سعودی عرب میں عازمین حج کی نگرانی مزید سخت، غیرقانونی عازمین نشان دہی کیلئے ڈرونز تعینات
اشاعت کی تاریخ: 24th, May 2025 GMT
مکہ مکرمہ:
سعودی عرب نے عازمین حج کی نگرانی انتہائی سخت کرتے ہوئےغیرقانونی عازمین کی نشان دہی کے لیے ڈرونز سمیت جدید ٹیکنالوجی نصب کردی ہے اور مطلوبہ دستاویزات کے بغیر حج کی ادائیگی کرنے یا کوشش کرنے والوں پر بھاری جرمانے کا بھی اعلان کردیا ہے۔
عرب میڈیا کے مطابق سعودی عرب کے جنرل ڈائریکٹوریٹ آف پبلک سیکیورٹی نے بتایا کہ جدید کیمروں سے لیس ڈرونز قواعد کی خلاف ورزی کرنے والوں اور غیرقانونی عازمین حج کو درکار سرکاری اجازت نامے کے بعد ایک جگہ سے دوسری جگہ منتقل کرنے والی گاڑیوں کی نگرانی کے لیے مختص کیے گئے ہیں اور اس حوالے سے ویڈیو میں بھی دکھایا گیا ہے۔
رپورٹ میں بتایا گیا ہے کہ سعودی سیکیورٹی حکام غیرقانونی عازمین اور ان کے سہولت کاروں کے خلاف مسلسل کارروائیاں کر رہے ہیں، جو اجازت نامے کے بغیر حج نہیں کے عنوان سے اعلیٰ سطح کی مہم کا حصہ ہے۔
سعودی حکام نے ویڈیو کے ذریعے دیکھایا کہ ایک ڈرون نے صحرا میں مشتبہ گاڑی کی نشان دہی کی ہے، جس میں بغیردستاویزات کے سفر کرنے والے عازمین سوار تھے، ڈرون نے راستوں پر تعینات سیکیورٹی عہدیداروں کو آگاہ کیا، جنہوں نے فوری طور پر خلاف ورزی کرنے والوں کو گرفتار کرلیا۔
سعودی حکومت کی جانب سے استعمال ہونے والے یہ ڈرونز نگرانی کے وسیع نظام کا حصہ ہیں جو خلاف ورزی کرنے والے افراد کی نشان دہی کے لیے مصنوعی ذہانت اور تھرمل کیمرے استعمال کرنے کا حصہ ہے۔
قبل ازیں سعودی حکام نے بغیر دستاویزات کے غیرقانونی طور پر سفر کرنے والے کئی افراد کو گرفتار کرلیا ہے۔
سعودی عرب کی وزارت داخلہ نے اس حوالے سے بتایا تھا کہ خلاف ورزی کے مرتکب افراد کو انتظامی جرمانے یڈہاک کمیٹیوں کے ذریعے کردیے گئے ہیں، ان سزاؤں میں جیل، ایک لاکھ سعودی ریال تک جرمانہ، خلاف ورزی کے مرتکب غیرملکیوں کی سزا مکمل ہونے کے بعد بے دخلی اور ان کی سعودی عرب میں داخلے پر 10 سال کے لیے پابندی شامل ہے۔
وزارت داخلہ نے غیرقانونی طور پر دستاویزات نہیں رکھنے والے عازمین کو سفر کی سہولیات فراہم کرنے والی گاڑیاں ضبط کرنے کے لیے عدالتی احکامات کے لیے بھی رجوع کرلیا ہے۔
سعودی حکام نے واضح کیا ہے کہ حج کی ادائیگی کے لیے حج ویزا لازمی ہے اور وزٹ ویزا رکھنے والے افراد کو مقدس فریضے کی ادائیگی کی اجازت نہیں ہے۔
عازمین کو کہا گیا ہے کہ وہ سعودی حکام سے مشاورت کے ساتھ 80 ممالک میں قائم دفاتر یا 126 ممالک سے عازمین کے لیےنسک حج پلیٹ فارم کے ذریعے جاری ہونے والا حج ویزا حاصل کریں۔
سعودی عرب کی وزارت داخلہ نے اعلان کیا ہے کہ اگر کوئی اجازت نامے کے بغیر حج اداکرتے ہوئے یا حج ادا کرنے کی کوشش کے دوران پکڑا گیا تو اس پر دو لاکھ سعودی ریال جرمانہ عائد کردیا جائے گا۔
خیال رہے کہ سعودی حکام کی جانب سے یہ سخت اقدامات متعدد غیرملکی عازمین کی جانب سے ویزے کی مدت ختم ہونے کے بعد سعودی عرب میں ٹھہر کر غیرقانونی طور پر حج ادا کرنے کی شکایت پر کیے گئے ہیں۔
.
ذریعہ
ذریعہ: Express News
کلیدی لفظ: سعودی حکام خلاف ورزی نشان دہی کے لیے
پڑھیں:
دہشتگردی کے خاتمے تک فتنۃ الخوارج و فتنۃ الہندوستان کے خلاف کارروائیاں جاری رہیں گی، فیلڈ مارشل
پاک فوج کے شعبہ تعلقات عامہ (آئی ایس پی آر) سے جاری بیان کے مطابق فیلڈ مارشل عاصم منیر نے جنرل ہیڈکوارٹرز (جی ایچ کیو) راولپنڈی میں 20ویں نیشنل ورکشاپ بلوچستان کے شرکا سے خطاب کیا اور کہا کہ دہشت گردی کے خاتمے تک فتنہ الخوارج اور فتنہ الہندوستان کے خلاف کارروائیاں جاری رہیں گی۔
انہوں نے کہا کہ سیکیورٹی فورسز اور قانون نافذ کرنے والے اداروں کی مسلسل کوششیں، عوام کی غیرمتزلزل حمایت کے ساتھ بلوچستان میں پائیدار امن کے قیام کو یقینی بنائیں گی۔
فیلڈ مارشل نے اس عزم کا اعادہ کیا کہ فتنہ الخوارج اور فتنہ الہندوستان کے خلاف کارروائیاں دہشت گردی اور اس کے سہولت کاروں کے مکمل خاتمے تک پوری قوت کے ساتھ جاری رہیں گی، پاکستان میں جہاں بھی دہشت گردوں کا انفرا اسٹرکچر ملکی سلامتی کے لیے خطرہ بنے گا، اسے ختم کرنے کے لیے اپنے غیرمتزلزل عزم پر قائم ہے۔
انہوں نے کہا کہ بیرونی سرپرستی میں کام کرنے والے پراکسی عناصر مسلسل بلوچستان میں بدامنی، عدم استحکام اور امن کو سبوتاژ کرنے کی کوشش کر رہے ہیں تاہم مسلح افواج عوام کی یک جہتی اور ثابت قدمی کے ساتھ ان مذموم عزائم کو ناکام بنائیں گی۔
فیلڈ مارشل عاصم منیر نے بلوچستان کو پاکستان کا فخر قرار دیا اور کہا کہ یہ صوبہ بے پناہ قدرتی وسائل، محب وطن، باصلاحیت اور باہمت عوام سے مالا مال ہے، جو بلوچستان کی اصل طاقت ہیں۔
فیلڈ مارشل نے کہا کہ وفاقی اور صوبائی حکومتیں بلوچستان کی سماجی و معاشی ترقی کے لیے عوام دوست اور جامع منصوبوں پر عمل پیرا ہیں، جن کا مقصد صوبے کی تقدیر بدلنا ہے۔
انہوں نے قومی یک جہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا اور کہا کہ ملک کو درپیش چیلنجز سے نمٹنے اور روشن مستقبل کی بنیاد رکھنے کے لیے قومی اتحاد، استقلال اور مشترکہ کوششیں ناگزیر ہیں۔
آئی ایس پی آر کے مطابق جی ایچ کیو میں تقریب کے اختتام پر شرکا کے ساتھ تفصیلی سوال و جواب کا سیشن بھی منعقد ہوا، جس میں شرکا نے پاکستان کے استحکام، ترقی، امن اور خودمختاری کے لیے اپنے عزم کا اعادہ کیا۔
بھارت سے جنگ اور افغانستان میں کارروائی خارج ازامکان نہیں، وزیردفاع