دمشق، ابو محمد الجولانی سے سعودی وزیر خارجہ کی ملاقات
اشاعت کی تاریخ: 31st, May 2025 GMT
اپنے شامی ہم منصب کیساتھ ایک مشترکہ پریس کانفرنس میں سعودی وزیر خارجہ کا کہنا تھا کہ ہم نے قطر کیساتھ مل کر شام کے سرکاری ملازمین کیلیے مشترکہ مالی امداد پر غور کیا ہے جس کا مقصد اقتصادی دباؤ کو کم کرنا ہے۔ اسلام ٹائمز۔ دوطرفہ تعلقات کو مضبوط بنانے کی کوششوں کے ضمن میں شام پر قابض ٹولے کے سربراہ "ابو محمد الجولانی" سے آج ایک اعلیٰ سطحی سعودی وفد نے ملاقات کی۔ یہ وفد سعودی وزیر خارجہ "فیصل بن فرحان" کی سربراہی میں دمشق پہنچا۔ ملاقات میں دونوں ممالک کے درمیان سیاسی و اقتصادی شعبوں میں ہم آہنگی اور وسعت کے طریقوں کے بارے میں تبادلہ خیال کیا گیا۔ اس کے ساتھ علاقائی سالمیت و مسائل مشترکہ گفتگو کا موضوع رہے۔ ملاقات کے بعد فیصل بن فرحان اور ان کے شامی ہم منصب "اسعد الشیبانی" نے مشترکہ پریس کانفرنس کی۔ جس میں اسعد الشیبانی نے اعلان کیا کہ دو طرفہ بات چیت کے دوران اقتصادی تعاون کو مضبوط بنانے، توانائی اور انفراسٹرکچر کی ترقی سمیت اہم امور پر تبادلہ خیال کیا گیا۔ انہوں نے مزید کہا کہ سعودی عرب کے ساتھ تعاون شام میں اقتصاد و انفراسٹرکچر کی بحالی کا باعث بن سکتا ہے۔ انہوں نے کہا کہ دمشق ان روابط میں توسیع کا خیر مقدم کرتا ہے۔ دوسری جانب سعودی وزیر خارجہ نے کہا کہ وہ شام میں معیشت کو مستحکم کرنے کے لیے پُرعزم ہیں۔ انہوں نے کہا کہ ہم نے قطر کے ساتھ مل کر شام کے سرکاری ملازمین کے لیے مشترکہ مالی امداد پر غور کیا ہے جس کا مقصد اقتصادی دباؤ کو کم کرنا اور سماجی استحکام میں کردار ادا کرنا ہے۔
.ذریعہ: Islam Times
کلیدی لفظ: کہا کہ
پڑھیں:
عرب وزرائے خارجہ کو رام اللہ جانے کی اجازت نہ دے کر اسرائیل نے انتہا پسندی ثابت کردی، سعودی وزیر خارجہ
عرب وزرائے خارجہ کو رام اللہ جانے کی اجازت نہ دینے پر سعودی وزیر خارجہ کا اسرائیل کے خلاف ردعمل سامنے آگیا۔
سعودی عرب کے وزیر خارجہ شہزادہ فیصل بن فرحان نے کہا ہے کہ عرب وزرائے خارجہ کو رام اللہ کا دورہ کرنے کی اجازت نہ دینے سے اسرائیل کی انتہا پسندی ثابت ہوگئی۔
یہ بھی پڑھیں سعودی عرب غزہ سے فلسطینیوں کی بیدخلی کیخلاف ڈٹ گیا
یہ بات سعودی وزیر خارجہ شہزادہ فیصل بن فرحان نے اردن کے دارالحکومت عمان میں اردن، مصر اور بحرین کے اپنے ہم منصبوں کے ساتھ مشترکہ نیوز کانفرنس کے دوران کہی۔
انہوں نے کہاکہ اسرائیلی حکومت کی جانب سے عرب وزرائے خارجہ کو مقبوضہ مغربی کنارے میں جانے سے روکنا امن کے منافی اقدام ہے۔
سعودی وزیر خارجہ نے کہاکہ اسرائیلی کے اس اقدام کے بعد ہماری سفارتی کوششوں کو دگنا کرنے کےعزم کو تقویت ملی۔
واضح رہے کہ سعودی عرب، مصر، اردن، قطر اور متحدہ عرب امارات کے وزرائے خارجہ نے آج رام اللہ کا دورہ کرنا تھا، تاہم اسرائیلی حکومت نے گزشتہ روز وزرائے خارجہ کو رام اللہ جانے کی اجازت دینے سے انکار کردیا تھا۔
مشترکہ پریس کانفرنس میں اردن کے وزیر خارجہ ایمن صفادی نے کہاکہ اس سفر کو روکنا اس بات کی ایک اور مثال ہے کہ کس طرح اسرائیل عرب اسرائیل تصفیہ کے منصفانہ اور جامع کسی بھی موقع کو ختم کررہا ہے۔
انہوں نے کہاکہ فرانس اور سعودی عرب کی مشترکہ صدارت میں ایک بین الاقوامی کانفرنس 17 سے 20 جون تک نیویارک میں منعقد ہونے والی ہے جس میں فلسطینی ریاست کے مسئلے پر بات چیت کی جائے گی۔
مصری وزیر خارجہ بدر عبدالعاطی نے کہاکہ اس کانفرنس میں غزہ میں جنگ بندی کے بعد سیکیورٹی انتظامات اور تعمیر نو کے منصوبوں کا احاطہ کیا جائے گا تاکہ فلسطینیوں کو ان کی سرزمین پر رہنے اور انہیں بے دخل کرنے کے کسی بھی اسرائیلی منصوبے کو ناکام بنانے کو یقینی بنایا جا سکے۔
یہ بھی پڑھیں سعودی عرب کی غزہ پر اسرائیلی جارحیت کی مذمت، فلسطینیوں کے حق خودارادیت پر زور
انہوں نے کہاکہ اسرائیل اقوام متحدہ اور یورپی ممالک کے بڑھتے ہوئے دباؤ میں آ گیا ہے، جو اسرائیل فلسطین تنازع کے دو ریاستی حل کے حامی ہیں، جس کے تحت اسرائیل کے ساتھ ایک آزاد فلسطینی ریاست وجود میں آئےگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اسرائیل انتہا پسندی دورے کی اجازت سے انکار رام اللہ سعودی وزیر خارجہ عرب وزرائے خارجہ وی نیوز
اسپیکر قومی اسمبلی کیخلاف عدم اعتماد کسی بھی وقت آ سکتی ہے ، سلمان اکرم راجہ کا بڑا دعوی