مسقط پہنچنے پر ایرانی صدر کو 21 توپوں کی سلامی
اشاعت کی تاریخ: 27th, May 2025 GMT
عمان کے "قصر العلم" پہنچنے پر سلطان "هیثم بن طارق آل سعید" نے باضابطہ طور پر ڈاکٹر مسعود پزشکیان کا استقبال کیا۔ اسلام ٹائمز۔ اسلامی جمہوریہ ایران کے صدر ڈاکٹر "مسعود پزشکیان" عمان کے اعلیٰ عہدیداروں سے ملاقات کے لئے "مسقط" پہنچے۔ جہاں دفاعی امور میں عمانی وزیر اعظم کے نائب "شهاب بن طارق آل سعید" اور وزیر خارجہ "بدر بن حمد البوسعیدی" نے اُن کا استقبال کیا۔ عمان کے "قصر العلم" پہنچنے پر سلطان "هیثم بن طارق آل سعید" نے باضابطہ طور پر ڈاکٹر مسعود پزشکیان کا استقبال کیا۔ جس کے بعد دونوں ممالک کے قومی ترانے بجائے گئے۔ ایرانی صدر کو گارڈ آف آنر پیش کیا گیا اور عمان کے حکومتی عہدیداروں سے تعارف کروایا گیا۔ اس استقبالیہ تقریب میں ایرانی صدر اور ان کے ہمراہ وفد کے اعزاز میں 21 توپوں کی سلامی پیش کی گئی۔
ذریعہ: Islam Times
کلیدی لفظ: عمان کے
پڑھیں:
ایران نیوکلیئر مذاکرات کے لیے تیار، میزائل پروگرام پر ’کوئی بات نہیں کرے گا‘
ایرانی وزیر خارجہ عباس عراقچی نے کہا ہے کہ ایران اپنے جوہری پروگرام پر مذاکرات کے لیے تیار ہے، تاہم یہ مذاکرات اسی صورت میں ممکن ہوں گے جب ایران کے حقِ یورینیم افزودگی کا احترام کیا جائے۔ عراقچی کے مطابق ایران اپنے پرامن ایٹمی پروگرام پر بات چیت کا خواہاں ہے لیکن ملکی دفاعی نظام اور میزائل پروگرام کسی صورت مذاکرات کا حصہ نہیں بنائے گا۔
انہوں نے واضح کیا کہ ایران یورینیم افزودگی کے عمل سے دستبردار نہیں ہوگا اور امریکا کی جانب سے پیش کی جانے والی شرائط ناقابلِ قبول ہیں۔ ان کے بقول ایران ایک منصفانہ اور متوازن معاہدے کا خواہاں ہے جو اس کے قومی مفادات کے مطابق ہو۔
ایرانی وزیر خارجہ کا یہ بیان ایسے وقت میں سامنے آیا ہے جب خطے میں اسرائیل–ایران کشیدگی میں اضافہ ہوا ہے اور بین الاقوامی سطح پر جوہری سرگرمیوں سے متعلق دباؤ بڑھ رہا ہے۔ ایران نے اس کے باوجود زور دیا ہے کہ وہ پرامن ایٹمی سرگرمیوں کے لیے پرعزم ہے اور سفارتی راستے سے تمام تنازعات کے حل پر یقین رکھتا ہے۔
(ماخذ: تسنیم نیوز، اشراق الاوسط)
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رواں سال کا طاقتور ترین طوفان کیریبین جزائر پر اثر انداز ہونا شروع، اب تک 3 افراد ہلاک