میئر کراچی مرتضیٰ وہاب کو اورنگی ٹاؤن کے ہوٹل کی چائے پسند آگئی
اشاعت کی تاریخ: 31st, May 2025 GMT
میئر کراچی مرتضیٰ وہاب کو اورنگی ٹاؤن کے ہوٹل کی چائے پسند آگئی، اور بے ساختہ بول اٹھے، .The Tea is Fantastic۔
ان الفاظ کا پس منظر کیا ہے؟ یہ پاکستان اور بھارت میں سب کو معلوم ہے۔ یہی وجہ ہے کہ میئر کراچی مرتضیٰ وہاب آج اورنگی ٹاؤن میں ایک پارک کا افتتاح کرنے پہنچے تو وہاں انہیں بتایا گیا کہ ایک مقامی ہوٹل میں چائے بہت اچھی بنتی ہے۔
میئر کراچی چائے پینے جا پہنچے۔ چائے کی پہلی چسکی لیتے ہی بے ساختہ بول اٹھے، .
ذریعہ: Jang News
پڑھیں:
دبئی میں ہوٹل سے 41 پیشہ ور بھکاری گرفتار؛ لاکھوں کی نقدی بھی برآمد
دبئی میں پولیس نے ایک خفیہ آپریشن کے دوران پیشہ ور بھکاریوں کے ایک منظم نیٹ ورک کو بے نقاب کردیا۔
پولیس نے کارروائی کے نتیجے میں ایک ہوٹل سے 41 افراد کو گرفتار کیا گیا، جو بظاہر سیاحتی ویزے پر ملک میں داخل ہوئے تھے لیکن دراصل وہ بھیک مانگنے جیسی غیر قانونی سرگرمیوں میں ملوث تھے۔ ان افراد کے قبضے سے 60 ہزار درہم کی خطیر رقم بھی برآمد ہوئی، جو پاکستانی کرنسی میں تقریباً 46 لاکھ روپے بنتی ہے۔
یہ سب ’’المسباح‘‘ نامی خفیہ آپریشن کا حصہ تھا، جسے جنرل ڈپارٹمنٹ آف کرمنل انویسٹی گیشن کے سسپیکٹس اینڈ کرمنل فینومینا ڈپارٹمنٹ نے ترتیب دیا اور نہایت مؤثر انداز میں انجام دیا۔ پولیس کو اس گروہ کی سرگرمیوں کی اطلاع 901 ہیلپ لائن کے ذریعے موصول ہوئی، جس میں بتایا گیا کہ چند افراد دبئی کے مختلف علاقوں میں دعا کی مالائیں اور مذہبی اشیاء بیچنے کی آڑ میں لوگوں سے بھیک مانگ رہے ہیں۔
اطلاع ملنے پر پولیس نے فوری نگرانی کا عمل شروع کیا، اور جلد ہی تین عرب باشندوں کو موقع پر گرفتار کیا گیا۔ ابتدائی تفتیش میں یہ بات سامنے آئی کہ وہ ایک منظم بھکاری گروہ کا حصہ ہیں۔ ان کی نشاندہی پر پولیس نے کارروائی کا دائرہ وسیع کیا اور باقی ساتھیوں کو بھی ایک ہوٹل سے گرفتار کر لیا، جہاں یہ تمام افراد قیام پذیر تھے۔
پولیس حکام کا کہنا ہے کہ یہ تمام لوگ عرب ممالک سے وزٹ ویزے پر متحدہ عرب امارات آئے تھے اور اپنی رہائش ایک ہوٹل میں رکھی ہوئی تھی تاکہ مشتبہ نہ لگیں، جبکہ عملی طور پر وہ شہر کے مختلف مقامات پر نکل کر لوگوں کے جذبات سے کھیلتے ہوئے پیسے بٹورنے میں مصروف تھے۔
دبئی پولیس نے شہریوں سے اپیل کی ہے کہ ایسے عناصر سے ہوشیار رہیں اور کسی بھی مشتبہ سرگرمی کی اطلاع فوری طور پر متعلقہ حکام کو دیں تاکہ شہر کی سلامتی اور وقار برقرار رکھا جا سکے۔
سندھ طاس معاہدے کی معطلی بھارت کو مہنگی پڑ سکتی ہے، عالمی جریدے نے خبردار کردیا