کوہاٹ: دریائے سندھ میں کشتی ڈوب گئی، 7 افراد کو بچا لیا گیا، 2 کی تلاش جاری
اشاعت کی تاریخ: 28th, May 2025 GMT
کوہاٹ(نیوز ڈیسک)دریائے سندھ میں خوشحال گڑھ کے مقام پر افسوسناک واقعہ پیش آیا جہاں ایک کشتی ڈوب گئی۔ ریسکیو 1122 کے مطابق کشتی میں نو افراد سوار تھے۔ اطلاع ملتے ہی ریسکیو ٹیمیں فوری طور پر جائے وقوعہ پر پہنچ گئیں اور غوطہ خوروں کی مدد سے ریسکیو آپریشن شروع کر دیا گیا۔
ریسکیو 1122 حکام کے مطابق مقامی غوطہ خوروں کی مدد سے سات افراد کو زندہ نکال لیا گیا ہے جبکہ دو افراد تاحال لاپتہ ہیں جن کی تلاش کے لیے سرچ آپریشن جاری ہے۔
ریسکیو ذرائع کے مطابق اس سرچ آپریشن میں کوہاٹ، نوشہرہ اور کرک سے تعلق رکھنے والی امدادی ٹیمیں حصہ لے رہی ہیں۔ ریسکیو آپریشن کی نگرانی ڈسٹرکٹ ایمرجنسی آفیسر کوہاٹ، عارف خٹک خود کر رہے ہیں۔
امدادی کام تیزی سے جاری ہے اور لاپتہ افراد کو ڈھونڈنے کے لیے تمام ممکنہ وسائل بروئے کار لائے جا رہے ہیں۔ مقامی انتظامیہ اور اہل علاقہ نے بھی ریسکیو ٹیموں کے ساتھ تعاون کیا ہے۔ واقعے کی مزید تفصیلات کا انتظار ہے۔
راولپنڈی: محکمہ تعلیم کے دفتر سے 9600 سے زائد کتابیں چوری کرنے والے دو افراد گرفتار
.ذریعہ: Daily Ausaf
پڑھیں:
کوٹ مومن سے لاپتہ ہونے والی 2 طالبات لاہور سے مل گئیں
سرگودھا میں کوٹ مومن سے لاپتہ ہونے والی 2 طالبات لاہور سے مل گئی ہیں۔
اے ایس پی کے مطابق لاہور میں لاپتہ طالبات کی موجودگی کا علم ہونے پر سیف سٹی کیمروں کی مدد سے انہیں تلاش کیا گیا۔
اے ایس پی کے مطابق طالبات کا کہنا ہے کہ والدین ان پر سختی کرتے تھے، تفتیش کے دوران ان کے اغوا کے شواہد نہیں ملے ہیں۔
اے ایس پی کے مطابق طالبات کو والدین کے حوالے کردیا گیا ہے۔
برطانیہ میں بارشیں نہ ہونے کی وجہ سے خشک سالی کا خطرہ