10 ارب ہرجانہ کیس: وزیر اعظم شہباز شریف بذریعہ ویڈیو لنک عدالت میں پیش، بانی پی ٹی آئی کے وکیل کی جرح
اشاعت کی تاریخ: 2nd, June 2025 GMT
سیشن کورٹ لاہور میں وزیر اعظم شہباز شریف کی جانب سے بانی پاکستان تحریک انصاف کے خلاف دائر 10 ارب روپے ہرجانہ کیس کی سماعت ایڈیشنل سیشن جج یلماز غنی نے کی۔
وزیر اعظم شہباز شریف بذریعہ ویڈیو لنک عدالت میں پیش ہوئے، جہاں بانی پی ٹی آئی کی جانب سے ایڈووکیٹ میاں محمد حسین چوٹیا نے ان پر جرح کا آغاز کیا۔ وکیل نے وزیر اعظم سے سوال کیا کہ کیا انہوں نے بانی پی ٹی آئی کا داخل کردہ جواب دعویٰ پڑھا ہے؟ جس پر وزیر اعظم نے جواب دیا، ’میں نے بانی پی ٹی آئی کا جواب دعویٰ بالکل بھی نہیں پڑھا۔‘
شہباز شریف نے دوران جرح تصدیق کی کہ وہ بند کمرے میں ویڈیو لنک پر شہادت دے رہے ہیں اور ان کے وکیل مصطفیٰ رمدے اس وقت ان کے ساتھ موجود ہیں، تاہم کمرے میں بانی پی ٹی آئی کا کوئی وکیل یا نمائندہ موجود نہیں۔
مزید پڑھیں: عمران خان کے خلاف 10 ارب روپے ہرجانہ کیس کی سماعت، وزیراعظم بذریعہ ویڈیو لنک پیش
وزیر اعظم نے مزید کہا کہ ان کا بیانِ حلفی 7 اکتوبر 2024 کو تصدیق شدہ ہے اور یہ 7 صفحات پر مشتمل ہے، جن کے تمام صفحات پر ان کے دستخط اور انگوٹھے کے نشانات موجود ہیں۔ انہوں نے وکیل کے ان دعوؤں کو غلط قرار دیا کہ بیانِ حلفی کے آخری صفحے پر اوتھ کمشنر کی مہر موجود نہیں یا کہ تمام صفحات پر اوتھ کمشنر کی تصدیقات نہیں کی گئیں۔
شہباز شریف نے جرح کے دوران وکیل کے طرزِ سوالات پر برہمی کا اظہار کرتے ہوئے کہا کہ وکیل صاحب اسٹامپ اور سائن میں پڑے ہیں، کیس پر نہیں آرہے۔
وزیر اعظم نے اس بات کی بھی تردید کی کہ ان کا بیانِ حلفی قانون یا لاہور ہائیکورٹ رولز اینڈ آرڈرز کے مطابق تصدیق شدہ نہیں۔ انہوں نے واضح کیا کہ بیانِ حلفی کے تمام تقاضے پورے کیے گئے ہیں۔
عدالت میں شہباز شریف نے مزید کہا کہ انہوں نے بیانِ حلفی داخل کرنے سے قبل کوئی زبانی تائیدی بیان ریکارڈ نہیں کروایا اور نہ ہی اب ایسا کوئی بیان دینے کا ارادہ رکھتے ہیں۔ انہوں نے کہا کہ انہیں یاد نہیں کہ عدالت سے اس سلسلے میں پیشگی اجازت لی تھی یا نہیں۔ عدالت میں کیس کی مزید سماعت آئندہ تاریخ پر جاری رہے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بانی پاکستان تحریک انصاف سیشن کورٹ لاہور وزیر اعظم شہباز شریف ویڈیو لنک.
ذریعہ
ذریعہ: WE News
کلیدی لفظ: بانی پاکستان تحریک انصاف سیشن کورٹ لاہور وزیر اعظم شہباز شریف ویڈیو لنک وزیر اعظم شہباز شریف بانی پی ٹی آئی ویڈیو لنک عدالت میں انہوں نے کہا کہ
پڑھیں:
شہباز شریف سمیت حکومتی شخصیات کو 21 تحائف ملے، توشہ خانہ کا ریکارڈ جاری
فوٹو: فائلوزیراعظم اور نائب وزیراعظم سمیت مختلف اعلیٰ حکومتی شخصیات کو 21 قیمتی تحائف ملے، کابینہ ڈویژن نے اپریل تا جون توشہ خانہ کا ریکارڈ جاری کردیا۔
کابینہ ڈویژن کے مطابق وزیراعظم اور نائب وزیراعظم توشہ خانہ تحائف وصول کرنے والوں میں شامل ہیں۔ وزیراعظم شہباز شریف کو ایک شوگر باؤل، قیمتی قلم، مسجد نبویﷺ کا ماڈل، شیلڈ اور ٹائی بطور تحفہ ملی۔
دستاویز کے مطابق وزیراعظم کو چینی خلائی اسٹیشن کا ماڈل، ایک کپ، گھڑی اور شیلڈ بھی بطور تحفہ ملی۔
دستاویز کے مطابق نائب وزیراعظم کو چمڑے سے بنا چینی بیلٹ، مصری اسٹیچو کا ماڈل اور کف لنکس بطور تحفہ ملے۔
دونوں اعلیٰ ترین حکومتی شخصیات نے حاصل ہونے والے تحائف توشہ خانہ میں جمع کرا دیے۔ کابینہ ڈویژن کے مطابق وزیراعظم اور نائب وزیراعظم کو ملنے والے تحائف کی قیمتوں کا تخمینہ لگایا جا رہا ہے۔
بھارت سے جنگ اور افغانستان میں کارروائی خارج ازامکان نہیں، وزیردفاع