بیٹے کی والدین سے ناراضی، پولیس نے معاملہ کیسے حل کیا؟
اشاعت کی تاریخ: 28th, May 2025 GMT
گھروں میں لڑائی جھگڑے اور ناراضیاں چلتی رہتی ہیں، تاہم بعض اوقات انا کی وجہ سے یہ معاملہ انتہائی گھمبیر بھی ہو جاتا ہے، ایسا ہی کچھ کراچی کے ایک علاقے میں ہوا۔
24 مئی کو کراچی کے تھانہ درخشاں میں ڈی ایچ اے فیز 6 کے رہائشی سرکاری ملازم جاوید سولنگی کی جانب سے ایک رپورٹ درج کروائی گئی جس میں بیان کیا گیا کہ ان کا 24 سالہ بیٹا حسن سولنگی اپنی ذاتی گاڑی میں گھر سے نکلا اور لاپتا ہو گیا ہے۔
یہ بھی پڑھیں کراچی: قتل کی نیت سے حملہ آور بیٹا باپ کے ہاتھوں قتل
مدعی مقدمہ کے مطابق حسن سے رات کے وقت فون پر مختصر رابطہ ہوا، جس میں ان کے بیٹے نے کہاکہ وہ تھوڑی دیر میں واپس آ رہا ہے لیکن کچھ دیر تک جب وہ نہ آیا تو دوبارہ رابطہ کرنے پر پتا چلا کہ اس کے دونوں موبائل نمبرز بند ہو گئے ہیں اور وہ مکمل طور پر لاپتہ ہو چکا ہے۔ جس کے بعد تھانہ درخشاں میں اغوا کا مقدمہ درج کرکے فوری طور پر قانونی کارروائی عمل لانے کی درخواست کی گئی۔
درخشاں پولیس نے مقدمہ کے اندراج کے بعد تفتیش کا آغاز کیا، اور موبائل ڈیٹا و سی سی ٹی وی فوٹیج کی مدد سے جامع تحقیقات کے نتیجے میں حسن سولنگی کو پاک کالونی کے علاقے سے بازیاب کرلیا گیا۔
یہ بھی پڑھیں قتل کے مقدمے کا ڈراپ سین، سگا باپ ہی بیٹے کا قاتل نکلا
تفتیش پر معلوم ہوا کہ حسن سولنگی کسی کے اغوا کا نشانہ نہیں بنا تھا، بلکہ یہ معاملہ خود ساختہ اغوا کا تھا، مزید معلومات کے مطابق حسن سولنگی نجی معاملہ پر ماں باپ سمیت دیگر گھر والوں سے ناراض تھا جس کے بعد اس نے یہ حرکت کی، بعد ازاں حسن کو بحفاظت اُس کے والد جاوید سولنگی کے حوالے کردیا گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بازیاب بیٹا پولیس کراچی والدین ناراض وی نیوز.
ذریعہ
ذریعہ: WE News
کلیدی لفظ: بازیاب بیٹا پولیس کراچی والدین ناراض وی نیوز حسن سولنگی
پڑھیں:
کراچی: شارع فیصل پر لین کی خلاف ورزی پر پہلے روز کتنے چالان ہوئے؟
کراچی (ڈیلی پاکستان آن لائن) کراچی میں یکم جون سے شارع فیصل پر لین کی خلاف ورزی پر فیس لیس چالان کے آغاز ہوگیا اور پہلے روز 11 گیٹیگریز کی سواریوں کے فیس لیس چالان ہوئے۔
نجی ٹی وی چینل ایکسپریس نیوز کے مطابق لین کی خلاف ورزی پر پہلے دن مجموعی طور پر 96 چالان ہوئے۔
بڑی بس 2، کوسٹر 2، ڈبل کیبن 1 اور گاڑی کے 9 چالان کیے گئے جبکہ منی بس 6، منی ٹرک 3 اور سوزوکی پک اپ کے 21 چالان ہوئے۔
اسی طرح موٹر سائیکل پر 43، ٹرک 3، وین 4 اور واٹر ٹینکر پر 2 چالان ہوئے۔ رپورٹ کے مطابق تمام چالان اپنی لین سے ہٹ کر دوسری لین میں چلانے پر ہوئے، فرسٹ لین میں آہستہ چلانے پر بھی فیس لیس چالان کیا گیا۔
ایف آئی اے نے جعلی دستاویزات پر بیرون ملک جانے والی 2 خواتین کو آف لوڈ کر دیا ، 2 ایجنٹ گرفتار
مزید :
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ