والدہ نے کبھی پابندی نہیں لگائی، علیزے شاہ کا لباس پر تنقید کرنے والوں کو کرارا جواب
اشاعت کی تاریخ: 1st, June 2025 GMT
مقبول ماڈل و اداکارہ علیزے شاہ نے حالیہ دنوں میں اپنے لباس پر ہونے والی تنقید کا جواب دیتے ہوئے کہا ہے کہ انہوں نے بچپن سے ہی ایسے کپڑے پہنے ہیں اور ان کی والدہ نے کبھی ان پر کسی قسم کی پابندی نہیں لگائی۔
علیزے شاہ نے انسٹاگرام پر متعدد اسٹوریز پوسٹ کرتے ہوئے لکھا کہ انہیں اپنی مرضی سے لباس پہننے کا پورا حق حاصل ہے اور وہ کسی کی منظوری کی محتاج نہیں۔
علیزے شاہ نے لکھا کہ میں نے بچپن سے ہی بغیر آستینوں کے کپڑے، شارٹس اور اسکرٹس پہنی ہیں، میری والدہ نے کبھی مجھ پر روایتی لباس مسلط نہیں کیا، والدہ نے محبت اور آزادی کے ساتھ پرورش دی، نہ کہ پابندیوں کے ساتھ۔
انہوں نے مزید لکھا کہ یہ صرف لباس کی بات نہیں، یہ کنٹرول کی بات ہے، لوگ صرف اس لیے پریشان ہیں کہ میں پُراعتماد ہوں؟ میں کسی کی قبولیت کی محتاج نہیں، جو کچھ میں نے حاصل کیا ہے، وہ اپنی محنت سے حاصل کیا ہے اور اس کے لیے مجھے کسی کی اجازت کی ضرورت نہیں۔
علیزے شاہ نے کہا کہ میری زندگی، میری مرضی ہے، جو لوگ دوسروں پر فتوے لگاتے ہیں، انہیں پہلے اپنے اعمال پر غور کرنا چاہیے۔
اداکارہ نے قرآن کی آیت ’دین میں کوئی زبردستی نہیں‘ (البقرہ: 256) کا حوالہ دیتے ہوئے کہا کہ کسی خاتون کو برقع پہننے یا اپنا پیشہ چھوڑنے پر مجبور کرنا اسلام نہیں سکھاتا۔
انہوں نے تنقید کرنے والوں کو مخاطب کرتے ہوئے مزید کہا اگر آپ کو لگتا ہے کہ خواتین آن لائن غلط کر رہی ہیں، تو اداکاراؤں یا انفلوئنسرز کو دیکھنا بھی اتنا ہی بڑا مسئلہ ہے، اسلام ہمیں سکھاتا ہے کہ دوسروں پر تنقید کرنے سے پہلے اپنے اعمال پر غور کریں۔
خیال رہے کہ علیزے شاہ کو ان کے لباس کی وجہ سے اکثر سوشل میڈیا پر تنقید کا سامنا کرنا پڑتا ہے، اس سے قبل بھی وہ مختلف مواقع پر اپنے انداز اور ملبوسات کے باعث تنقید کی زد میں آچکی ہیں، تاہم ہر بار انہوں نے اپنے موقف کا دفاع کیا ہے۔
Post Views: 4.ذریعہ: Daily Mumtaz
کلیدی لفظ: علیزے شاہ نے انہوں نے والدہ نے
پڑھیں:
کبھی لگتا ہے کہ سب اچھا ہے لیکن چیزیں آپ کے حق میں نہیں ہوتیں، بابر اعظم
قومی کرکٹ ٹیم کے بلے باز بابر اعظم کا کہنا ہے کہ کبھی ایسا لگتا ہے کہ سب اچھا چل رہا ہے لیکن کچھ چیزیں آپ کے حق میں نہیں ہوتیں۔
جنوبی افریقا کے خلاف ٹی ٹوئنٹی سیریز میں فتح کے بعد کپتان سلمان علی آغا کے ساتھ گفتگو کرتے ہوئے بابر اعظم نے اپنی حالیہ کارکردگی پر اظہار خیال کیا۔
بابر اعظم نے کہا کہ ابتداء میں 40 رنز تک محتاط انداز میں کھیلنے کا پلان بنایا تھا۔ بیچ میں اسپنرز کو کھیلنا مشکل ہورہا تھا تو پلان کیا کہ ان کو محتاط انداز میں کھیلیں، اگر گیند رینج میں آئی تو ہٹ لگائیں گے، جو کہ پھر آگئی۔
سلمان آغا نے بابر اعظم سے کہا کہ ٹیم اور قوم آپ کی اس کارکردگی پر بہت خوش ہے کیونکہ ہمیں لگتا ہے کہ آپ رنز بناتے جائیں گے تو ہم کوئی بھی ایونٹ جیت سکتے ہیں۔
بابر اعظم نے اپنی حالیہ ناقص فارم پر بات کرتے ہوئے کہا کہ لوگوں اور ٹیم کی توقعات پر پورا نہیں اتر پارہا تھا لیکن میں مثبت رہا اور محنت جاری رکھی۔
ان کا مزید کہنا تھا کہ کبھی کچھ لمحات ایسے آتے ہیں جس میں لگتا ہے کہ سب اچھا ہے لیکن چیزیں آپ کے حق میں نہیں ہوتیں لیکن الحمداللہ، اللہ نے آج کرم کیا۔
Post-match chat with skipper @SalmanAliAgha1 and @babarazam258 ????️
Breaking down the series-clinching win in Lahore and the incredible support from fans ????????#PAKvSA | #GreenPeYaqeen | #BackTheBoysInGreen pic.twitter.com/JuJJZqfjS2
عرب ممالک کے ساتھ تعلقات میں بہتری، فیلڈ مارشل عاصم منیر کا کامیاب دورہ