کراچی میں ڈکیتی مزاحمت کے دوران فائرنگ کی زد میں آکر 10 سالہ بچی جاں بحق
اشاعت کی تاریخ: 27th, May 2025 GMT
کراچی کے علاقے کورنگی میں ڈاکو اور شہری کے درمیان فائرنگ کے مقابلے کی زد میں چار سالہ بچی گولیوں کی زد میں آکر جاں بحق ہوگئی۔
ایکسپریس نیوز کے مطابق شہر قائد کے علاقے ڈسٹرکٹ کورنگی میں ڈاکو راج کسی بھی صورت قابو میں آنے کا نام ہی نہیں لے رہا ، کورنگی کلو چوک کے قریب شہری اور ڈاکوؤں کے درمیان فائرنگ کے تبادلے میں کمسن بچی ڈاکوؤں کی گولی لگنے سے جاں بحق ہوگئی۔
واقعے کے بعد علاقہ مکینوں میں شدید اشتعال پھیل گیا اور انھوں نے ٹائروں کو نذر آتش کر کے سڑک بلاک کردی اور پولیس کے خلاف نعرے لگائے اس موقع پر مشتعل افراد نے ڈسٹرکٹ کورنگی پولیس کے افسران کی ناقص کارکردگی کو شدید تنقید کا نشانہ بنایا۔
کورنگی کے علاقے 4 نمبر کلو چوک کے قریب فائرنگ سے 11 سالہ عارفہ دختر وقار جاں بحق ہوگئی۔ اس حوالے سے ایس ایچ او عوامی کالونی کا کہنا ہے کہ 2 ڈاکو شہری سے اس کی موٹر سائیکل چھین رہے تھے کہ شہری کی جانب سے مزاحمت کی گئی اور اس نے اپنے پاس موجود پستول سے ڈاکوؤں پر فائرنگ کر دی جس کے جواب میں ڈاکوؤں کی جانب سے بھی فائرنگ کی گئی اور اس تبادلے میں ڈکوؤں کی فائرنگ سے کمسن عارفہ گولی لگنے سے جاں بحق ہوگئی جو کہ اسی علاقے کی رہائشی تھی۔
واقعے کے بعد مقتولہ کے اہلخانہ اور علاقہ مکینوں کی بڑی تعداد نے بچی کی لاش کے ہمراہ احتجاج کرتے ہوئے پولیس کی ناقص کارکردگی کو شدید تنقید کا نشانہ بناتے ہوئے اپنے غم و غصے کا اظہار کیا جبکہ ٹائروں کو نذر آتش کر کے ٹریفک معطل کر دیا جس کے باعث گاڑیوں کی قطاریں لگ گئیں۔
اس موقع پر مظاہرین کا کہنا تھا کہ گورنر سندھ کے آنے تک احتجاج جاری رہیگا ، پولیس جھوٹے وعدے کر کے چلی جاتی ہے ، احتجاج کے باعث کورنگی 4 نمبر سے 5 نمبر جانے والی سڑک پر ٹریفک کی روانی شدید متاثر ہونے سے گاڑیوں قطاریں لگ گئیں جس کی وجہ عام شہریوں کو بھی شدید مشکلات اور دقت کا سامنا کرنا پڑا۔
احتجاج کی اطلاع پر پولیس افسران بھی موقع پر پہنچ گئے اور ملزمان کو گرفتار کرنے کی یقین دہانی کرائی جس کے بعد مظاہرین نے احتجاج ختم کر دیا اور مقتولہ عارفہ کی لاش کو ضابطے کی کارروائی کے لیے جناح اسپتال لیجایا گیا اور پھر قانونی کارروائی کے بعد لاش لواحقین کے سپرد کردی گئی۔
حالیہ واقعے کے بعد رواں سال ڈاکوؤں کی فائرنگ کا نشانہ بن کر جاں بحق والوں کی مجموعی تعداد 48 ہوگئی۔
.
ذریعہ
ذریعہ: Express News
کلیدی لفظ: جاں بحق ہوگئی ڈاکوو ں کے بعد
پڑھیں:
کراچی، شہر کے مختلف علاقوں میں پولیس مقابلے، 6 زخمیوں سمیت 9 ڈاکو گرفتار
کراچی:شہر قائد کے مختلف علاقوں میں پولیس نے مبینہ مقابلوں کے دوران 6 زخمیوں سمیت 9 ڈاکوؤں کو گرفتار کر لیا۔
کارروائیوں کے دوران ملزمان کے قبضے سے اسلحہ، چھینے گئے موبائل فونز، نقد رقم اور موٹر سائیکلیں بھی برآمد کر لی گئیں۔
پولیس کے مطابق شاہ لطیف تھانے کی حدود میں بھینس کالونی کے قریب ایک نجی یونیورسٹی کے سامنے مبینہ پولیس مقابلے کے بعد ایک ڈاکو کو زخمی حالت میں گرفتار کیا گیا۔
زخمی ملزم کو جناح اسپتال منتقل کیا گیا جہاں اس کی شناخت جاوید عرف راول کے نام سے ہوئی۔
پولیس کا کہنا ہے کہ گرفتار ملزم اسٹریٹ کرائمز، ڈکیتی اور دیگر سنگین جرائم کی متعدد وارداتوں میں مطلوب تھا اور ماضی میں 15 سے زائد مقدمات میں گرفتار ہو کر جیل جا چکا ہے۔ ملزم کے قبضے سے اسلحہ، چھینے گئے موبائل فونز اور نقد رقم بھی برآمد ہوئی۔
دوسری کارروائی اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں کی گئی جہاں مبینہ مقابلے کے بعد دو ڈاکوؤں کو گرفتار کر لیا گیا۔
زخمی ملزم سہیل کو عباسی شہید اسپتال منتقل کیا گیا جبکہ اس کے ساتھی اکرم کو تھانے منتقل کر دیا گیا۔
مزید پڑھیںکراچی، پولیس اور ایس آئی یو کے ڈاکوؤں کے ساتھ مقابلے، 1 ڈاکو ہلاک، 3 زخمی حالت میں گرفتار
پولیس نے ملزمان کے قبضے سے اسلحہ، موبائل فون، نقد رقم اور موٹر سائیکل برآمد کرنے کا دعویٰ کیا ہے۔
ادھر بہادرآباد تھانے کی حدود میں کنگری ہاؤس کے قریب مبینہ پولیس مقابلے کے دوران دو ڈاکو گرفتار کیے گئے جن میں ایک زخمی ملزم جان شیر بھی شامل ہے۔
زخمی ملزم کو جناح اسپتال منتقل کیا گیا۔ پولیس کے مطابق گرفتار ملزمان سے اسلحہ، موبائل فونز، نقد رقم اور موٹر سائیکل برآمد کی گئی۔
ایک اور کارروائی فیروز آباد پولیس اور شاہین فورس نے جیل چورنگی کے قریب مشترکہ طور پر کی جہاں مبینہ مقابلے کے بعد دو ڈاکو زخمی حالت میں گرفتار کر لیے گئے۔
پولیس کا کہنا ہے کہ ملزمان کے قبضے سے اسلحہ، موبائل فونز، نقد رقم اور موٹر سائیکل برآمد ہوئی ہے۔
پولیس حکام کے مطابق گرفتار ملزمان کے خلاف مقدمات درج کر کے تفتیش کا آغاز کر دیا گیا ہے جبکہ ان کے دیگر ساتھیوں اور جرائم پیشہ نیٹ ورک سے متعلق بھی تحقیقات جاری ہیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ