اسلام آباد میں پولیس پارٹی پر شدید فائرنگ، 2 ڈاکو ہلاک
اشاعت کی تاریخ: 29th, May 2025 GMT
گزشتہ منگل کو راولپنڈی کے معروف علاقے فیض آباد میں اسلام آباد پولیس کے اہلکاروں پر فائرنگ میں ملوث 2 ملزمان جمعرات کو شہزاد ٹاؤن کے علاقے میں اپنے ساتھی ڈاکوؤں کی فائرنگ کا نشانہ بن کر ہلاک ہوگئے، پولیس پارٹی اس حملے میں حفاظتی اقدامات کے باعث محفوظ رہی۔
اسلام آباد پولیس ترجمان کے مطابق پولیس اے ایس آئی سدھیر احمد عباسی کو شہید اور کانسٹیبل جعفر جہانگیر کو شدید زخمی کرنے والے دونوں ڈکیت اپنے ساتھیوں کی فائرنگ سے ہلاک ہوگئے ہیں۔
پولیس ٹیم گرفتار ڈکیت گینگ کے 2 خطرناک ارکان کو ساتھی ڈکیتوں کی گرفتاری اور ریکوری کے لیے نشان دہی پر لے جارہی تھی، گینگ کے ٹھکانے پر پہنچتے ہی ملزمان نے پولیس کو اپنی طرف آتے دیکھ کر چاروں طرف سے پولیس پر شدید فائرنگ شروع کردی۔
ترجمان کے مطابق پولیس پارٹی حفاظتی اقدامات، بلٹ پروف جیکٹ اور بروقت رسپانس کے باعث محفوظ رہی، اپنے ساتھیوں کی فائرنگ کی زد میں آکر گرفتار دونوں خطرناک ڈکیت شدید زخمی ہوگئے، جنہیں علاج معالجے کے لیے اسپتال منتقل کیا جارہا تھا کہ وہ راستے میں دم توڑ گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد اے ایس آئی راولپنڈی سدھیر احمد عباسی شہزاد ٹاؤن فیض آباد کانسٹیبل جعفر جہانگیر.
ذریعہ
ذریعہ: WE News
کلیدی لفظ: اسلام اباد اے ایس آئی راولپنڈی سدھیر احمد عباسی شہزاد ٹاؤن فیض ا باد کانسٹیبل جعفر جہانگیر اسلام ا
پڑھیں:
اسلام آباد میں مارکیٹوں اور دکانوں کے اوقات کار میں توسیع کی منظوری
دارالحکومت اسلام آباد میں مارکیٹوں اور دکانوں کے اوقات کار میں توسیع کی منظوری دے دی گئی۔
نائب وزیراعظم و وزیر خارجہ اسحاق ڈارکی زیر صدارت کفایت شعاری اقدامات کی نگرانی و عملدرآمد کمیٹی کا اجلاس ہوا، جس میں مارکیٹوں اور دکانوں کے اوقات کار میں توسیع کی منظوری دی گئی۔
اعلامیہ کے مطابق دکانیں، مارکیٹیں، شاپنگ مالز اور جنرل ریٹیل رات 9 بجے تک کھلے رہ سکیں گے جبکہ ریسٹورنٹس رات 11 بجے تک کھلے رہیں گے، ٹیک اوے اور ڈلیوری سروسز مستثنیٰ ہوں گی۔
اعلامیہ کے مطابق شادی ہالز اور تقریباتی مقامات کے اوقات رات 10 بجے تک برقرار رکھنے کا فیصلہ کیا گیا ہے۔
اعلامیہ کے مطابق فارمیسی، اسپتال، پیٹرول پمپس، آئی ٹی اور ٹیلی کام سے متعلق ضروری خدمات اوقات کار کی پابندی سے مستثنیٰ ہوں گی۔
صوبائی حکومتوں کو وفاقی اداروں کے تعاون سے نئے اوقات کار پر مؤثر عملدرآمد یقینی بنانے کی ہدایت کی گئی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ