دنیا کون چلا رہا ہے؟ سابق امریکی عہدیدار کا سنسنی خیز دعویٰ!
اشاعت کی تاریخ: 31st, May 2025 GMT
سابق امریکی صدر بش سینئر کی انتظامیہ کی سابق اہلکار نے دعویٰ کیا ہے کہ ایک پُر اسرار گروہ (جس کو مسٹر گلوبل کہتی ہیں) در اصل دنیا کے امور چلا رہا ہے۔
امریکا کے سیکریٹری آف ہاؤسنگ اینڈ اربن ڈیویلپمنٹ فار ہاؤسنگ کی معاون کے فرائض انجام دینے والی کیتھرین آسٹن فٹس نے ایک پوڈکاسٹ میں بتایا کہ ان کا ماننا ہے کہ یہ گروہ مختلف جہتوں کے ذہین ہستیوں پر مشتمل ایک کمیٹی ہے۔
ان کا کہنا تھا کہ دنیا بھر کے سربراہان محض کٹھ پُتلیاں ہیں اور اس پرُ اسرار گروہ سے شدید متاثر ہیں۔ ان کا خیال ہے کہ ایک بین ابعادی (interdimensional) ذہانت موجود ہے جو شیطانی ذہانت کو چلا رہی ہے۔
کیتھرین فٹس ایک کانسپریسی تھیورسٹ ہیں جو دنیا میں ہونے والے واقعات کے متعلق متنازع نظریات پیش کرتی ہیں۔ اس سے قبل ان کا ماننا تھا کہ کووڈ دنیا میں ایک نئے آمرانہ معاشی نظام کے نفاذ کے لیے پھیلایا گیا ہے۔
ان کا یہ بھی ماننا ہے کہ ویکسین انسانی ڈی این اے کو بدل دیتے ہیں اور امریکی حکومت نے اشرافیہ کے لیے خفیہ زیرِ زمین بنکرز بنائے ہوئے ہیں۔
خفیہ کمیٹی کے متعلق بات کرتے ہوئے انہوں نے انجیل مقدس کا حوالہ دیا کہ مقدس کتاب میں خدائی اور شیطانی ذہانت کا ذکر کیا گیا اور ہم اس وقت شیطانی ذہانت سے نبرد آزما ہیں۔
کیتھرین فٹس کافی عرصے سے ’مسٹر گلوبل‘ کے متعلق بات کر رہی ہیں اور اس متعلق ان کا کہنا ہے کہ اس گروپ کا مقصد ذہنوں پر قابو پا کر لوگوں کو غلام بنانا ہے اور عالمی معاشی نظام کو قابو کرنا ہے۔
ان کا ماننا ہے کہ یہ کام روبوٹکس، آرٹیفیشل انٹیلی جنس، سیٹلائیٹ سسٹم اور سینٹرل بینک ڈیجیٹل کرنسیز وہ آلات ہیں جو مسلسل نگرانی، آٹو میشن اور مرکزی فیصلہ سازی کو ممکن بنا رہے ہیں۔
.
ذریعہ
ذریعہ: Express News
پڑھیں:
پنجاب حکومت کا مفت سفر کی سہولت سے متعلق اہم پالیسی تبدیلی پر غور
لاہور (اُردو پوائنٹ اخبارتازہ ترین - این این آئی۔ 02 جون2026ء) پنجاب حکومت نے لاہور سمیت صوبہ بھر میں شہریوں کو دی جانے والی مفت سفری سہولت کے مستقبل سے متعلق اہم پالیسی تبدیلی پر غور شروع کر دیا ۔ ذرائع کے مطابق مفت سفری سہولت کو پیٹرولیم مصنوعات کی قیمتوں سے مشروط کرنے کا فیصلہ کیا گیا ہے۔ محکمہ ٹرانسپورٹ کی جانب سے وزیراعلی پنجاب کو دی گئی بریفنگ میں بتایا گیا کہ اگر پیٹرول کی قیمتیں 300روپے فی لیٹر تک پہنچ جاتی ہیں تو مفت سفری سہولت فوری طور پر ختم کیے جانے کا امکان ہے، اس حوالے سے آئندہ ہفتے حتمی فیصلہ متوقع ہے۔ لاہور سمیت صوبہ بھر میں دی گئی مفت سفری سہولت میں مزید توسیع نہ کرنے کی تجویز بھی زیر غور ہے،اس کے ساتھ یہ امکان بھی ظاہر کیا جا رہا ہے کہ مفت سفر کی سہولت جلد ختم کر دی جائے۔(جاری ہے)
رپورٹ میں بتایا گیا کہ گزشتہ دو ماہ کے دوران صوبہ بھر میں 7کروڑ سے زائد مسافروں نے اس سہولت سے فائدہ اٹھایا۔یہ مفت سفری سہولت پیٹرولیم مصنوعات کی قیمتوں میں اضافے کے باعث متعارف کروائی گئی تھی اور اس کا اطلاق مختلف پبلک ٹرانسپورٹ سروسز پر کیا گیا تھا جن میں میٹرو بس، اورنج لائن ٹرین، الیکٹرو بس ،سپیڈو بس سروس سروس شامل تھیں۔
حکام کے مطابق موجودہ معاشی صورتحال اور ایندھن کی قیمتوں میں اتار چڑھا کو مدنظر رکھتے ہوئے اس پالیسی کا دوبارہ جائزہ لیا جا رہا ہے جبکہ حتمی فیصلہ اعلی سطحی مشاورت کے بعد کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ