عازمین حج ہوجائیں خبردار ،گرینڈ آپریشن شروع کر دیا گیا
اشاعت کی تاریخ: 23rd, May 2025 GMT
سعودی حج سیکیورٹی فورسز نے 2025 کے حج سیزن میں غیر قانونی طور پر حج کرنے والوں کے خلاف کارروائیاں مزید سخت کر دی ہیں۔ جاری گرینڈ آپریشن میں اب جدید ٹیکنالوجی سے لیس ڈرون طیاروں کا استعمال بھی شروع کر دیا گیا ہے۔
یہ ڈرونز نہ صرف مکہ مکرمہ کے صحرائی اور مضافاتی علاقوں میں نقل و حرکت کی نگرانی کر رہے ہیں بلکہ حج کے انتظامی امور کو مزید مؤثر اور مربوط بنانے میں بھی مدد فراہم کر رہے ہیں۔
سعودی حکام کے مطابق ان کی اولین ترجیح ہے کہ رواں برس بغیر اجازت یا ویزا کے حج کرنے والوں کی سرگرمیوں کو روکا جائے۔ اسی سلسلے میں روزانہ سینکڑوں افراد کو گرفتار کیا جا رہا ہے اور ان کے خلاف قانونی کارروائی بھی عمل میں لائی جا رہی ہے۔
حکام کا کہنا ہے کہ سیکیورٹی نظام کو ہر ممکن حد تک مضبوط کیا جا رہا ہے تاکہ حج کے مقدس فریضے کو منظم، پرامن اور قانونی دائرے میں مکمل کیا جا سکے۔
.ذریعہ: Daily Ausaf
پڑھیں:
سعودی عرب، حج سیزن کے دوران پہلی مرتبہ روبوٹک سرجری کی سہولت
ریاض (اُردو پوائنٹ اخبارتازہ ترین - اے پی پی۔ 21 مئی2025ء) کنگ عبداللہ میڈیکل سٹی نے مکہ مکرمہ میں طبی خدمات میں جدت پیدا کرتے ہوئے پہلی مرتبہ روبوٹک سرجری کی سہولت فراہم کردی۔اردو نیوز کے مطابق مکہ مکرمہ ہیلتھ کمپلیکس کی جانب سے سینے کے پیچیدہ آپریشنز کے حوالے سے بتایا گیا ہے کہ یہاں پہلی مرتبہ روبوٹک سرجری کے دائرہ کار کو وسیع کرتے ہوئے مختلف بیماریوں کے آپریشنز کیے جائیں گے۔ان آپریشنز میں مختلف اقسام کے ٹیومرز، یورولوجیکل آپریشنز اور اعضا کی پیوند کاری وغیرہ شامل ہیں۔(جاری ہے)
روبوٹک ٹیکنالوجی استعمال کرتے ہوئے سرجری کے لیے جدید ترین سسٹم کو اپنایا گیا ہے جس سے آپریشن آسان اور مزید محفوظ ہوں گے۔جدید ٹیکنالوجی کا استعمال کرتے ہوئے انتہائی حساس اورمحفوظ ترین تھری ڈی کیمروں کے ذریعے سرجری کی جاتی ہے جس سے آپریشن انتہائی محفوظ ہوتا ہے اور وقت بھی روایتی سرجری سے کم لگتا ہے۔سینے کی روایتی سرجری کے لیے 10 سینٹی میٹر تک کا سوراخ کیا جاتا ہے جبکہ روبوٹک سرجری میں ہونے والا سوراخ ایک سینٹی میٹر سے زیادہ نہیں ہوتا۔علاوہ ازیں اس آپریشن کے بعد صحت یاب ہونے کا دورانیہ بھی بہت کم ہو جاتا ہے۔
فخر نہیں، سربسجود ہونے کا دن ہے: قمر زمان کائرہ