براڈکاسٹرز کا اجلاس، الیکٹرانک میڈیا انڈسٹری کے چیلنجز،لائحہ عمل پر غورشرکاء کا انڈسٹری کو درپیش مسائل کے حل کےلئے اجتماعی حکمت عملی اورمل کر چلنے پر اتفاق
اشاعت کی تاریخ: 30th, May 2025 GMT
براڈکاسٹرز کا اجلاس، الیکٹرانک میڈیا انڈسٹری کے چیلنجز،لائحہ عمل پر غورشرکاء کا انڈسٹری کو درپیش مسائل کے حل کےلئے اجتماعی حکمت عملی اورمل کر چلنے پر اتفاق WhatsAppFacebookTwitter 0 30 May, 2025 سب نیوز
لاہور: ملک بھر سے تعلق رکھنے والے ممتاز براڈکاسٹرز کاگزشتہ روز یہاں ایک مقامی ہوٹل میں مشاورتی اجلاس ہوا، جس کا مقصد ملکی الیکٹرانک میڈیا انڈسٹری کو درپیش چیلنجز پر تبادلہ خیال اور مستقبل کے لیے مشترکہ حکمتِ عملی تیار کرنا تھا۔اس اجلاس میں ملک بھر سے میڈیا ماہرین، چینل مالکان، اور شعبہ نشریات کی ممتاز شخصیات نے
شرکت کی۔
شرکاء نے اس بات پر زور دیا کہ انڈسٹری کو درپیش مسائل — جیسا کہ ریگولیٹری دباؤ، مارکیٹ میں عدم توازن، اشتہارات کی تقسیم میں بے ضابطگیاں اور ڈیجیٹل میڈیا کا بڑھتے ہوئے اثر کے حوالے سے اجتماعی حکمت عملی اور پالیسی سطح پر متحد آواز کے بغیر حل نہیں ہو سکتے۔اجلاس میں کئی اہم نکات زیر بحث آئے، جن میںتمام براڈکاسٹرز کے لیے مساوی مواقع،سب کےلئے یکساں ماحول کا قیام،ریگولیٹری اداروں اور پالیسی سازوں کے ساتھ موثر اور متحد نمائندگی کی ضرورت،میڈیا مواد اور اس کی
ترسیل کے نئے ماڈلز کی تلاش،ڈیجیٹل ڈسراپشن، ممکنہ اجارہ داریوں اور معاشی دباؤ سے نمٹنے کی حکمتِ عملی شامل ہیں۔
منتظمین نے اجلاس کے اختتام پر شرکاء کا شکریہ ادا کیا اور اس عزم کا اظہار کیا کہ مستقبل میں مزید بڑے پیمانے پر مشاورتی اجلاس منعقد کیے جائیں گے۔ اگلے مرحلے میں کیبل آپریٹرز، اشتہاری ایجنسیوں اور صحافتی تنظیموں کو بھی شامل کیا جائے گا تاکہ انڈسٹری کے تمام اسٹیک ہولڈرز کی آواز سنی جا سکے۔منتظمین نے کہاکہ یہ اجلاس محض آغازہے۔ ہماری کوشش ہے کہ ہم ایک ایسا راستہ اپنائیں جو شفاف، باہمی تعاون پر مبنی اور انڈسٹری کے ہر طبقے کے لیے فائدہ مند ہو۔یہ اجلاس اس بات کی علامت ہے کہ پاکستان کی براڈکاسٹنگ انڈسٹری ایک نئے دور میں داخل ہو رہی ہے، جہاں باہمی اشتراک اور اجتماعی کوششوں کے ذریعے دیرینہ مسائل کے پائیدار حل تلاش کیے جا رہے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروزیراعظم کا 4 ملکی دورہ مکمل، تاجکستان سے وطن واپس پہنچ گئے نو مئی جلاؤ گھیراؤ کیس میں پی ٹی آئی کے 6 شرپسندوں پر فرد جرم عائد بھارت سے آنے والے دریائے چناب کے بہاؤ میں 54 ہزار کیوسک کی بڑی کمی سیکیورٹی فورسز کی خیبرپختونخوا میں دو مختلف کارروائیوں میں فتنہ الخوارج کے 7دہشت گرد ہلاک ، 4جوان وطن پر قربان بانی پی ٹی آئی 9مئی کی کس بات پر معافی مانگیں؟، علیمہ خان آئی ایم ایف کا پالیسی سازی اور عملدرآمد میں کرپشن اور غیر ضروری اثر و رسوخ کم کرنے کا مطالبہ عالمی برادری غیر ذمہ دارانہ رویے پر بھارت سے جواب دہی کرے، وزیراعظم شہباز شریف کی تاجک صدر سے ملاقات میں گفتگوCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: انڈسٹری کو درپیش انڈسٹری کے
پڑھیں:
سی پیک کے تحت چلنے والے پراجیکٹ ایس ۔کے ۔ ہائیدروپاور اسٹیشن کے کمرشل آپریشن کا ایک سال
سی پیک کے تحت چلنے والے پراجیکٹ ایس ۔کے ۔ ہائیدروپاور اسٹیشن کے کمرشل آپریشن کا ایک سال WhatsAppFacebookTwitter 0 17 September, 2025 سب نیوز
اسلام آباد :پاک چین اقتصادی راہداری ( سی پیک )کے تحت چلنے والے فلیگ شپ پراجیکٹ ایس کے ہائیڈرو پاور اسٹیشن کے کمرشل آپریشن کا ایک سال مکمل ہوگیا ہے ، اس سلسلے میں ایک تقریب کا انعقاد کیا گیا ۔چائنا انجینئرنگ کارپوریشن ( سی ای ای سی ) ، جس کا نام گلوبل 500کمپنیوں میں آتا ہے ، نے اس پراجیکٹ پر سرمایہ لگایا ، تیار کیا اورآپریٹ کیا ۔اس تقریب میں وفاقی وزیر برائے منصوبہ بندی اور خصوصی اقدامات پروفیسر احسن اقبال،پاکستان میں قائم چین کے سفارت خانے میں تعینات چارج ڈی افئیر مسٹریوآن کیانگ،پرائیویٹ پاور اینڈ انفراسٹرکچر بورڈ کے مینجنگ ڈائریکتر شاہ جہان مرزا شریک تھے ۔
انہوں نے اس بات کو سراہا ہے کہ کس طرح اسٹیشن نے توانائی کی ضروریات کو پورا کرنے کے سلسلے میں اہم کردار ادا کیا ہے ،اور جس سے چین پاکستان کے درمیان تعاون کو فروغ ملا ہے گزشتہ سال 14ستمبر2024 میں ایس کے ، ہائیڈرو پاور اسٹیشن نے اپنی سرگرمیوں کا آغاز کیا تھا تب سے اب تک ، 2.8بلین کلوواٹ بجلی کی ترسیل،اس عرصے میں پیداور میں کوئی نقصان یا حادثہ نہیں ہوا، کنسٹرکشن کے دوران 6000سے زائد افراد کے لیے روزگار دیا گیا اور آپریشن کے بعد 100افرادکے لیے پائیدار ملازمت، کمیونٹی کے لیے اقدامات: شجرکاری( 150,000سے زائد درخت )، مقامی طلباوطلبات کے لیے سکالرشپس، انفراسٹرکچر اپ گریڈز، آفت متاثرہ افراد کے لیےخصوصی ریلیفیہ منصوبہ دریائے کنہار ، مانسہرہ ،خیبرپختونخوا میں لگایا گیا ہے ،
سی پیک کے تحت بننے والا یہ سب سے بڑا ہائیڈرو پاور پراجیکٹ ہے اور گرین پرل آن سی پیک ـ” کے طورپر جانا جاتا ہے ۔توانائی کی فراہمی کے ساتھ ساتھ یہ استیشن تعلیم ، ماحولیاتی پروٹیکشن اور مقامی روزگار کے لیے بھی اپنے حصے کا کردار ادا کرتا ہے ۔اسی اعتراف میں ، ایس کے ہائیدروپاور اسٹیشن کوحکومت پاکستان ، کی جانب سے اعزازت سے نواز ا گیا جس میں سماجی زمہ داریوں اور پائیدار ترقی کے لیے “ ایکسی لینٹ ٹیکس پئیر یونٹ “ ایکٹو کنٹربیویشن ایوارڈ “ شامل ہے اور اس کے ساتھ اکوپیشنل ہیلتھ ، سیفٹی اینڈ انوائرمنٹ ایکسی لینٹ ایوارڈ بھی دیا گیا ہے ۔آگے دیکھتے ہوئے، SK ہائیڈرو پاور سٹیشن CPEC کے تحت چین پاکستان تعاون کو مزید مستحکم کرتے ہوئے پریشنز کو بہتر بنائے گا، مزید کلین انرجی کی فراہمی جاری رہے گی اور پاکستان کی انرجی سیکیورٹی مزید مضبوط ہوگی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبربنوں اور کرک میں دہشت گردوں کے تھانوں پر حملے ناکام، 3 دہشت گرد ہلاک، 4 زخمی سیلاب کے نقصانات کا مکمل تخمینہ لگنے کے بعد بحالی کے کاموں کی حکمت عملی بنائی جائیگی، وزیراعظم راول ڈیم میں پانی کی سطح بلند،سپل ویز کل بروز بدھ صبح 8 بجے کھولے جائیں گے جعلی فٹبال ٹیم کے ذریعے انسانی اسمگلنگ، جاپان سے 22افراد ڈی پورٹ عمران خان کا ٹوئٹر اکاونٹ بھارت سے آپریٹ ہو رہا ہے، وزیر ریلوے حنیف عباسی کا دعوی ایمان مزاری نے جسٹس ثمن رفعت کو ہٹانے پر جسٹس ڈوگر کیخلاف سپریم جوڈیشل کونسل سے رجوع کرلیا سپریم کورٹ نے ریٹائرڈ ججز کی بیوائوں کو تاحیات سکیورٹی دینے کا حکم واپس لے لیاCopyright © 2025, All Rights Reserved
رابطہ کریں ہماری ٹیم
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام