پشاور میں تیز ترین آندھی، طوفانی بارش نے تباہی مچا دی
اشاعت کی تاریخ: 28th, May 2025 GMT
حیات آباد میں گھروں پر لگے سولر پینلز اکھڑ گئے، حیات آباد اسپورٹس کمپلیکس کی فائبر شیٹ کی لگی چھت تباہ ہوگئی اور سائن بورڈ گرنے سے دو ٹیکسی گاڑیاں بھی ملیا میٹ ہوگئیں۔ اسلام ٹائمز۔ طوفانی بارش اور آندھی نے شہر میں تباہی پھیر دی جہاں درخت گرنے، سائن بورڈ گرنے اور چھت گرنے سے 3 افراد ملبے تلے دب گئے تاہم امدادی کارکنوں نے بروقت کارروائی کرتے ہوئے انہیں بحفاظت نکال لیا اور کوئی جانی نقصان نہیں ہوا۔ تفصیلات کے مطابق پشاور کے علاقے حیات آباد میں گھروں پر لگے سولر پینلز اکھڑ گئے، حیات آباد اسپورٹس کمپلیکس کی فائبر شیٹ کی لگی چھت تباہ ہوگئی اور سائن بورڈ گرنے سے دو ٹیکسی گاڑیاں بھی ملیا میٹ ہوگئیں۔ پشاور میں سواریوں کو لانے والی مسافر ٹیکسی کاریں سڑک پر کھڑی تھیں کہ طوفانی بارش سے پہلے آندھی سے سائن بورڈ گاڑیوں پر آگرا، انڈسٹریل اسٹیٹ میں شدید بارش اور طوفان سے بجلی کے کھمبے اکھڑ گئے اور مین ٹراسمیشن لائنیں بھی متاثر ہوگئیں اور اس کے نتیجے میں حیات آباد اور ملحقہ علاقوں میں بجلی کا نظام درہم برہم ہوگیا۔
پشاور رنگ روڈ پر حیات آباد کے قریب نالوں میں پانی بھرنے سے سیلابی صورت حال پیدا ہوئی، ڈبگری میں لیڈی گرفتھ اسکول کے پاس سڑک تالاب کا منظر پیش کرتی رہی جس سے ٹریفک کی روانی میں شدید مشکلات کا سامنا کرنا پڑا۔ لیڈی ریڈنگ اسپتال کے ڈاکٹر ہاسٹل گیٹ کے سامنے بھی پانی کھڑا ہونے سے پل پر گاڑیوں کی لمبی قطاریں لگی رہیں۔ ادھر متنی میں ڈھابے ہوٹل کی چھت گر نے سے تین افراد ملبے تلے دب گئے جنہیں ریسکیو ٹیموں نے امدادی کاروائیوں کے بعد نکالا، شہر میں چارسدہ روڈ، نمک منڈی، کوہاٹ روڈ پر بھی درخت گر گئے تاہم جانی نقصان نہیں ہوا۔
ذریعہ
ذریعہ: Islam Times
کلیدی لفظ: حیات آباد
پڑھیں:
سندھ میں مٹی کے طوفان نے تباہی مچا دی، 46 گرڈ اسٹیشن بند، درجنوں شہر اندھیرے میں ڈوب گئے
سکھر:سندھ کے مختلف اضلاع میں آنے والی شدید آندھی، مٹی کے طوفان اور موسلا دھار بارش نے بڑے پیمانے پر تباہی مچا دی۔
مورو میں طوفانی ہواؤں کے باعث گھروں، دکانوں، ہوٹلوں اور سرکاری و نیم سرکاری عمارتوں کی چھتوں پر نصب سولر پلیٹیں اور سائن بورڈ اکھڑ کر دور جا گرے جبکہ متعدد مقامات پر درخت اور بجلی کی تاریں بھی زمین بوس ہوگئیں۔
ریسکیو ذرائع کے مطابق مختلف حادثات میں کم از کم پانچ افراد زخمی ہوئے جنہیں فوری طور پر قریبی اسپتال منتقل کر دیا گیا۔
کئی علاقوں میں شہری خوف و ہراس کا شکار رہے جبکہ طوفان کے باعث معمولات زندگی شدید متاثر ہوئے۔
دوسری جانب لاڑکانہ، شکارپور، دادو اور گرد و نواح میں خراب موسمی صورتحال کے باعث بجلی کا ترسیلی نظام بھی بری طرح متاثر ہوا۔
سیپکو حکام کے مطابق شدید آندھی اور بارش کے نتیجے میں 220 کے وی گرڈ اسٹیشن لوڈرا، شکارپور اور دادو سے آنے والی 132 کے وی مین سپلائی متاثر ہوگئی جس کے باعث لاڑکانہ سرکل کے متعدد فیڈرز بند ہوگئے۔
سیپکو کنٹرول سینٹر کے مطابق طوفانی موسم سے 220 کے وی اور 132 کے وی کی متعدد اہم ٹرانسمیشن لائنیں ٹرپ کر گئیں جبکہ کئی مقامات پر ٹاورز، پولز اور بجلی کی لائنوں کو نقصان پہنچا ہے۔
صورتحال کے باعث مجموعی طور پر 46 گرڈ اسٹیشنز متاثر ہوئے جس سے لاڑکانہ، قمبر، شہدادکوٹ، کشمور، کندھکوٹ، گھوٹکی، خیرپور، نوشہروفیروز، مورو اور دیگر علاقوں میں بجلی کی فراہمی معطل یا شدید متاثر ہوگئی۔
سیپکو کے چیف ایگزیکٹو آفیسر انجینئر اعجاز احمد چنہ کی ہدایات پر آپریشن، کنسٹرکشن، جی ایس او اور فیلڈ ٹیموں کو ہنگامی بنیادوں پر متحرک کر دیا گیا ہے۔
انجینئرز اور تکنیکی عملہ متاثرہ علاقوں میں مرمتی کاموں میں مصروف ہے اور خراب ہونے والے پولز، ٹاورز اور ٹرانسمیشن لائنوں کی بحالی کا عمل جاری ہے۔
سیپکو حکام کا کہنا ہے کہ ادارہ اپنے تمام دستیاب وسائل استعمال کرتے ہوئے بجلی کی جلد بحالی کے لیے کام کر رہا ہے تاہم شدید موسمی حالات کے باعث مرمتی سرگرمیوں میں مشکلات کا سامنا ہے۔
متاثرہ علاقوں کے صارفین سے صبر و تحمل کی اپیل کرتے ہوئے یقین دلایا گیا ہے کہ بجلی کی فراہمی جلد از جلد بحال کرنے کی ہر ممکن کوشش کی جا رہی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ