بلوچستان اسمبلی دہشتگردی کیخلاف یک زبان، دہشتگردوں کو کیفرِ کردار تک پہنچانے کا عزم
اشاعت کی تاریخ: 31st, May 2025 GMT
بلوچستان اسمبلی دہشتگردی کیخلاف یک زبان، دہشتگردوں کو کیفرِ کردار تک پہنچانے کا عزم WhatsAppFacebookTwitter 0 31 May, 2025 سب نیوز
کوئٹہ(سب نیوز )بلوچستان اسمبلی کے اجلاس میں حکومت اور اپوزیشن دہشتگردی کے خلاف یک زبان ہو گئے، ارکانِ اسمبلی نے سوراب حملے کی شدید مذمت کی اور دہشت گروں کو کیفر کردار تک پہنچانے کا عزم کا اظہار کیا، صوبائی وزیر ظہور بلیدی نے کہا سوراب میں سرکاری املاک کو شدید نقصان پہنچایا گیا، دہشتگردوں کو کسی مذہب اور قبیلے سے کوئی تعلق نہیں اور نہ ہی انسان کہلانے کے قابل ہیں۔ اپوزیشن لیڈر یونس عزیز زہری و دیگر نے کہا کہ دہشتگردوں ہمارے معصوم لوگوں کو نشانہ بنا رہے ہیں، عوام دہشتگروں کے خلاف حکومت کے ساتھ کھڑے ہیں اور ان کو کیفر کردار تک پہنچائے گے۔
بلوچستان اسمبلی کا اجلاس ڈپٹی اسپیکرغزالہ گولہ کی صدارت میں منعقد ہوا.
اپوزیشن لیڈر یونس عزیز زہری، زابد علی ریکی، رحمت صالح بلوچ، مولانا ہدایات الرحمان اور دیگر نے بھی واقعہ کی شدید الفاظ میں مذمت کرتے ہوئے کہا کہ دہشتگروں ہمارے معصوموں کو نشانہ بنا رہے ہیں، عوام دہشتگروں کے خلاف حکومت کے ساتھ کھڑے ہیں اور ان کو کیفر کردار تک پہنچائیں گے۔ایوان میں سانحہ سوراب شہد ہونے والوں کے لیے فاتحہ خوانی کی گئی۔
ایوان میں اپوزیشن لیڈر یونس عزیز زہری نے اظہار خیال کرتے ہوئے کہا کہ اسمبلی میں اپوزیشن کے سوالات کے جوابات نہیں دیئے جاتے ہیں، سیکرٹریز خطوط کے جوابات نہیں دیتے ہیں اگر سیکرٹریز سوالات کا جواب نہیں دیتے ہیں ہم انہیں آئندہ پوچھیں گے بھی نہیں۔اسپیکر نے رولنگ دیتے ہوئے کہاکہ سیکرٹریز سوالات کے جوابات دینے کے پابند ہیں، رکن صوبائی اسمبلی مولانا ہدایت الرحمان کا کہنا تھا بلوچستنان کے کس محکمے میں کیا ہو رہا ہے سب کو معلوم ہے وزیراعلی کسی بلیک میلنگ میں مت آئیں، اپوزیشن بھی کسی کی بلیک میلنگ میں نہیں آئے گی۔ احتجاج کرنا ہمارا حق ہے۔
اجلاس میں رکن اسمبلی زریں مگسی نے اسپیشل آڈٹ رپورٹ بر اکانٹس آف بولان میڈیکل کمپلیکس اسپتال کوئٹہ کا سال2017-18،2021-22آڈٹ سال2022-23ایوان میں پیش کیا۔ایوان میں صوبائی وزیر صحت نے بلوچستان ہیلتھ اصلاحات کا مسودہ قانون 2025 پیش کیا۔ جسے متعلقہ قائمہ کمیٹی کے سپرد کردیا گیا۔اسمبلی میں وزیر صحت بخت محمد کاکڑ نے بلوچستان انسٹیٹیوٹ آف کارڈیو ویسکیو لر ڈیزیز کا مسودہ قانون 2025 پیش کیا، ایوان نے قائمہ کمیٹی کے سپرد کردیا۔
اس کے علاوہ وزیر صحت بخت محمد کاکڑ نیانسٹیٹیوٹ آف چائلڈ ہیلتھ سروسز کا مسودہ قانون 2025 بھی پیش کیا جسے متعلقہ قائمہ کمیٹی کے سپرد کیا گیا۔ایوان میں بلوچستان مٹرنل اینڈ پیرینیٹل ڈیت سرویلنس اینڈ رسپانس کا مسودہ قانون 2025 پیش کیا گیا، مسودہ قانون 2025 قائمہ کمیٹی کے سپرد کردیا گیا۔اجلاس کے دوران کمپیلیکس آڈٹ رپورٹ متعلقہ کمیٹی کے حوالے کر دی گئی جس کے بعد اسپیکر نے اسمبلی کا اجلاس 3 جون تک ملتوی کر دیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکرپشن، بدانتظامی، امن و امان کی بگڑتی صورتحال پر جے یو آئی کا عوامی مہم چلانے کا اعلان کرپشن، بدانتظامی، امن و امان کی بگڑتی صورتحال پر جے یو آئی کا عوامی مہم چلانے کا اعلان اسلام آباد پولیس نے مویشی منڈیوں کی سکیورٹی کیلئے پلان تشکیل دیدیا معرکہ حق میں ناکامی، ہزیمت چھپانے کیلئے بھارت کا بلوچستان میں پراکسیز کا بے دریغ دوبارہ استعمال اسرائیل نے سعودیہ سمیت 5 عرب وزرائے خارجہ کو مغربی کنارے کے دورے سے روکدیا حماس نے امریکی جنگ بندی کی تجویز پر اپنا جواب جمع کرادیا فرانسیسی صدر یہودی ریاست کیخلاف صلیبی جنگ میں مصروف ہیں: اسرائیلی وزارت خارجہCopyright © 2025, All Rights Reserved
رابطہ کریں ہمارے بارے ہماری ٹیمذریعہ: Daily Sub News
کلیدی لفظ: بلوچستان اسمبلی کردار تک کو کیفر
پڑھیں:
سوراب: ایڈیشنل ڈپٹی کمشنر ریونیو ہدایت اللہ بلیدی دہشتگردوں سے لڑتے ہوئے شہید،وزیراعظم کاخراج عقیدت
سوارب،اسلام آباد: بلوچستان کے ضلع سوراب میں فتنہ الہندوستان کے دہشت گردوں نے سرکاری افسر کے گھر پر حملہ کر دیا، ایڈیشنل ڈپٹی کمشنر (اے ڈی سی) ریونیو ہدایت اللہ بلیدی دہشت گردوں سے لڑتے ہوئے شہید ہوگئے۔ ترجمان بلوچستان حکومت شاہد رند کا کہنا ہے کہ ریاستی رٹ کو چیلنج کرنے کی مذموم کوشش ہے۔ وطن کے سپاہی نے جان دے کر بہادری کی مثال قائم کی، اے ڈی سی کی رہائشگاہ پرخواتین اور بچے موجود تھے۔ فتنہ الہندوستان نے ایک بار پھر بلوچستان میں عام بلوچوں پر حملہ کر دیا، آج شام کو فتنہ الہندوستان کے 20 سے 30 دہشت گرد موٹر سائیکلوں پر سوار ہو کر سوراب شہر کے بازار میں داخل ہوئے اور شہریوں کو نشانہ بنایا۔ سوراب میں بینک اور انتظامی آفیسر کی گھر پر دہشتگردوں نے حملہ کیا جس میں اے ڈی سی ہدایت اللہ بلیدی نے جام شہادت نوش کیا۔ فتنہ الہندوستان کے دہشت گردوں نے سافٹ ٹارگٹ بینک اورمارکیٹوں کو بھی نشانہ بنایا۔ فتنہ الہندوستان نے بلوچ خواتین و بچوں کو ٹارگٹ کیا۔ ایف سی کو آتا دیکھ کر دہشت گرد بھاگ گئے۔ ترجمان بلوچستان حکومت شاہد رند کا کہنا ہے کہ ریاستی رٹ کو چیلنج کرنے کی مذموم کوشش ہے، سوراب بازار میں بینک لوٹ لیا گیا ہے، سرکاری افسران کے گھر جلائے گئے۔ شاہد رند نے بیان میں کہا کہ اے ڈی سی ریونیو ہدایت بلیدی نے جام شہادت نوش کیا، وطن کے سپاہی نے جان دے کر بہادری کی مثال قائم کی، اے ڈی سی کی رہائشگاہ پر خواتین اور بچے موجود تھے۔ ترجمان بلوچستان حکومت نے بتایا کہ ہندوستان کی پراکسیز نے انکی ایماء پر کارروائی کی ہے، ریاست کا دشمن عناصر کی ہر کوشش ناکام بنانے کا عزم ہے۔ ایف سی پولیس اور لیویز علاقے میں پہنچ گئی ہیں، علاقے میں کلئیرنس آپریشن جاری ہے۔
ادھر وزیر اعظم محمد شہباز شریف نے بلوچستان کے علاقے سوارب میں دہشت گردوں کے بزدلانہ حملے کی شدید الفاظ میں مذمت کی ، جس کے نتیجے میں ایڈیشنل ڈپٹی کمشنر ہدایت اللہ بلیدی نے جامِ شہادت نوش کیا۔وزیرِ اعظم نے شہید ہدایت اللہ بلیدی کو خراجِ عقیدت پیش کرتے ہوئے کہا کہ انہوں نے دہشت گردوں کے خلاف لڑتے ہوئے بہادری کی اعلیٰ مثال قائم کی۔ وزیر اعظم نے شہید کے اہل خانہ سے دلی ہمدردی کا اظہار کیا اور ان کے لیے صبر و حوصلے کی دعا کی۔وزیرِ اعظم کا کہنا تھا کہ معصوم اور نہتے شہریوں، بشمول بچوں اور خواتین، کو نشانہ بنانا دہشت گردوں کی عوام دشمن ذہنیت کی عکاسی کرتا ہے۔ انہوں نے کہا کہ بلوچستان کی ترقی روکنے کی سازشیں کبھی کامیاب نہیں ہوں گی، اور ریاست دہشتگردوں کے مکمل خاتمے تک ان کے خلاف جنگ جاری رکھے گی۔محمد شہباز شریف نے اس موقع پر کہا کہ پوری قوم افواجِ پاکستان کے ساتھ کھڑی ہے، جو بھارت کی سرپرستی میں پاکستان میں دہشتگردی پھیلانے والی پراکسیز کے خاتمے کے لیے دن رات سرگرم عمل ہیں۔انہوں نے متعلقہ اداروں کو واقعے کے ذمہ داران کی جلد نشاندہی کرکے انہیں کیفر کردار تک پہنچانے کی ہدایت بھی کی۔
لالو پرساد یادو نے بیٹے تیج پرتاپ کو پارٹی اور خاندان سے نکال دیا