اے این ایف کا کریک ڈاؤن؛ قطر اور برطانیہ بھیجے جانے والے پارسلز سے منشیات برآمد
اشاعت کی تاریخ: 2nd, June 2025 GMT
راولپنڈی:
اے این ایف کے مختلف آپریشنز میں قطر اور برطانیہ بھیجے جانے والے پارسلز سے منشیات برآمد کرلی گئی۔
ترجمان کے مطابق اینٹی نارکوٹکس فورس نے ملک کے مختلف شہروں میں منشیات اسمگلنگ کے خلاف مؤثر کریک ڈاؤن کرتے ہوئے 8 کامیاب کارروائیوں میں مجموعی طور پر 7 ملزمان کو گرفتار کر لیا۔ ان کارروائیوں کے دوران مجموعی طور پر 198.
اسلام آباد کے علاقے آبپارہ میں ایک کوریئر آفس پر کارروائی کے دوران قطر بھیجے جانے والے ایک پارسل کی تلاشی لی گئی جس میں کتابوں کے اندر جذب کی گئی 2.670 کلوگرام وزنی منشیات برآمد کی گئی۔ راولپنڈی کے چکلالہ گیریژن میں واقع میل آفس سے برطانیہ بھیجے جانے والے ایک اور پارسل سے 34 گرام ویڈ برآمد ہوئی۔
پشاور میں رنگ روڈ پر ایک شاپنگ مال کے قریب کھڑی گاڑی سے 6 کلوگرام چرس برآمد کی گئی، جبکہ اس کارروائی میں 3 ملزمان کو گرفتار کیا گیا۔
دوسری جانب کراچی کے علاقے سُرجانی ٹاؤن میں اے این ایف نے ایک رکشے کی تلاشی کے دوران 132 کلوگرام چرس برآمد کی، جہاں سے 2 افراد کو گرفتار کیا گیا۔
فیصل آباد میں بھی 2 مختلف کارروائیاں کی گئیں۔ ایک کارروائی کے دوران ایک موٹرسائیکل سوار سے 6 کلو چرس، 2.4 کلو افیون، 2.546 کلو آئس اور 231 گرام ہیروئن برآمد کی گئی جب کہ کمال پور انٹرچینج کے قریب ایک گاڑی سے 24 کلوگرام چرس برآمد ہوئی۔ دونوں مواقع پر ایک ایک ملزم کو حراست میں لیا گیا۔
مزید برآں قبائلی علاقے طورخم میں زیرو لائن بارڈر کے قریب ایک ہوٹل کے پاس سے 1.5 کلوگرام آئس برآمد کی گئی۔ بلوچستان کے ضلع پنجگور کے علاقے بونستان میں اسمگلنگ کی غرض سے چھپائی گئی 24 کلوگرام چرس برآمد کی گئی۔
اے این ایف ترجمان کا کہنا ہے کہ گرفتار ملزمان کے خلاف انسدادِ منشیات ایکٹ کے تحت مقدمات درج کر کے تفتیش کا آغاز کر دیا گیا ہے۔ منشیات نیٹ ورکس کو بے نقاب کرنے کے لیے مزید تحقیقات جاری ہیں۔
ذریعہ: Express News
کلیدی لفظ: کلوگرام چرس برآمد بھیجے جانے والے منشیات برآمد برآمد کی گئی اے این ایف کے دوران
پڑھیں:
کراچی، مختلف علاقوں میں دو مبینہ پولیس مقابلے، تین ملزمان گرفتار، اسلحہ و موٹر سائیکل برآمد
کراچی:شہر قائد کے مختلف علاقوں میں پولیس اور جرائم پیشہ عناصر کے درمیان دو مختلف کارروائیوں کے دوران تین ملزمان کو گرفتار کرلیا گیا جبکہ ایک ملزم فرار ہونے میں کامیاب ہو گیا۔
پولیس نے ملزمان کے قبضے سے اسلحہ اور موٹر سائیکل بھی برآمد کرلی ہے۔
تفصیلات کے مطابق سرجانی ٹاؤن کے علاقے میر خان گوٹھ میں پولیس اور ملزمان کے درمیان فائرنگ کا تبادلہ ہوا۔ ایس ایچ او سرجانی ٹاؤن محمد علی شاہ کے مطابق اس کارروائی میں دو ملزمان کو گرفتار کرلیا گیا،
جن کی شناخت فیضان اور ساگر کے نام سے ہوئی ہے، جبکہ 3 ملزم فرار ہونے میں کامیاب ہو گئے جن کی تلاش کا سلسلہ جاری ہے۔
مزید پڑھیں: نیو کراچی میں مبینہ پولیس مقابلہ، ایک ڈاکو زخمی حالت میں گرفتار
پولیس کے مطابق گرفتار ملزمان سے اسلحہ اور ایک موٹر سائیکل برآمد ہوئی ہے، اور مزید تفتیش جاری ہے۔ شاہ فیصل کالونی پانچ نمبر بند کے قریب پولیس نے ایک ڈاکو کو مبینہ مقابلے کے بعد زخمی حالت میں گرفتار کرلیا۔
ریسکیو حکام کے مطابق زخمی ملزم کی شناخت راحیل کے نام سے ہوئی ہے، جسے فوری طبی امداد کے لیے اسپتال منتقل کردیا گیا ہے۔
ترجمان کراچی پولیس کے مطابق ملزم کے قبضے سے 2 مسروقہ موبائل فون بھی برآمد کرلئے گئے ہیں جبکہ کارروائی کے دوران ملزم کا ساتھی فرار ہونے میں کامیاب ہوا جسکی تلاش جاری ہے۔
دشمن کو میدان جنگ، سیاست اور خارجہ سمیت ہر محاذ پر شکست دی، سابق فوجی افسران