اہم ترین آسٹریلوی کھلاڑی کا اچانک ایک روزہ کرکٹ سے ریٹائرمنٹ لینے کا فیصلہ، وجہ کیا بنی؟
اشاعت کی تاریخ: 2nd, June 2025 GMT
آسٹریلیا کے مایہ ناز آل راؤنڈر گلین میکسویل نے اچانک ایک روزہ بین الاقوامی کرکٹ سے ریٹائرمنٹ کا اعلان کر دیا ہے۔ اس فیصلے کی بڑی وجہ ان کا مسلسل زخمی ہوتا جسم اور 50 اوورز کے فارمیٹ میں بڑھتی جسمانی دشواریاں بنی ہیں۔
میکسویل نے انکشاف کیا کہ انہوں نے رواں برس لاہور میں چیمپیئنز ٹرافی کے دوران ایک سخت اور پتھریلے آؤٹ فیلڈ پر کھیلتے ہوئے محسوس کیا کہ اب ان کے جسم کی برداشت ختم ہو رہی ہے۔ اگلے میچ میں گیلی اور پھسلن والی آؤٹ فیلڈ پر فیلڈنگ کے بعد ان کے جسم کا ردعمل واضح کرچکا تھا کہ وہ 50 اوورز کی سختی کو مزید برداشت نہیں کرسکتے۔
میکسویل نے کہا کہ اگر کنڈیشنز مثالی نہ ہوں، تو میرا جسم 50 اوورز کا دباؤ نہیں سہہ پاتا۔ میکسویل نے 149 ایک روزہ میچز میں3990 رنز بنائے
ہیں جبکہ ان کی اوسط33.
مزید پڑھیں:کرکٹ ورلڈ کپ: گلین میکسویل نے ورلڈ کپ کی تاریخ کی تیز ترین سینچری جڑ دی
ان کی 2023 ورلڈ کپ میں افغانستان کے خلاف 201 رنز کی اننگز کو اب تک کی عظیم ترین ایک روزہ اننگز میں شمار کیا جاتا ہے۔
میکسویل نے واضح کیا ہے کہ وہ ٹی20 انٹرنیشنل کرکٹ کھیلنا جاری رکھیں گے۔ انڈین پریمیئر لیگ (IPL) اور بگ بیش لیگ (BBL) جیسے مقامی ٹی20 ٹورنامنٹس میں بھی حصہ لیں گے۔
میکسویل نے کہا کہ میں چند سیریز مزید کھیل کر صرف ذاتی فائدے کے لیے جگہ نہیں گھیرنا چاہتا تھا۔ بہتر یہی سمجھا کہ نئے کھلاڑیوں کو 2027 ورلڈ کپ کی تیاری کا موقع دیا جائے۔
آسٹریلوی چیف سلیکٹر جارج بیلی نے کہا کہ گلین میکسویل اپنی فطری صلاحیت، توانائی، اور میچ جتوانے کی اہلیت کے باعث ایک روزہ کرکٹ کے سب سے دلچسپ کھلاڑیوں میں سے ایک رہے ہیں۔ میکسویل اب بھی ٹی20 فارمیٹ میں آسٹریلیا کی نمائندگی کریں گے، خاص طور پر اگلے سال ہونے والے ٹی 20 ورلڈ کپ کی تیاری میں ان کا کردار کلیدی ہوگا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا آسٹریلوی کھلاڑی گلین میکسویلذریعہ: WE News
کلیدی لفظ: آسٹریلیا ا سٹریلوی کھلاڑی گلین میکسویل میکسویل نے ایک روزہ ورلڈ کپ
پڑھیں:
برطانوی حکومت کا معزول شہزادہ اینڈریو سے آخری فوجی عہدہ واپس لینے کا اعلان
برطانوی حکومت نے سابق شہزادہ اینڈریو سے ان کا اعزازی فوجی عہدہ وائس ایڈمرل واپس لینے کا اعلان کیا ہے۔
واضح رہے کہ یہ ان کا آخری باقی رہ جانے والا فوجی ٹائٹل تھا۔
یہ بھی پڑھیں:جنسی اسکینڈل: برطانوی پرنس اینڈریو سے ’پرنس‘ کا لقب سمیت تمام شاہی اعزازت واپس لے لیے گئے
اینڈریو سے ان کی والدہ، مرحومہ ملکہ الزبتھ دوم، نے 2022 میں ان کے تمام اعزازی فوجی عہدے واپس لے لیے تھے، جب ان کے خلاف ورجینیا جیفری، امریکی مجرم جیفری ایپسٹین کیس کی مرکزی مدعیہ، نے مقدمہ دائر کیا تھا۔
What Andrew losing his last military title would mean https://t.co/asYEvQisco
— The i Paper (@theipaper) November 3, 2025
تازہ اقدام اس وقت سامنے آیا ہے جب بادشاہ چارلس سوم نے جمعرات کے روز اپنے چھوٹے بھائی سے باقی تمام شاہی القابات اور اعزازات بھی واپس لے لیے، کیونکہ برطانیہ میں جیفری ایپسٹین سے اینڈریو کے تعلقات پر عوامی غصہ بڑھ رہا ہے۔
وزیر دفاع جان ہیلی نے بی بی سی سے گفتگو میں کہا کہ اینڈریو نے اپنی تمام اعزازی فوجی ذمہ داریاں چھوڑ دی ہیں۔
’بادشاہ کی ہدایت پر اب ہم ان کا آخری خطاب وائس ایڈمرل بھی واپس لینے کے عمل میں ہیں۔‘
مزید پڑھیں: برطانوی شہزادہ اینڈریو سے کن سنگین الزامات کے بعد شاہی خطاب اور عہدے واپس لیے گئے؟
انہوں نے مزید کہا کہ حکومت بادشاہ چارلس سے رہنمائی لے گی کہ آیا اینڈریو سے ان کے فوجی تمغے بھی واپس لیے جائیں۔
بادشاہ کا یہ چھوٹا بھائی کبھی 1982 کی فاک لینڈ جنگ میں شاہی بحریہ کے ہیلی کاپٹر پائلٹ کے طور پر اپنی خدمات کے باعث سراہا جاتا تھا۔ وہ 22 سالہ سروس کے بعد 2001 میں ریٹائر ہوئے۔
اینڈریو نے ہمیشہ ورجینیا جیفری پر جنسی زیادتی کے الزامات کی تردید کی ہے۔
جیفری نے اکتوبر میں شائع ہونے والی اپنی یادداشت میں دعویٰ کیا تھا کہ اسے اینڈریو کے ساتھ 3 مواقع پر جنسی تعلق قائم کرنے پر مجبور کیا گیا، جن میں سے 2 بار وہ صرف 17 سال کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اعزازی بادشاہ چارلس سوم جیفری ایپسٹین فاک لینڈ جنگ فوجی ذمہ داریاں وائس ایڈمرل ورجینیا جیفری
کسی سزا یافتہ شخص کی مشاورت پر حکومتی فیصلے کرنا آئینی طور پر درست نہیں; طلال چوہدری