رحیم یار خان: نہر میں 150 فٹ چوڑے شگاف نے ہر طرف تباہی مچادی
اشاعت کی تاریخ: 23rd, May 2025 GMT
رحیم یار خان:
نہر عباسیہ کینال میں واہی جمن شاہ کے قریب 150 فٹ چوڑے شگاف نے ہر طرف تباہی مچادی۔
علاقے میں سیلابی صورتحال کے باعث لوگوں کو محفوظ مقامات پر منتقل ہونے کیلئے مساجد سے اعلانات شروع کر دیئے گئے جبکہ مکینوں نے نقل مکانی شروع کردی۔
شگاف کے باعث 50 ہزار ایکڑ سے زائد اراضی زیر آب آگئی، تیار فصلیں اور باغات متاثر ہوگئے جبکہ رحیم یار خان اور خانپور کے درمیان کوٹسمبابہ کے مقام پر زمینی رابطہ منقطع ہوگیا۔
نہری پانی شہری علاقوں میں گھروں اور دکانوں میں داخل ہوگیا، سڑکوں پر نہری پانی آنے سے شہریوں کا مین شاہراہ سے گزرنا محال ہوگیا۔ آبادی سے لوگوں کے انخلا کیلئے انتظامیہ اور ڈیزاسٹر مینجمنٹ اتھارٹی کی ٹیمیں متحریک ہیں۔
محکمہ آبپاشی کے مطابق شگاف کو پر کرنے کیلئے ہیوی مشینری کا استعمال کرکے بھرپور کوششیں کی جارہی ہیں، تیز پانی کے بہاؤ کے باعث شگاف کو پر کرنے میں مشکلات کا سامنا ہے، نہر صادق فیڈر کو ہیڈ پنجند سے بند کرکے دیگر چینلز کو کھولتے ہوئے پانی کے بہاؤ کو کم کیا گیا ہے۔
.ذریعہ: Express News
پڑھیں:
طوفان داناس سے تائیوان میں خوفناک تباہی، 2 افراد ہلاک 330 سے زائد زخمی
data-id="863a0a8" data-element_type="widget" data-widget_type="theme-post-content.default">
جنوبی تائیوان میں شدید طوفان ’دناس‘ کے باعث خوفناک تباہی دیکھنے میں آئی ہے۔ تیز ہواؤں اور بارشوں کے نتیجے میں 2 افراد ہلاک اور 330 سے زائد زخمی ہو گئے ہیں، جب کہ 5 لاکھ گھروں کی بجلی منقطع ہو گئی ہے۔
عالمی میڈیا کے مطابق تائیوان میں طوفان اکثر مشرقی پہاڑی علاقوں سے ٹکراتے ہیں، لیکن طوفان داناس نے غیر معمولی طور پر مغربی ساحلی علاقوں کو نشانہ بنایا، جو کہ زیادہ آبادی والے علاقے ہیں۔
حکام کے مطابق، 220 کلومیٹر فی گھنٹہ کی رفتار سے چلنے والی ہواؤں نے 700 سے زائد درخت اور سڑک کے اشارے اکھاڑ دیے۔ یونلِن کاؤنٹی میں سب سے زیادہ طوفانی ہوائیں ریکارڈ کی گئیں۔
تائیوان کے صدر لائی چنگ-تے نے فیس بک پر اپنے پیغام میں عوام سے کہا کہ وہ مکمل احتیاط کریں، کیونکہ یہ طوفان ملک کے تمام حصوں کو متاثر کر سکتا ہے۔
حکام کا کہنا ہے کہ ایک شخص درخت گرنے سے اور دوسرا وینٹیلیٹر بند ہونے کی وجہ سے جان سے گیا۔
تائیوان سائنس پارک، جہاں عالمی ٹیکنالوجی کمپنی TSMC جیسے ادارے واقع ہیں، میں تاحال کوئی بڑا نقصان رپورٹ نہیں ہوا۔
دوسری طرف، چین کے مشرقی صوبے ژی جیانگ میں بھی خطرے کا الرٹ جاری کیا گیا ہے۔ چینی محکمہ موسمیات کے مطابق، طوفان منگل کی رات تک فو جیان اور تائیژو کے درمیان لینڈ فال کرے گا۔ احتیاطی تدابیر کے طور پر، 121 مسافر بحری جہاز، 64 فیری سروسز، اور 181 تعمیراتی منصوبے معطل کر دیے گئے ہیں۔
محصولات وصولی، فرائض کی ادائیگی میں ایف بی آر عوام سے عزت و تکریم سے پیش آئے، وزیراعظم