیر احمد بابر اور نیول چیف نوید اشرف کی بھارت کو منہ توڑ جواب دینے میں قائدانہ کردار کو سراہا اور کہا کہ تمام سیاسی جماعتیں اور ریاستی ادارے مل کر بلوچستان میں امن بحال کریں گے۔
انہوں نے کہا کہ ہماری بہادر افواج نے کئی دہشت گردوں کو جہنم واصل کیا ہے اور اب وقت آ گیا ہے کہ ہر دہشت گرد کو اس کے انجام تک پہنچایا جائے۔ عطاء اللہ تارڑ نے بھارتی وزیراعظم کو “گجرات کا قصائی” قرار دیتے ہوئے کہا کہ اس شکست خوردہ لیڈر کو پاکستان کی کامیابیوں پر شرمندگی کا سامنا ہے۔
انہوں نے کہا کہ بھارت نے رات کی تاریکی میں بزدلانہ حملہ کیا، جس کا پاک افواج نے بھرپور اور منہ توڑ جواب دیا۔ انہوں نے کہا کہ اب بھارت صرف دھمکیاں دے کر اپنی خفت مٹانے کی ناکام کوشش کر رہا ہے۔ ہم بھارتی دہشتگردی کو ہر فورم پر بے نقاب کرتے رہیں گے۔
وفاقی وزیر نے کہا کہ یہ پاکستان کی بڑی کامیابی ہے کہ کشمیر کا مسئلہ ایک مرتبہ پھر عالمی سطح پر اجاگر ہو رہا ہے۔ بلوچستان کے حوالے سے حکومت کی سنجیدہ اور مربوط اپروچ موجود ہے اور ہم تسلسل کے ساتھ صوبے کے مسائل کو حل کرتے رہیں گے۔
آخر میں، انہوں نے بچوں کے لواحقین سے ملاقات کی اور ان کے حوصلے اور عزم کو سراہتے ہوئے انہیں ہر ممکن تعاون کی یقین دہانی کرائی۔
Post Views: 5.ذریعہ: Daily Mumtaz
کلیدی لفظ: عطاء اللہ تارڑ نے انہوں نے کہا کہ بلوچستان میں وفاقی وزیر کہ بھارت رہا ہے ہے اور
پڑھیں:
اللہ کا شکر، فائنل تک رسائی ہماری محنت کا ثمر ہے، گلیڈی ایٹرز مینٹور سرفراز احمد
لاہور:پاکستان سپر لیگ (پی ایس ایل) 2025 کے فائنل میں رسائی حاصل کرنے کے بعد کوئٹہ گلیڈی ایٹرز کے مینٹور اور سابق کپتان سرفراز احمد نے پریس کانفرنس میں ٹیم کی کارکردگی اور کامیابی پر اظہارِ خیال کیا۔
سرفراز احمد نے گفتگو کا آغاز کرتے ہوئے کہا کہ سب سے پہلے اللّٰہ کا شکر ادا کرتے ہیں کہ ہم فائنل تک پہنچے۔ ٹیم نے آج بہت عمدہ کارکردگی دکھائی اور ایک اہم میچ جیتا۔"
انہوں نے کہا کہ گزشتہ چند سیزنز میں کوئٹہ کی کارکردگی تسلی بخش نہیں رہی تھی، لیکن اس سال ٹیم نے نمایاں بہتری دکھائی۔
مزید پڑھیں: پی ایس ایل کوالیفائر: کوئٹہ گلیڈی ایٹرز نے اسلام آباد یونائیٹڈ کو شکست دیکر فائنل میں جگہ بنالی
انہوں نے خاص طور پر کپتان سعود شکیل کی تعریف کرتے ہوئے کہا کہ اس سیزن سعود شکیل نے بہترین کپتانی کی اور ٹیم کو اعتماد دیا۔
سرفراز احمد نے تسلیم کیا کہ ٹیم کی تشکیل ایک چیلنجنگ مرحلہ تھا، مینٹور کا کہنا تھا کہ اس سیزن ہمیں اسکواڈ بنانے میں مشکلات کا سامنا رہا، کیونکہ اسکواڈ میں کئی اچھے اور امپیکٹ فل کھلاڑی شامل تھے، جس کی وجہ سے پلئنگ الیون کا انتخاب مشکل ہوا،" انہوں نے وضاحت کی۔
فیلڈنگ کے حوالے سے بات کرتے ہوئے انہوں نے کہا کہ ٹیم کی فیلڈنگ نے میچ جتوانے میں کلیدی کردار ادا کیا۔ اگرچہ نوجوان وکٹ کیپر حسیب اللہ سے کچھ چانسز ضائع ہوئے لیکن سرفراز نے ان کا دفاع کرتے ہوئے کہا کہ پریشر میں ایسا ہو جاتا ہے، مگر حسیب اللہ ایک باصلاحیت کھلاڑی ہے اور مستقبل میں سیکھے گا۔
مزید پڑھیں: بھارتی میڈیا آرمی چیف کے میچ دیکھنے پر بھی تلملا اُٹھا
سرفراز نے پاک بھارت کشیدگی کے بعد پی ایس ایل کی بحالی پر پاکستان کرکٹ بورڈ (PCB) اور لیگ انتظامیہ کی کوششوں کو سراہا۔
انہوں نے کہا کہ پی سی بی اور پی ایس ایل منیجمنٹ نے لیگ کو دوبارہ منظم کرنے میں بہترین کردار ادا کیا۔
اسلام آباد یونائٹیڈ کے بارے میں گفتگو کرتے ہوئے سرفراز نے کہا کہ ان کے پاس ایک متوازن اسکواڈ تھا اور وہ ایک مضبوط حریف ثابت ہوئے۔
سرفراز احمد نے فائنل کی تیاری کے حوالے سے کہا کہ ہم چاہتے ہیں کہ کھلاڑی ایک دن آرام کریں اور پھر فائنل کے لیے بھرپور تیاری کریں۔ اگر بارش ہو جائے اور ہمیں فائدہ ملے تو وہ بھی اللہ کی طرف سے ہوگا۔
اصلاحات کے بغیر آئی ایم ایف سے چھٹکارا ممکن نہیں: وفاقی وزیرِ خزانہ