پنجاب بھر میں طوفانی بارش، ایک شہری جاں بحق، 11 زخمی
اشاعت کی تاریخ: 27th, May 2025 GMT
لاہور:
پنجاب بھر میں طوفانی بارش کے نتیجے میں ایک شہری جاں بحق اور11 افراد زخمی ہوگئے۔
ترجمان ریسکیو پنجاب فاروق احمد نے بتایا کہ صوبہ بھر میں طوفان اور بادوباراں سے ایک شہری جاں بحق اور 11 زخمی ہوگئے ہیں، جن میں سے راولپنڈی میں دو بچے چھت سے گرنے والی چیز سے اور ایک شہری سیڑھی سے گرنے سے زخمی ہوگیا۔
ترجمان ریسکیو پنجاب کے مطابق میانوالی گلزار مدینہ کالو خیل کالا باغ بازار کالا باغ میں آسمانی بجلی گرنے سے ایک شہری جاں بحق ہوگئے۔
فاروق احمد نے بتایا کہ اٹک میں کچا مکان گرنے سے 22 سالہ خاتون زخمی ہوئیں، میانوالی میں تھانہ مکڑوال کی دیوار تیز ہوا کی وجہ سے گر گئی اور ایک شخص معمولی زخمی ہوا۔
انہوں نے کہا کہ گوجرانوالہ میں تیز آندھی کی وجہ سے ایک لڑکی چھت سے صحن میں گرگئیں، میا نوالی میں تیز آندھی کی وجہ سے چھت سے سولر پلیٹ گر گئی اور سولر پلیٹ سر میں لگنے سے ایک شخص زخمی ہوا۔
اسی طرح ملتان جلال پور پیر والا میں تیز آندھی کی وجہ سے چھت سے سولر پلیٹ گر گئی، سولر پلیٹ سر میں لگنے سے ایک شخص زخمی، ملتان میں حسن چوک وہاڑی روڈ پر دیوار گرنے سے ایک شخص زخمی ہوا۔
ترجمان نے بتایا کہ مظفر گڑھ میں ملتان روڈ پر آندھی کے باعث درخت کی شاخ لگنے سے ایک شخص زخمی ہوا، تونسہ شریف میں دیوار گرنے سے ایک خاتون زخمی ہوئیں اور مری میں درخت گرگیا۔
فاروق احمد نے بتایا کہ تمام زخمی افراد کو ریسکیو ٹیموں نے اسپتال منتقل کردیا ہے اور کہا کہ شہری ایمرجنسی کی صورت میں فوری ریسکیو 1122 ڈائل کریں۔
.ذریعہ: Express News
کلیدی لفظ: ایک شہری جاں بحق سے ایک شخص زخمی نے بتایا کہ سولر پلیٹ کی وجہ سے زخمی ہوا چھت سے
پڑھیں:
عوام تیاری کرلیں: ملک بھر میں گرج چمک کے ساتھ بارش ہونے والی ہے
عوام تیاری کرلیں: ملک بھر میں گرج چمک کے ساتھ بارش ہونے والی ہے WhatsAppFacebookTwitter 0 17 September, 2025 سب نیوز
محکمہ موسمیات نے ملک کے مختلف علاقوں میں گرج چمک کے ساتھ بارش کی پیشگوئی کردی ہے۔
محکمہ موسمیات کے مطابق ملک کے بیشتر علاقوں میں موسم خشک اور گرم رہنے کا امکان ہے تاہم بالائی خیبرپختونخوا، شمال مشرقی پنجاب، خطہ پوٹھوہار، کشمیر اور گلگت بلتستان میں چند مقامات پر تیز ہواؤں اور گرج چمک کے ساتھ بارش کا امکان ہے۔
اس دوران شمال مشرقی پنجاب، کشمیر اور ملحقہ پہاڑی علاقوں میں بعض مقامات پر تیز بارش بھی ہونے کی توقع ہے۔محکمہ موسمیات نے اسلام آباد اور گرد و نواح میں چند مقامات پر بارش کا امکان ظاہر کیا ہے۔
راولپنڈی، مری، گلیات، جہلم، اٹک، چکوال، لاہور، سرگودھا، خوشاب، سیالکوٹ، نارووال، قصور، حافظ آباد، فیصل آباد، منڈی بہاؤالدین، گجرات اورگوجرانوالہ میں بارش کا امکان ہے۔
پشاور، سوات، کوہاٹ، مردان، دیر، چترال، بنوں، باجوڑ، ایبٹ آباد، صوابی اور مانسہرہ میں بارش کی توقع ہے۔ بلوچستان کے جنوبی علاقوں میں مطلع جزوی ابرآلود رہنے کا امکان ہے۔
سندھ کے بیشتر اضلاع میں موسم گرم اور خشک رہنے کی توقع ہے، آزاد کشمیر اور گلگت بلتستان میں تیز ہواؤں اورگرج چمک کے ساتھ بارش کا امکان ہے۔
گزشتہ 24 گھنٹوں کے دوران ملک کے بیشتر علاقوں میں موسم گرم اور خشک جبکہ ساحلی علاقوں میں موسم جزوی طور پر ابر آلود رہا تاہم بالائی خیبر پختونخوا، کشمیر اور ملحقہ پہاڑی علاقوں میں چند مقامات پر تیز ہواؤں اورگرج چمک کے ساتھ بارش ہوئی،اس دوران کراچی میں بھی ہلکی بارش ہوئی۔
کراچی میں موسم کیسا ہے؟
محکمہ موسمیات کے مطابق کراچی کا موجودہ درجہ حرارت 27 ڈگری سینٹی گریڈ ہے، آج زیادہ سے زیادہ درجہ حرات 32 ڈگری سینٹی گریڈ تک رہنے کا امکان ہے۔ ہوا میں نمی کا تناسب 92 فیصد ہے، جنوب مغرب سے 7 کلو میٹر فی گھنٹہ کی رفتار سے ہوائیں چل رہی ہیں۔
محکمہ موسمیات کا کہنا ہے کہ کراچی میں مطلع ابر آلود رہنے کے ساتھ ہلکی بوندا باندی کا امکان ہے۔
پنجاب میں مون سون بارشوں کا 11واں اسپیل 19 ستمبر تک جاری رہنے کا امکان
پروویشنل ڈیزاسٹر مینجمنٹ اتھارٹی (پی ڈی ایم اے) کے مطابق پنجاب بھر میں مون سون بارشوں کا 11واں اسپیل 19 ستمبر تک جاری رہنے کا امکان ہے۔
محکمہ موسمیات نے آئندہ 24 گھنٹوں میں پنجاب کے بیشتر اظلاع میں بارشوں کی پیش گوئی کی ہے۔
ڈی جی پی ڈی ایم اے کے مطابق راولپنڈی، مری، گلیات کے ندی نالوں میں بہاؤ میں اضافے کا امکان ہے، وزیراعلیٰ پنجاب کی ہدایات کے پیش نظر انتظامیہ الرٹ ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکراچی: شادی والے دن لاپتا ہونیوالے دُلہا کے کیس کا ڈراپ سین، نوجوان کا بیان سامنے آگیا کراچی: شادی والے دن لاپتا ہونیوالے دُلہا کے کیس کا ڈراپ سین، نوجوان کا بیان سامنے آگیا پنجاب حکومت نے جی ایچ کیو حملے کیس کے جیل ٹرائل کا نوٹیفکیشن واپس لے لیا سکیورٹی فورسز کا خضدار میں آپریشن، 5 بھارتی حمایت یافتہ دہشت گرد ہلاک پٹوار سرکلز میں غیر قانونی عمل، اسلام آباد ہائیکورٹ نے ڈپٹی کمشنر کو طلب کر لیا جسٹس طارق جہانگیری کی سماعت کی آڈیو ویڈیو ریکارڈنگ حصول کی درخواست دائر سی پیک کے تحت چلنے والے پراجیکٹ ایس ۔کے ۔ ہائیدروپاور اسٹیشن کے کمرشل آپریشن کا ایک سالCopyright © 2025, All Rights Reserved
رابطہ کریں ہماری ٹیم
نیپال کے وزیرِاعظم مستعفی، سوشل میڈیا پابندی اور پُرتشدد احتجاج نے حکومت ہلا دی