ڈیفنس فیز 6 کے فلیٹ سے اداکارہ کی ایک ماہ پرانی لاش ملی
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
کراچی ( اسٹاف رپورٹر)ڈیفنس فیز 6 اتحاد کمرشل ایریا کی ایک رہائشی عمارت کے چوتھی منزل پر واقع فلیٹ سے بدھ کی رات معروف اداکارہ حمیر ا دختر اصغر علی کی ایک ماہ پرانی بوسیدہ لاش برآمد ہوئی، جس کے بعد پورے علاقے میں خوف و ہراس پھیل گیا۔ ابتدائی تحقیقات کے مطابق اداکارہ تنہا مقیم تھیں اور گزشتہ کئی ہفتوں سے کسی سے رابطے میں نہیں تھیں۔گزری پولیس کے مطابق واقعے کی اطلاع عمارت کے دیگر مکینوں نے بدبو پھیلنے کے بعد دی، جس پر پولیس موبائل اور بم ڈسپوزل یونٹ نے موقع پر پہنچ کر فلیٹ کا دروازہ توڑا۔ اندر داخل ہونے پر لاش بستر پر پڑی ملی، جس پر گلنے سڑنے کے واضح آثار تھے۔ پولیس کا کہنا ہے کہ لاش کی حالت سے اندازہ ہوتا ہے کہ موت کم از کم 25 سے 30 دن قبل واقع ہوئی۔فلیٹ کے نیچے والے فلیٹ میں مقیم ایک خاتون ثریا خانم نے بتایا کہ “پچھلے تین ہفتے سے بدبو محسوس ہو رہی تھی، لیکن ہم سمجھتے رہے کہ شاید کوئی جانور مر گیا ہو۔ فلیٹ سے کوئی آتا جاتا نہیں دیکھا گیا۔”ایک اور رہائشی عبداللہ عابد کا کہنا ہے کہ “اس خاتون کو ہم اکثر تنہا دیکھتے تھے، وہ اکثر رات دیر گئے آتی اور خاموشی سے رہتی تھی۔ کوئی خاص میل جول نہیں تھا۔”ایس ایچ او درخشاں کے مطابق، فلیٹ میں کسی قسم کی توڑ پھوڑ یا زبردستی داخلے کے آثار نہیں ملے، اور نہ ہی کوئی واضح زخم لاش پر نظر آیا۔ کمرے میں ادویات کی خالی بوتلیں اور ایک نوٹ بک ملی ہے جس میں کچھ بے ربط تحریریں درج ہیں۔ پولیس کا شبہ ہے کہ موت خودکشی یا کسی ذہنی بیماری کے باعث قدرتی ہو سکتی ہے، تاہم پوسٹ مارٹم رپورٹ آنے تک کوئی حتمی رائے نہیں دی جا سکتی۔
.
ذریعہ
ذریعہ: Jasarat News
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ