مریم نواز نے علی امین کی نقل کر کے اربوں روپے ضائع کر دیے: بیرسٹر سیف
اشاعت کی تاریخ: 30th, May 2025 GMT
---فائل فوٹو
وزیر اطلاعات خیبر پختونخوا بیرسٹر محمد علی سیف نے کہا ہے کہ نقل کے لیے بھی عقل کی ضرورت ہوتی ہے، مریم نواز نے علی امین گنڈاپور کی نقل کر کے قومی خزانے کے اربوں روپے ضائع کر دیے۔
ان کا کہنا ہے کہ بانی پی ٹی آئی ہی ملک کو بحران سے نکال سکتے ہیں۔
انہوں نے کہا کہ آڈٹ رپورٹ نے مریم نواز کے پہلے رمضان پیکج کی قلعی کھول دی ہے، پنجاب کے رمضان پیکج میں مالی بے ضابطگیوں کے انکشافات سامنے آئے ہیں۔
ان کا کہنا تھا کہ رحیم یار خان، فیصل آباد، راولپنڈی میں ایک ارب 63 کروڑ روپے کے پیکٹس مستحقین کو نہیں ملے، غلط ڈیٹا کے باعث قومی خزانے کو ایک ارب 81 کروڑ روپے کا نقصان پہنچا۔
بیرسٹر سیف نے کہا کہ تقریباً 5 لاکھ پیکٹس ایسے افراد کو دیے گئے جن کے پتے غلط تھے، اگر پتے غلط تھے تو 5 لاکھ راشن پیکٹس کہاں گئے؟
.ذریعہ: Jang News
پڑھیں:
ہر کیس کا فیصلہ 90 روز میں، قبضہ مافیا کا مستقل خاتمہ کر دیا: عظمیٰ بخاری
لاہور(نوائے وقت رپورٹ) وزیر اطلاعات و ثقافت پنجاب عظمیٰ بخاری نے کہا ہے کہ وزیر اعلیٰ پنجاب مریم نواز نے نئے پراپرٹی آرڈیننس کی منظوری دے کر قبضہ مافیا کا مستقل خاتمہ کردیا ہے۔ پنجاب میں اب کسی غریب یا کمزور شہری کی زمین پر قبضہ ممکن نہیں ہوگا۔ ماضی میں 40، 40 سال سے زمینوں پر قبضے کے کیسز عدالتوں میں زیر سماعت رہتے تھے لیکن فیصلے نہیں آتے تھے، تاہم نئے قانون کے تحت اب ہر قبضہ کیس کا فیصلہ 90 روز میں ہوگا۔ مریم نواز پنجاب کے سسٹم کو عملی طور پر ’’ریاست ہوگی ماں‘‘ کے ماڈل میں تبدیل کر رہی ہیں، جہاں شہریوں کے حقوق کا تحفظ، میرٹ اور انصاف بنیادی ترجیحات ہیں۔ وزیر اطلاعات نے واضح کیا کہ پنجاب میں کسی کو بھی غیر قانونی سرگرمیوں، اسلحے کی نمائش یا خوف و ہراس پھیلانے کی اجازت نہیں ہوگی۔ عوام کے جان و مال کا تحفظ، کاروبار کے لیے محفوظ ماحول، اور شہریوں کی خوشحالی مریم نواز کی حکومت کے اولین اہداف ہیں۔ وزیراعلیٰ پنجاب نے ترقی اور گورننس کا جو شفاف اور مؤثر نظام متعارف کروایا ہے، وہ آج دیگر صوبوں کے لیے رول ماڈل بن چکا ہے۔ مریم نواز روزانہ عوام کے معیارِ زندگی کو بہتر بنانے کے لیے نئے منصوبے شروع کر رہی ہیں، اور وسائل و فنڈز کے درست استعمال، میرٹ اور شفافیت پنجاب حکومت کے منصوبوں کی پہچان بن چکے ہیں۔
پاکستان میں آئندہ حج سستا ہونے کا امکان، سعودی کمپنی نے اخراجات میں کمی کر دی