غیر قانونی کال سینٹر چلانے کا مقدمہ: ارمغان کیخلاف آئدہ سماعت پر چالان پیش کرنے کا حکم
اشاعت کی تاریخ: 31st, May 2025 GMT
کراچی:
جوڈیشل مجسٹریٹ ساؤتھ نے مصطفیٰ عامر قتل کیس کے مرکزی ملزم ارمغان کیخلاف غیر قانونی کال سینٹر چلانے کے مقدمے میں تفتیشی افسر کو آئندہ سماعت پر چالان جمع کرانے کا حکم دے دیا۔
جوڈیشل مجسٹریٹ ساؤتھ کی عدالت کے روبرو مصطفیٰ عامر قتل کیس کے مرکزی ملزم ارمغان کیخلاف غیر قانونی کال سینٹر چلانے کے مقدمے کی سماعت ہوئی۔
مقدمے کا تفتیشی افسر عدالت میں پیش ہوا۔ چالان پیش نہ کرنے پر عدالت تفتیشی افسر پر برہم ہوگئی۔ عدالت نے استفسار کیا کہ چالان ابھی تک کیوں پیش نہیں کیا جاسکا۔ تفتیشی افسر نے کہا کہ کچھ وقت درکار ہے جلد کیس کا چالان پیش کردیں گے۔
عدالت نے ریمارکس دیئے کہ اتنا عرصہ گزر چکا، اب تک کیوں تفتیش مکمل نہیں ہوسکی۔ تفتیشی افسر نے بتایا کہ کچھ ریکارڈ ملنے کا انتظار ہے جس کی وجہ سے چالان جمع نہیں کرایا۔ عدالت نے آئندہ سماعت پر مقدمے کا چالان پیش کرنے کا حکم دیدیا۔
.ذریعہ: Express News
کلیدی لفظ: تفتیشی افسر چالان پیش
پڑھیں:
پاکستانی کسانوں کا جرمن کمپنیوں کیخلاف مقدمے کا اعلان
—فائل فوٹوسندھ کے کسانوں نے 2022 کے تباہ کن سیلابوں سے اپنی زمینیں اور روزگار کھو دینے کے بعد جرمنی کی آلودگی پھیلانے والی کمپنیوں کے خلاف مقدمہ دائر کرنے کا اعلان کر دیا۔
کسانوں کی جانب سے جرمن توانائی کمپنی آر ڈبلیو ای (RWE) اور سیمنٹ بنانے والی کمپنی ہائیڈلبرگ (Heidelberg) کو باقاعدہ نوٹس بھیج دیا گیا جس میں خبردار کیا گیا کہ اگر ان کے نقصان کی قیمت ادا نہ کی گئی تو دسمبر میں مقدمہ دائر کیا جائے گا۔
اس حوالے سے کسانوں کا کہنا ہے کہ جرمن کمپنیاں دنیا کی بڑی آلودگی پھیلانے والی کمپنیوں میں شامل ہیں، جنہوں نے نقصان پہنچایا ہے، انہیں ہی اس کی قیمت ادا کرنی چاہیے۔
انہوں نے کہا کہ ہم نے ماحولیاتی بحران میں سب سے کم حصہ ڈالا مگر نقصان ہم ہی اٹھا رہے ہیں جبکہ امیر ممالک کی کمپنیاں منافع کما رہی ہیں۔
کسانوں کا کہنا ہے کہ ان کی زمینیں مکمل طور پر تباہ ہو گئیں اور چاول و گندم کی فصلیں ضائع ہوئیں۔ وہ تخمینہ لگاتے ہیں کہ انہیں 10 لاکھ یورو سے زائد کا نقصان ہوا جس کا ازالہ وہ ان کمپنیوں سے چاہتے ہیں۔
دوسری جانب جرمن کمپنیوں کاکہناہے انہیں موصول ہونے والے قانونی نوٹس پر غور کیا جارہا ہے۔
برطانوی میڈیا نے عالمی کلائمیٹ رسک انڈیکس کا حوالہ دیتے ہوئے بتایا کہ 2022 میں پاکستان دنیا کا سب سے زیادہ موسمیاتی آفات سے متاثرہ ملک تھا۔ اس سال کی شدید بارشوں نے ملک کا ایک تہائی حصہ زیر آب کردیا تھا جس سے 1700 سے زائد افراد جاں بحق جبکہ 3 کروڑ 30 لاکھ سے زیادہ بے گھر اور 30 ارب ڈالر سے زائد کا معاشی نقصان ہوا۔
پشاور: کوہستان اسکینڈل میں اہم پیشرفت، ملزم کے گھر سے کروڑوں روپے مالیت کا 115 تولے سونا برآمد