کراچی: لیاقت نیشنل میڈیکل کالج کے سالانہ کانووکیشن میں 103 طلباء کو ڈگریاں تفویض
اشاعت کی تاریخ: 24th, May 2025 GMT
کراچی:
لیاقت نیشنل میڈیکل کالج کا 10 واں سالانہ کانووکیشن ہفتے کو لیاقت کالج میں منعقد ہوا جس میں ایم بی بی ایس سال 2024 کے 103 گریجویٹ طلباء کو ڈگریاں تفویض کی گئیں۔
کانووکیشن میں پہلی پوزیشن ڈاکٹر مریم، دوسری ڈاکٹر ملائیکہ اور تیسری ڈاکٹر علینہ امین محمد نے حاصل کی جبکہ ڈاکٹر منال ارشد ملک کو بہترین گریجویٹ کے اعزاز میں ”واجد علی شاہ میڈل“ سے نوازا گیا۔
کانووکیشن کے مہمان خصوصی جناح سندھ میڈیکل یونیورسٹی کے وائس چانسلر پروفیسر ڈاکٹر امجد سراج میمن نے طالبعلموں کو اسناد تفویض کیں۔
تقریب میں لِیاقت نیشنل میڈیکل کالج کے ڈائریکٹر ڈاکٹر سلمان فریدی، کالج کے پرنسپل پروفیسر ڈاکٹر کریم اللہ مکی سمیت دیگر فکلیٹی اراکین اور طلباء و طالبات اور ان کے والدین نے بھی شرکت کی۔
وائس چانسلر پروفیسر امجد سراج میمن، رجسٹرار جناح یونیورسٹی ڈاکٹر اعظم خان اور لیاقت نیشنل اسپتال کے میڈیکل ڈائریکٹر ڈاکٹر سلمان فریدی نے کہا کہ فارغ و التحصیل طلباء وطالبات دکھی انسانیت کی خدمت کے لیے کوشاں رہیں۔
انکا کہنا تھا کہ طب کے شعبے کا تقاضہ ہے کہ صحت مند معاشرے کے قیام کے لیے دکھی انسانیت کی خدمت کی جائے اور یہی بہترین عبادت ہے۔
ڈاکٹر سلمان فریدی نے بتایا کہ لیاقت میڈیکل کالج سے اب تک 1200 ڈاکٹر گریجویٹ تیار ہوچکے ہیں جو ملک بھر میں اپنی خدمت انجام دے رہیں ہیں۔
انہوں نے پاس آؤٹ ہونے والے طلباء و طالبات سے کہا کہ وہ ملک میں صحت مند معاشرے کے قیام کے لیے اپنا بھرپور کردار ادا کریں۔ آخر میں انہوں نے گریجویٹس اور ان کے والدین کو مبارکباد دی۔
.
ذریعہ
ذریعہ: Express News
کلیدی لفظ: میڈیکل کالج
پڑھیں:
کراچی: شارع فیصل پر لین کی خلاف ورزی پر پہلے روز کتنے چالان ہوئے؟
کراچی (ڈیلی پاکستان آن لائن) کراچی میں یکم جون سے شارع فیصل پر لین کی خلاف ورزی پر فیس لیس چالان کے آغاز ہوگیا اور پہلے روز 11 گیٹیگریز کی سواریوں کے فیس لیس چالان ہوئے۔
نجی ٹی وی چینل ایکسپریس نیوز کے مطابق لین کی خلاف ورزی پر پہلے دن مجموعی طور پر 96 چالان ہوئے۔
بڑی بس 2، کوسٹر 2، ڈبل کیبن 1 اور گاڑی کے 9 چالان کیے گئے جبکہ منی بس 6، منی ٹرک 3 اور سوزوکی پک اپ کے 21 چالان ہوئے۔
اسی طرح موٹر سائیکل پر 43، ٹرک 3، وین 4 اور واٹر ٹینکر پر 2 چالان ہوئے۔ رپورٹ کے مطابق تمام چالان اپنی لین سے ہٹ کر دوسری لین میں چلانے پر ہوئے، فرسٹ لین میں آہستہ چلانے پر بھی فیس لیس چالان کیا گیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ