انٹر نیشنل بکرا بچھڑا و اونٹ میلہ، لاہور کے 257کلوگرام وزنی بکرے کی پہلی پوزیشن
اشاعت کی تاریخ: 29th, May 2025 GMT
مکوآنہ (اُردو پوائنٹ اخبارتازہ ترین - این این آئی۔ 29 مئی2025ء)27 ویں انٹر نیشنل بکرا 'بچھڑا 'اونٹ میلہ میں لاہور کے 257کلوبکرے قلندر نے پہلی پوزیشن کیساتھ سات لاکھ روپے کا انعام جیت لیا، سب سے زیادہ وزنی بچھڑے کا مقابلہ بھی احسن ہاشمی آ ف لاہورکے 1430کلو وزنی باس نامی نے جیت کر 3لاکھ روپے کاپہلاا نعام اپنے نام کیا۔انٹرنیشنل بکرا بچھڑا ایسوسی ایشن کے زیر اہتمام صحت مند خوبصورت اور وزنی بکروں 'بچھڑوں اونٹوں بھینسوں کے مقا بلے زر عی یونیورسٹی کے نیزہ بازی سٹیڈیم میں منعقد ہوئے بانی چیئرمین آ رگنائز نگ کمیٹی چوہدری عطامحمدگجر کی سربراہی میں 27 ویں سالانہ 2025 کے اس تین روزہ میلے میں دور دراز سے لوگوں کی بڑی تعداد نے اپنے پالتو مویشیوں کیساتھ شرکت کی وزنی بکروں کے مقابلہ میں گوجرانوالہ سے فرخ اعجاز کے 256 کلو بکرے مرشد نے دوسری پوزیشن کا تین لاکھ روپے جبکہ لاہور سے احسن ہاشمی کی247کلو بکرے سلطان نے تیسرا انعام ایک لاکھ روپئے جیتا۔
(جاری ہے)
وزنی بچھڑے کا دوسرا انعام فرخ اعجاز کی1428کلوبچھڑے نے جبکہ لاہور سے زاہد جٹ کی1365کلو بچھڑے نے میڈل جیتا۔زیادہ دودھ دینے والی بکریوں کے مقابلے میں کامونکی سے آ ئیبابابلو کی بکری مستانی نی9کلو 500گرام دودھ دیکر نہ صرف پہلا انعام 2لاکھ روپے جیت لیا بلکہ ورلڈ ریکارڈ بھی قائم کیا۔ملک عمران فیصل آباد کی بکری بلی ڈاچی نی8کلو 7گرام اوراللہ دتہ کی بکری سوہنی نی7کلو 455گرام دودھ دیکر دوسرا اور تیسرا انعام اپنے نام کیا۔وزنی چھتروں کے مقابلہ میں فرخ اعجازکے 190 کلو شہزادہ پہلے نمبر پر آ یا اور 3لاکھ کاانعام جیتا۔لاہور کے عمربٹ کا177کلوچھترانے دوسری پوزیشن پر ایک لاکھ اور فرخ اعجازگوجرانوالہ کی173کلوچھترے نے تیسرا انعام50ہزار رو پے جیت لیا۔ وزنی اونٹ مقابلہ میں عادل چٹھہ گوجرانوالہ کی1415کلو فخر پاکستان پہلے نمبرپر3 لاکھ، فرخ اعجازکی1410کلوکملانامی اونٹ کو دوسرا انعام ایک لاکھ جبکہ لیہ بھکر سے حاجی اللہ بخش کے 1335کلواونٹ کو تیسرا انعام50ہزار دیاگیا۔وزنی بھینسے کٹے کامقابلہ میں علی عطاکی1026کلو نے پہلا انعام جیتا۔تین روزہ خوبصورت صحت مند وزنی بکرے بچھڑے چھترے اونٹ بھیسے مقابلوں میں کل 21 مختلف کیٹگری کے مقابلے ہوئے۔ ان میں ٹیڈی کراس اور پیور بکرے بکریاں سینگ اور بغیر سینگ والے بکرے زیادہ دودھ دینے والی مختلف نسلوں کی بکریوں کے مقابلے شامل تھے۔ فیصل آباد انٹرنیشنل بکرا بچھڑا ایسوسی ایشن کے بانی چیئرمین چوہدری عطا محمدگجر کی زیر قیادت عید قرباں کے موقعے پر عید سے کچھ دن پہلے یہ مقابلے منعقد کئے جارہے ہیں ان کا مقصد قربانی کے جانوروں کی بہتر پرورش یقینی بنانے کے ساتھ ساتھ خوراک کی بڑھتی ہوئی ضروریات کو پورا کرنے کے سلسلہ میں دودھ اور گوشت کی پیداوار میں خاطر خواہ اضافہ کیلئے کاوش کو آ گے بڑھانا ہے اس لئے یہ مقا بلے گزشتہ 27سال سے پورے اہتمام کیساتھ منعقد ہورہے ہیں۔چوہدری عطا محمد نے بتایا کہ ان مقابلوں میں کئی عالمی ریکارڈ قائم ہو چکے ہیں۔ 2021 میں وزنی بکرے،2024 میں دنیاکے سب سے وزنی اونٹ اوراس سال سب سے زیادہ دودھ دینے والی بکری نے ورلڈ ریکارڈ قائم کیا ہے۔ انہوں نے بتایا کہ اس سالانہ فیسٹول پر تقریبا 20 ملین رو پے لاگت آ ئی جبکہ صدر فرخ اعجاز نائب صدور شیخ عبد الوہاب،اسد بٹ جنرل سیکرٹری چوہدری عاطف، سرپرست اعلیٰ احسن ہاشمی،آرگنائزنگ کمیٹی چوہدری محمد اشرف سمیت دیگر ممبران نے شب وروز بھاگ دوڑ اور بھر پور کاوشوں کیساتھ سالانہ مقابلوں کے اہتمام اور انتظامات کو کامیابی سے ہمکنار کیا۔.
ذریعہ
ذریعہ: UrduPoint
کلیدی لفظ: تلاش کیجئے تیسرا انعام مقابلہ میں لاکھ روپے کی بکری
پڑھیں:
دبئی کا بڑا اعلان؛ دوستوں اور رشتہ داروں کو سیاحت پر بلائیں، ہزاروں درہم انعام پائیں
مشرقِ وسطیٰ میں جاری جنگ کے باعث سیاحوں کی تعداد میں نمایاں کمی کے بعد دبئی نے سیاحت کو دوبارہ فروغ دینے کے لیے منفرد مہم شروع کر دی ہے۔
عرب میڈیا کے مطابق نئی اسکیم کے تحت متحدہ عرب امارات کے رہائشی اگر اپنے دوستوں یا رشتہ داروں کو دبئی گھومنے کے لیے آمادہ کریں تو انھیں 3 ہزار اماراتی درہم مالیت تک کے انعامات اور سہولتیں دی جائیں گی۔
دبئی کے محکمۂ اقتصادیات و سیاحت کی جانب سے متعارف کرائی گئی اسکیم ’’دبئی اِنوائٹ‘‘ کے تحت یو اے ای میں مقیم افراد اپنے بیرونِ ملک رہنے والے دوستوں اور اہلِ خانہ کو نامزد کرسکتے ہیں۔
اگر کسی شہری کی دعوت پر ان کے دوست یا رشتہ دار سیاحتی ویزے پر دبئی آتے ہیں تو میزبان کو ہوٹل میں قیام، ریستورانوں میں خصوصی رعایت، تفریحی مقامات کے ٹکٹ اور دیگر مراعات پر مشتمل خصوصی پیکیج دیا جائے گا۔
اس اسکیم کے تحت ہر رہائشی زیادہ سے زیادہ تین مہمانوں کے لیے فوائد حاصل کرسکتا ہے بشرطیکہ مہمان 31 اکتوبر سے پہلے دبئی پہنچ جائیں۔ تاہم ان مراعات سے دسمبر تک فائدہ اٹھایا جا سکے گا۔
اس اسکیم سے فائدہ اٹھانے کے لیے ضروری ہے کہ آنے والا فرد یو اے ای کا رہائشی نہ ہو، وہ درست سیاحتی ویزے پر سفر کرے اور اسے صرف ایک مرتبہ ہی نامزد کیا جا سکے گا۔
دبئی حکومت کے یہ اقدام ایسے وقت میں سامنے آئے ہیں جب امریکا، اسرائیل اور ایران کے درمیان کشیدگی کے اثرات خلیجی ممالک تک پہنچنے کے بعد سیاحت شدید متاثر ہوئی ہے۔
رپورٹس کے مطابق ایران کی جانب سے کیے گئے میزائل اور ڈرون حملوں کے بعد دبئی کے بین الاقوامی ہوائی اڈے اور معروف فیئرمونٹ ہوٹل کو نقصان پہنچا جس سے دبئی کی محفوظ سیاحتی مقام کی ساکھ متاثر ہوئی۔
یاد رہے کہ گزشتہ برس 2025 میں دبئی نے تقریباً 2 کروڑ بین الاقوامی سیاحوں کا خیرمقدم کر کے نیا ریکارڈ قائم کیا تھا لیکن حالیہ جنگ کے بعد صورتحال یکسر بدل گئی ہے۔
ہوائی سفر پر سیکیورٹی خدشات بڑھنے کے باعث دبئی آنے والی کئی بین الاقوامی ایئرلائنز نے اپنی پروازیں معطل یا محدود کر دیں جبکہ متعدد طیاروں نے مشرقِ وسطیٰ کی فضائی حدود سے گزرنے سے گریز کیا۔
اس کے نتیجے میں دبئی ایئرپورٹس پر آپریٹ کرنے والی ایئرلائنز کی تعداد میں نمایاں کمی آئی۔ دوسری جانب ہوٹلوں میں بکنگ کم ہونے سے خالی کمروں کی شرح میں اضافہ ہوا ہے اور کئی کاروباری اداروں کی آمدنی میں 50 فیصد سے زائد کمی ریکارڈ کی گئی۔
دبئی کے بعض مشہور ہوٹلوں نے کم طلب کے باعث تزئین و آرائش کے منصوبے قبل از وقت شروع کر دیے ہیں۔ دنیا کے مشہور برج العرب ہوٹل کو بھی بڑے پیمانے پر مرمت اور بحالی کے لیے تقریباً 18 ماہ کے لیے بند کرنے کا اعلان کیا گیا ہے۔
اس کے علاوہ کئی ہوٹل اور سیاحتی ادارے حکومت کی نئی اسکیم کے تحت 45 فیصد تک رعایت اور مفت قیام جیسی خصوصی پیشکشیں بھی دے رہے ہیں۔
مقامی میڈیا کے مطابق دبئی اِنوائٹ اسکیم کے آغاز کے صرف 48 گھنٹوں میں 10 ہزار سے زائد درخواستیں موصول ہو چکی ہیں جس سے ظاہر ہوتا ہے کہ حکومت کو اس منصوبے سے سیاحت کی بحالی کی امیدیں وابستہ ہیں۔
ٹی20 ورلڈ کپ 2026: پاکستان نے سپر 8 کے لیے جگہ پکی کر لی