کراچی میں کسٹمز اہلکار کی مبینہ فائرنگ سے شہری جان بحق، لواحقین کا احتجاج
اشاعت کی تاریخ: 2nd, June 2025 GMT
کراچی کے پوش علاقے کلفٹن میں بوٹ بیسن سگنل کے قریب کسٹم اہلکاروں کی مبینہ فائرنگ سے ایک نوجوان جاں بحق ہو گیا۔
جاں بحق نوجوان کے اہلخانہ اور دوستوں نے لاش نیٹی جیٹی پل پر رکھ کر احتجاج ریکارڈ کیا، احتجاج کے باعث ٹاور سے کیماڑی، ماڑیپور روڈ پر جانی والا ٹریفک معطل رہی جس کے بعد پولیس کی مداخلت پر ٹریفک کی روانی بحال کردی گئی۔
پولیس کے مطابق بوٹ بیسن سگنل کے قریب کسٹمز اہلکاروں کی فائرنگ سے کار سوار احسان جاں بحق ہوگیا جبکہ اس کے ساتھ موجود شاہزیب محفوظ رہا۔
یہ بھی پڑھیے: خضدار کسٹمز نے کروڑوں روپے مالیت کا اسمگل شدہ سامان کیسے برآمد کیا؟
اہلخانہ نے جناح اسپتال میں لاش کے ہمراہ احتجاج کیا اس دوران بوٹ بیسن پولیس جاں بحق احسان کے ساتھ موجود شاہزیب کو حراست میں لیکر اپنے ساتھ لے گئی،پولیس کا کہنا ہے کہ شاہزیب سے پوچھ گچھ کی جائیگی واقعہ کیسے پیش آیا۔
احسان کے اہلخانہ کا کہنا ہے کہ وہ کوئی دہشتگرد نہیں تھا بلکہ کار میں خشک ایرانی دودھ لے کر جا رہا تھا۔ سمیر نامی کسٹمز اہلکار نے فائرنگ کی جس کے ساتھ عادل بھٹی اور پرائیویٹ افراد بھی تھے، احسان کو سرپر گولی ماری گئی جس سے وہ جاں بحق ہوگیا،کسٹمز اہلکار گاڑی اور اس میں موجود دودھ ساتھ لے گئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
احتجاج فائرنگ کراچی کسٹم حکام کسٹمز.ذریعہ: WE News
کلیدی لفظ: فائرنگ کراچی کسٹم حکام
پڑھیں:
کراچی میں دو مبینہ پولیس مقابلوں میں 4 ڈاکو زخمی حالت میں گرفتار
کراچی:شہر قائد کے دو مختلف علاقوں میں ہونے والے مبینہ پولیس مقابلوں میں چار ڈاکو زخمی حالت میں گرفتار کر لیے گئے۔ گرفتار ملزمان کے قبضے سے اسلحہ، موبائل فونز، نقد رقم اور موٹر سائیکل برآمد کر لی گئی ہے۔
پہلا مقابلہ کراچی کے حساس علاقے شارع فیصل پر ڈرگ روڈ کے قریب پیش آیا، جہاں پولیس نے مشکوک موٹر سائیکل سواروں کو رکنے کا اشارہ کیا۔
تاہم ملزمان نے فرار ہونے کی کوشش کرتے ہوئے فائرنگ شروع کر دی۔ جوابی فائرنگ میں دونوں ڈاکو زخمی ہو گئے، جنہیں فوری طور پر جناح اسپتال منتقل کر دیا گیا۔
پولیس حکام کے مطابق زخمی ملزمان کی شناخت طارق اور غلام علی کے ناموں سے کر لی گئی ہے۔ ابتدائی تحقیقات کے مطابق دونوں ملزمان ماضی میں بھی جرائم میں ملوث رہے ہیں۔
مزید پڑھیں: کراچی میں پولیس مقابلہ؛ 4 اغوا کار گرفتار، مغوی کو بازیاب کروالیا گیا
دوسرا مقابلہ کیماڑی کے علاقے میں جیکسن پولیس کی جانب سے کیا گیا، جہاں گشت پر موجود پولیس اہلکاروں نے مشتبہ افراد کو روکنے کی کوشش کی۔
ملزمان نے پولیس پر فائرنگ کی، جس پر جوابی کارروائی کرتے ہوئے پولیس نے دونوں ملزمان کو زخمی حالت میں گرفتار کر لیا۔
زخمی ملزمان کو فوری طور پر سول اسپتال منتقل کیا گیا، جہاں ان کی شناخت شاہزیب اور علی رضا کے ناموں سے ہوئی ہے۔ پولیس کے مطابق یہ ملزمان اسٹریٹ کرائم کی متعدد وارداتوں میں ملوث ہیں۔
دونوں کارروائیوں میں گرفتار ملزمان کے قبضے سے متعدد موبائل فونز، نقدی، غیر قانونی اسلحہ اور استعمال شدہ موٹرسائیکل برآمد کی گئی ہے۔
فیلڈ مارشل عاصم منیر کی ملٹری ڈپلومیسی سے ملک بحرانوں سے نکل آیا، ایکس سروس مین سوسائٹی