ٹرمپ کی طرف سے ’شاندار‘ ایلون مسک کو الوداع
اشاعت کی تاریخ: 30th, May 2025 GMT
اسلام آباد (اُردو پوائنٹ ۔ DW اردو۔ 30 مئی 2025ء) یہ ایونٹ مقامی وقت کے مطابق دوپہر ڈیڑھ بجے (17:30 جی ایم ٹی) شیڈول ہے۔ ٹرمپ نے اپنے سوشل میڈیا پلیٹ فارم ٹروتھ سوشل پر لکھا، ''یہ ان کا آخری دن ہو گا، لیکن حقیقت میں نہیں، کیونکہ وہ ہمیشہ ہمارے ساتھ رہیں گے، ہر طرح کی مدد کریں گے۔‘‘
ٹرمپ نے مزید لکھا، ''ایلون شاندار ہیں، کل وائٹ ہاؤس میں آپ سے ملاقات ہوتی ہے۔
‘‘بدھ 28 مئی کو مسک نے اعلان کیا تھا کہ 'خصوصی سرکاری ملازم‘ کی حیثیت سے ان کا وقت ختم ہو چکا ہے۔ امریکی قوانین کے تحت اس طرح کے کام کی حیثیت کسی بھی صورت میں 130 دن تک محدود ہے، لیکن مسک نے حالیہ ہفتوں میں اپنی دیگر مصروفیات شروع کردی تھیں۔
ایک ماہ قبل مسک نے کہا تھا کہ مئی کے بعد سے وہ ٹرمپ کے لیے حکومتی اداروں میں اخراجات میں کمی لانے کی ذمہ داری نبھانے پر 'نمایاں‘ طور پر کم وقت صرف کریں گے اور اپنی توجہ اپنی ای کار کمپنی ٹیسلا کی طرف مبذول کریں گے۔
(جاری ہے)
ٹیسلا کے جاری کردہ اعداد وشمار کے مطابق اس کی الیکٹرک گاڑیوں کی فروخت میں بڑی کمی آئی ہے کیونکہ اس کے بہت سے صارفین ان کے دائیں بازو کے سیاسی نظریات سے ناخوش ہیں۔ٹرمپ کی ترجمان کارولین لیویٹ نے جمعرات 29 مئی کو کہا تھا کہ وفاقی حکومت کے اخراجات میں کٹوتی کا عمل جاری رہے گا۔ انہوں نے مزید کہا کہ صدر، ان کی کابینہ اور مسک کے ڈیپارٹمنٹ آف گورنمنٹ ایفیشینسی (ڈی او جی ای) میں باقی رہنے والے افراد، فضول سرکاری اخراجات کو کم کرنے اور دھوکہ دہی اور غلط استعمال کو ختم کرنے کا سلسلہ جاری رکھیں گے۔
مسک نے دعویٰ کیا کہ ڈی او جی ای نے ٹیکس دہندگان کے 160 ارب ڈالر کی بچت کی ہے لیکن مختلف تجزیوں میں اس دعوے پر سوالات اٹھائے گئے ہیں۔ ان تجزیوں کے مطابق کچھ بچتی رقوم کی دوبار گنتی کی گئی یا یہ کہ بعض بچتی اقدامات ڈی او جی ای سے پہلے ہی کیے جاچکے تھے۔ ٹرمپ کی انتخابی مہم کے دوران مسک نے، جو 250 ملین ڈالر کے ساتھ ٹرمپ کی انتخابی مہم کے سب سے بڑے عطیہ کنندہ تھے، حکومت کے دو ٹریلین ڈالر بچانے کی بات کی تھی۔
ادارت: شکور رحیم
.ذریعہ: UrduPoint
کلیدی لفظ: تلاش کیجئے ٹرمپ کی
پڑھیں:
نادرا کا اہم اعلان، سعودی عرب میں مقیم پاکستانیوں کیلئے اچھی خبر
ویب ڈیسک : نادرا کی جانب سے سعودی عرب میں مقیم پاکستانیوں کیلئے خصوصی سہولت فراہم کرنے کا فیصلہ کیا گیا ہے۔
ترجمان نادرا کے مطابق سعودی عرب میں مقیم (نئی شناختی دستاویزات، یا اپنے شناختی کارڈ میں تبدیلی یا تجدید کے خواہشمند) پاکستانی آئندہ ہفتے دمام میں سہولت سے استفادہ کرسکتے ہیں۔ دمام میں 25 اور 26 جولائی بروز جمعہ اور ہفتہ کو صبح 9 بجے تا 3 بجے تک نادرا موبائل رجسٹریشن ٹیم پاکستان ایمبیسی ٹیم کے ہمراہ دورہ کرے گی۔
مون سون بارشیں, پی ڈی ایم اے کا الرٹ جاری
سعودی عرب میں مقیم پاکستانی خواتین و حضرات جو اپنی نئی شناختی دستاویزات بنوانا چاہتے ہیں یا شناختی کارڈ میں کسی قسم کی تبدیلی یا تجدید کرانا چاہتے ہوں تو وہ تمام ترکارروائی آسانی سے کرواسکتے ہیں۔
نادرا نے اپنی سوشل میڈیا پوسٹ میں لوگوں کو تمیمی نیو کیمپ ظھران ایسٹرن پراونس آنے کا کہا ہے جبکہ لوکیشن بھی فراہم کی گئی ہے۔
معروف برطانوی گلوکار انتقال کر گئے
ٹرمپ غزہ جنگ کے خاتمے کیلئے سنجیدہ، امریکی ایلچی قطر روانہ