گورنر خیبرپختونخوا فیصل کریم کنڈی کا روس کے سفیر البرٹ پی خوریف کے اعزازمیں ظہرانہ
اشاعت کی تاریخ: 2nd, June 2025 GMT
اسلام آباد (اُردو پوائنٹ اخبارتازہ ترین - اے پی پی۔ 02 جون2025ء) گورنر خیبرپختونخوا فیصل کریم کنڈی نے اسلام آباد میں اپنی رہائش گاہ پر پاکستان میں تعینات روس کے سفیر البرٹ پی خوریف کے اعزازمیں ظہرانہ دیا۔ گورنر نے سفیر کا استقبال کیا۔ ظہرانہ میں روسی سفارتخانہ کے سینئر سفارتکار بھی سفیرکے ہمراہ تھے۔پیر کو گورنر آفس سے جاری بیان کے مطابق گورنر خیبرپختونخوا نے ظہرانہ میں روسی سفیر کا کرم متاثرین کیلئے امدادی سامان کی فراہمی پر شکریہ ادا کیا۔
گورنر خیبرپختونخوا کی جانب سے دیئے گئے ظہرانہ میں دونوں ممالک کے درمیان شعبوں میں باہمی تعلقات بڑھانے پر اتفاق کیا گیا۔ گورنر فیصل کریم کنڈی نے کہا کہ خیبر پختونخوا بالخصوص کرم متاثرین کیلئے بروقت امداد کی فراہمی و ہمدردی پر روسی حکومت و عوام کے شکر گزار ہیں، خیبر پختونخوا میں ترقیاتی منصوبوں و سرمایہ کاری میں روس کے ساتھ دو طرفہ تعاون کے فروغ کے خواہاں ہیں۔(جاری ہے)
گورنر نے امید ظاہرکی کہ روس کی حکومت کی جانب سے صوبے کے دور دراز اور پسماندہ علاقوں اور محروم طبقات کی امداد کاسلسلہ جاری رہے گا۔ گورنرنے سفیر کو دورہ پشاور کی دعوت بھی دی۔ روسی سفیر نے پرتکلف مہمان نوازی اور عزت افزائی پر گورنر کا شکریہ ادا کیا اور بہت جلد پشاورکے دورہ کی یقین دہانی کرائی۔روسی سفیر نے خیبر پختونخوا کے عوام کیلئے ہرممکن تعاون جاری رکھنے کے عزم کا اظہار کرتے ہوئے کہا کہ خیبر پختونخوا سمیت پاکستانی عوام کے ساتھ محبت،احترام و دوستی کا رشتہ ہے۔گورنر نے آخر میں روسی سفیر کو صوبہ کی روایتی چادر و ٹوپی پہنائی اور سوینیئر بھی پیش کیا۔.ذریعہ: UrduPoint
کلیدی لفظ: تلاش کیجئے گورنر خیبرپختونخوا خیبر پختونخوا روسی سفیر
پڑھیں:
ملی یکجہتی کونسل خیبر پختونخوا کی صیہونی مظالم پر اسلامی ممالک کی خاموشی کی مذمت
پشاور میں منعقدہ صوبائی کونسل کے اجلاس میں دہشت گردی کی نئی لہر اور ڈرون حملوں پر شدید تشویش کا اظہار کیا گیا، رہنماوں کا کہنا تھا کہ بھارت کو دندان شکن جواب پر پوری قوم افواج پاکستان کی پشت پر کھڑی ہیں۔ اسلام ٹائمز۔ ملی یکجہتی کونسل خیبر پختونخوا کی صوبائی کونسل کا اجلاس مرکز اسلامی پشاور میں صوبائی صدر عبدالواسع کی زیرصدارت منعقد ہوا۔ اجلاس میں جماعت اسلامی کے صوبائی نائب امراء مولانا ہدایت اللہ، مولانا تسلیم اقبال، جمعیت اہلحدیث کے محمد ادریس خلیل، جے یو پی کے ڈاکٹر نور حکیم جیلانی، سابق ممبر قومی اسمبلی مولانا عبدالاکبر چترالی، مولانا حنیف اللہ اور جماعت اسلامی کے صوبائی سیکرٹری اطلاعات نورالواحد جدون سمیت دیگر ذمہ داران نے شرکت کی۔ اجلاس سے خطاب کرتے ہوئے ملی یکجہتی کونسل کے صوبائی صدر عبدالواسع نے کہا کہ فلسطین اور غزہ میں گزشتہ دو سالوں سے اسرائیلی جارحیت پر اسلامی دنیا کے حکمرانوں سمیت پوری دنیا کے حکمران دہرے معیار پر کاربند ہیں۔ اسرائیل غزہ میں مسلسل انسانیت کو ملیامیٹ کررہا ہے جبکہ امریکہ سمیت دیگر حکمرانوں خاص طور اسلامی دنیا کے حکمرانوں کی خاموشی لمحہ فکریہ ہے۔
اجلاس میں گزشتہ روز وفاقی دارالحکومت اسلام آباد میں جماعت اسلامی کے سابق سینیٹر مشتاق احمد خان کو غزہ کے مظلومین کے لئے آواز اٹھانے پر اہلیہ اور بچوں سمیت گرفتار کرکے اڈیالہ جیل منتقل کرنے کے شرمناک عمل پر شدید برہمی کا اظہار کیا گیا اور وفاقی حکومت اور اسلام آباد پولیس کے اس عمل کو امریکہ اور اسرائیل نوازی کی بدترین مثال قرار دیا گیا۔ اجلاس میں وزارت حج اور حکومت پاکستان کی عفلت سے اس سال 67 ہزار سے زائد حجاج کرام کی سفرحج سے محرومی پر بھی شدید تشویش کا اظہار کیا گیا۔ اجلاس میں خیبر پختونخوا میں ایک بار پھر بدامنی کی تازہ ترین لہر، امن و امان کی بگڑتی صورتحال، ڈرون حملوں، کرم اور جنوبی اضلاع میں جاری شورش پر تشویش کا اظہار کیا گیا اور فیصلہ کیا گیا کہ اس حوالے سے عید کے فوراً بعد ملی یکجہتی کونسل کی صوبائی کونسل کا اجلاس طلب کیا جائے گا جس میں ان مسائل کے حوالے سے لائحہ عمل مرتب کیا جائے گا۔
اجلاس میں اس امر پر اطمینان کا اظہار کیا گیا کہ حالیہ پاک بھارت گشیدگی کے دوران پوری قوم ایک پیج پر سیسہ پلائی ہوئی دیوار کی طرح متحد تھی اور پاک فوج نے دشمن کو دندان شکن جواب دیکر دنیا بھر میں اپنی پیشہ ورانہ قابلیت کا لوہا منوایا۔ ملی یکجہتی کونسل کے ذمہ داران نے اس عزم کا اظہار کیا کہ بھارت کی جانب سے کسی بھی ممکنہ جارحیت کے مقابلے میں پوری قوم دفاع وطن کے لئے پوری طرح متحد ہیں۔
ٹیکنو Premier 5G Camon 40 اب پاکستان میں دستیاب