بھارتی آبی جارحیت، پانی روکے جانے کیوجہ سے پاکستان میں خریف کی فصل شدید متاثر
اشاعت کی تاریخ: 2nd, June 2025 GMT
سندھ طاس معاہدے کی یکطرفہ معطلی کے بعد بھارت کے پانی روکے جانے کی وجہ سے پاکستان میں خریف کی فصل شدید متاثر ہو رہی ہے، منگلا اور تربیلا ڈیم میں پانی کے ذخیرے میں تیزی سے کمی ہونے لگی، ارسا کے تازہ اعداد وشمار کے مطابق پانی کے بہاؤ میں مجموعی طور پر21 فیصد کمی اور دو اہم ڈیموں منگلا اور تربیلا میں تقریباً 50 فیصد لائیو اسٹوریج کی کمی کا سامنا ہے، منگلا اور تربیلا پنجاب اور سندھ میں آبپاشی کے لیے پانی فراہم کرنے اور ہائیڈرو پاور پیدا کرنے میں کلیدی کردار ادا کرتے ہیں۔
بھارت کی جانب سے دریاؤں کے پانی کے بہاؤ میں روزانہ کمی و بیشی معمول بن چکی ہے، جس کے باعث پاکستان میں ڈیموں کی اسٹوریج صلاحیت متاثر ہونے لگی ہے۔ انڈس ریور سسٹم اتھارٹی (ارسا) کے حکام کے مطابق بھارت کبھی پانی کے بہاؤ میں اچانک کمی کر دیتا ہے اور کبھی غیر متوقع اضافہ، جس کا براہِ راست اثر پاکستان کے آبی ذخائر پر پڑ رہا ہے۔
حکام نے خبردار کیا ہے کہ اگر یہی صورتحال برقرار رہی تو منگلا ڈیم میں پانی بھرنے کا عمل متاثر ہو سکتا ہے، جو آئندہ موسمِ خریف میں زرعی ضروریات کے لیے خطرہ بن سکتا ہے۔ ارسا کے مطابق پانی کی کمی کے پیشِ نظر منگلا سے اخراج 10 ہزار کیوسک سے بڑھا کر 25 ہزار کیوسک کر دیا گیا ہے تاکہ متوازن فراہمی جاری رکھی جا سکے۔
اگر بھارت کی جانب سے پانی کے بہاؤ میں اس قسم کی غیر متوقع تبدیلیوں کا سلسلہ جاری رہا تو پنجاب میں چاول کی کاشت شدید متاثر ہو سکتی ہے، جو ملک کی زرعی معیشت کے لیے ایک بڑا دھچکا ہوگا۔
ارسا حکام نے اس معاملے پر سنجیدہ نوٹس لینے کی ضرورت پر زور دیا ہے اور عالمی سطح پر بھی اس مسئلے کو اجاگر کرنے کی سفارش کی ہے تاکہ بھارت کو بین الاقوامی معاہدوں کا پابند بنایا جا سکے۔
ذریعہ: Daily Mumtaz
کلیدی لفظ: پانی کے بہاو
پڑھیں:
فرانسیسی اینا لسٹ کا بھارت کو باز آ جانے کا مشورہ
سٹی42: فرانس کے سیاسی تجزیہ کار کرسٹوف جعفریلوٹ (جس نے بھارت کو پاکستان کو تباہ کرنے کے اپنے دیرینہ تصور کو ترک کرنے کا مشورہ دیا تھا ) کے مطابق، پاکستان بھارت کے ساتھ اپنی حالیہ فوجی مصروفیات میں فتح یاب ہوا ہے۔ بھارت کی سندھ آبی معاہدے کو سٹریٹجک ہتھیار کے طور پر استعمال کرنے کی کوششیں خطرناک نتائج کا باعث بن سکتی ہیں
چینل کی رپورٹ کے مطابق، جیفررلوٹ نے خبردار کیا کہ بھارت کی جانب سے سندھ آبی معاہدے کو سٹریٹجک ہتھیار کے طور پر استعمال کرنے کی کوششیں خطرناک نتائج کا باعث بن سکتی ہیں، اس بات پر زور دیتے ہوئے کہ پانی کو کبھی بھی سیاسی یا عسکری شکل نہیں دی جانی چاہیے۔
خوفناک زلزلہ نے عمارتیں ہلا کر رکھ دیں
فرانسیسی ماہر نے بھی تنازع کے دوران پاکستان کی فضائی برتری کا اعتراف کرتے ہوئے برتری کا کریڈٹ چین کو دینے کی کوشش کی اور لکھا کہ چین کے فراہم کردہ آلات نے اہم کردار ادا کیا۔جیفرلوٹ نے ریمارکس دیئے کہ "یہ پہلی بار ہوا ہے جب ہم نے چینی لڑاکا طیاروں کو جنگ پر نمایاں طور پر اثر انداز ہوتے دیکھا تھا ،پاکستان کو چین کے ساتھ مضبوط تعاون سے فائدہ ہوا، جیسا کہ ہندوستانی میڈیا رپورٹس کو اجاگر کر رہا ہے۔ یہ شکست ہندوستان کی ملکی سیاست پر گہرے اور دیرپا اثرات چھوڑے گی"
فتنہ الہندوستان ؛ پاکستان نے بلوچستان مین انڈین کتھ پتلیوں کی تمام نقابیں نوچ کر سیدھا نام رکھ دیا
انہوں نے مشورہ دیتے ہوئے کہا کہ پاکستان کو تباہ کرنے کا یقین ترک کر دینا چاہیے، پاکستان ایک ایٹمی ہتھیاروں سے لیس ملک ہے جس کو چین کی طرف سے سٹریٹجک حمایت حاصل ہے۔ ایک مسئلہ جس سے ہندوستان کو ہر قیمت پر پریشان ہونے سے گریز کرنا چاہئے وہ ہے سندھ آبی معاہدہ ،کیونکہ پانی کو ہتھیار بنانا خطرناک ہے ۔
Waseem Azmet
ٹیکنو Premier 5G Camon 40 اب پاکستان میں دستیاب