پیکجنگ انڈسٹری میں پاکستان آگے نکل چکا: چودھری شافع، 3 روزہ نمائش کا افتتاح
اشاعت کی تاریخ: 30th, May 2025 GMT
لاہور(کامرس رپورٹر) صوبائی وزیر صنعت و تجارت چودھری شافع حسین نے تین روزہ 20 ویں پلاسٹک اینڈ پیکنگ انڈسٹری کی نمائش کا افتتاح کیا۔ ایکسپو سینٹر جوہر ٹاؤن میں تین روزہ نمائش 31 مئی تک جاری رہے گی۔ صوبائی وزیر نے سٹالز کا معائنہ کیا۔ نمائش میں 30 ممالک سے پلاسٹک اینڈ پیکنگ انڈسٹری سے وابستہ 200 سے زائد کمپنیوں کے نمائندوں نے شرکت کی۔ صوبائی وزیر صنعت و تجارت چوہدری شافع حسین نے میڈیا سے گفتگو کرتے ہوئے کہا کہ انڈسٹریل اسٹیٹس کے حوالے سے نئی پالیسی لائی جارہی ہے۔ وزیر اعلیٰ پنجاب کی منظوری کے بعد پالیسی نافذ العمل ہوگی۔ نئی پالیسی کے مطابق صنعتکاری کے فروغ کیلئے انڈسٹریل اسٹیٹس میں پلاٹوں کی قیمتیں کم کی جائیں گی۔ صوبائی وزیر نے کہا کہ انڈسٹریل اسٹیٹس میں پراپرٹی کا کاروبار کرنے والے لینڈ مافیا کا خاتمہ کردیا۔ اب انڈسٹریل اسٹیٹ میں 2سال کے اندر فیکٹری نہ لگانے والے کا پلاٹ کینسل ہوگا۔ صوبائی وزیر صنعت و تجارت چوہدری شافع حسین نے کہا کہ پاکستان پیکجنگ انڈسٹری میں کافی آگے نکل چکا ہے اور پیکجنگ انڈسٹری سے وابستہ بہت سی غیر ملکی کمپنیاں پنجاب میں سرمایہ کاری کرنا چاہتی ہیں۔ صوبائی وزیر نے نمائش کے منتظمین کو نمائش کے کامیاب انعقاد پر مبارکباد دی اور منتظمین اور صنعتکاروں میں شیلڈز تقسیم کیں۔ ایوان صنعت و تجارت لاہور کے صدر ابو ذر شاد، ریجنل چئیرمین وفاقی ایوان صنعت و تجارت، ایم ڈی پیگاسس عامر خانزادہ، پنجاب چائنا ڈیسک آف سی ایم کے سربراہ جلال حسن خان بھی موجود تھے۔
.
ذریعہ
ذریعہ: Nawaiwaqt
پڑھیں:
خانیوال پل حادثے کی انکوائری مکمل‘پاکستان ریلویز نے دو افسران کو ملازمت سے فارغ کر دیا
اسلام آباد (اُردو پوائنٹ اخبارتازہ ترین - آن لائن۔ 02 جون2026ء) پاکستان ریلویز نے خانیوال پل حادثے کی انکوائری مکمل ہونے کے بعد ذمہ دار افسران کے خلاف سخت کارروائی کرتے ہوئے دو افسران کو ملازمت سے فارغ کر دیا ہے۔ریلوے حکام کے مطابق سابق ڈویژنل انجینئر(ڈی ای این)ملتان عابد رزاق کو ملازمت سے برطرف کر دیا گیا ہے جبکہ سابق اسسٹنٹ انجینئر (اے ای این)خانیوال راجا یوسف کو بھی سروس سے برخاست کر دیا گیا ہے۔یاد رہے کہ خانیوال پل حادثے میں ایک شخص جاں بحق جبکہ متعدد افراد زخمی ہوئے تھے۔ واقعے کے بعد وفاقی وزیر ریلوے محمد حنیف عباسی نے ذمہ داروں کے خلاف سخت کارروائی کا اعلان کرتے ہوئے واضح کیا تھا کہ عوامی جانوں کے نقصان پر کسی قسم کی رعایت نہیں برتی جائے گی۔وزیر ریلوے کی ہدایت پر حادثے کی جامع انکوائری شروع کی گئی تھی۔(جاری ہے)
انکوائری رپورٹ میں متعلقہ افسران کی غفلت اور ذمہ داری کا تعین کیا گیا جس کی روشنی میں محکمانہ کارروائی عمل میں لائی گئی۔
ریلوے حکام کے مطابق وفاقی وزیر ریلوے اپنے زیرو ٹالرنس مقف پر قائم رہے اور حادثے کا کیس منطقی انجام تک پہنچایا گیا۔ وزارت ریلوے کا کہنا ہے کہ احتساب کا عمل جاری رہے گا اور غفلت، لاپروائی یا نااہلی پر کسی قسم کا سمجھوتہ نہیں کیا جائے گا۔وزیر ریلوے محمد حنیف عباسی نے اس عزم کا اعادہ کیا کہ مسافروں کے جان و مال کے تحفظ کو ہر صورت یقینی بنایا جائے گا اور ذمہ دار عناصر کے خلاف بلاامتیاز کارروائی جاری رہے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ