قبائلی اضلاع میں شرحِ تعلیم تشویشناک حد تک کم ہے، اسلامی جمعیت طلبہ
اشاعت کی تاریخ: 2nd, June 2025 GMT
اسلامی جمعیت طلبہ خیبر پختونخوا کے ناظم اسفندیار عزت نے کہا ہے کہ کسی بھی قوم کی ترقی کا راز اس کے نوجوانوں کی معیاری تعلیم و تربیت میں پوشیدہ ہوتا ہے، مگر بدقسمتی سے ہمارے عوامی نمائندگان کی توجہ صرف کرپشن اور اقربا پروری پر مرکوز ہے۔ اسلام ٹائمز۔ اسلامی جمعیت طلبہ خیبر پختونخوا کے ناظم اسفندیار عزت نے کہا ہے کہ کسی بھی قوم کی ترقی کا راز اس کے نوجوانوں کی معیاری تعلیم و تربیت میں پوشیدہ ہوتا ہے، مگر بدقسمتی سے ہمارے عوامی نمائندگان کی توجہ صرف کرپشن اور اقربا پروری پر مرکوز ہے۔ ان خیالات کا اظہار انہوں نے باڑہ پریس کلب میں پریس کانفرنس سے خطاب کرتے ہوئے کیا۔ ان کے ہمراہ پشاور ڈویژن کے ناظم ہشام ساجد، ضلع خیبر کے ناظم روح اللہ اور دیگر بھی تھے۔ اسفندیار عزت نے کہا کہ خیبر پختونخوا بالخصوص قبائلی اضلاع میں شرحِ تعلیم تشویشناک حد تک کم ہے، اور بڑی تعداد میں بچے اسکولوں سے باہر ہیں۔ انہوں نے علاقائی نمائندوں سے مطالبہ کیا کہ وہ ضلع خیبر کے نوجوانوں کو معیاری تعلیمی سہولیات فراہم کرنے کو اپنی اولین ترجیح بنائیں۔ انہوں نے اس امر پر بھی افسوس کا اظہار کیا کہ ضلع خیبر کو پشاور یونیورسٹی کے بجائے فاٹا یونیورسٹی سے منسلک کر دیا گیا ہے، جہاں تعلیمی معیار اور سہولیات کا شدید فقدان ہے، انضمام سے قبل ضلع خیبر کے طلبہ کو پشاور یونیورسٹی جیسی معیاری درسگاہ سے وابستگی حاصل تھی، مگر اب ان کے تعلیمی مستقبل کو نظرانداز کیا جا رہا ہے۔
انہوں نے مزید کہا کہ ہمارا تعلیمی نظام اب بھی پرانے روایتی سانچے میں جکڑا ہوا ہے، جس میں کسی قسم کی جدت یا اصلاحات دیکھنے میں نہیں آتیں۔ اگر عوامی نمائندگان واقعی اپنے بچوں کے لیے بہتر مستقبل چاہتے ہیں تو انہیں تعلیم کے میدان میں عملی اقدامات کرنے ہوں گے۔ اسفندیار عزت کا کہنا تھا کہ جو لوگ تبدیلی کے دعوے کے ساتھ ووٹ لے کر آئے، اگر وہ عوام کو ریلیف نہیں دے سکتے تو کم از کم جھوٹے وعدوں کا سلسلہ بند کریں۔ اس موقع پر انہوں نے بتایا کہ اسلامی جمعیت طلبہ کا باڑہ کا دورہ، تعلیمی شعور اجاگر کرنے اور عوامی نمائندوں کو ان کی ذمہ داریوں کا احساس دلانے کے لیے کیا جا رہا ہے۔ انہوں نے مزید کہا کہ اسلامی جمعیت طلبہ نے ہمیشہ امن و امان کے قیام اور طلبہ کے حقوق کے تحفظ کے لیے آواز بلند کی ہے، اور مختلف مواقع پر امن ریلیوں کا انعقاد بھی کیا ہے۔
ذریعہ: Islam Times
کلیدی لفظ: اسلامی جمعیت طلبہ اسفندیار عزت انہوں نے کے ناظم
پڑھیں:
اسرائیل امداد کی آڑ میں فلسطینیوں کی منظم نسل کشی کر رہا ہے، ضیاالدین انصاری
امیر جماعت اسلامی لاہور کا کہنا ہے کہ اسرائیل کی جانب سے امدادی ٹرکوں کی آمد پر سخت پابندیاں عائد ہیں، امداد کو بطور ہتھیار استعمال کرنا بین الاقوامی قانون کی صریح خلاف ورزی، انسانیت کی تذلیل اور عالمی جرم ہے۔ اسلام ٹائمز۔ امیر جماعت اسلامی لاہور ضیاءالدین انصاری ایڈووکیٹ نے کہا ہے کہ اسرائیل امداد کی آڑ میں فلسطینیوں کی منظم نسل کشی کر رہا ہے۔ امداد کو انسانوں کی مدد کے بجائے ظلم کا ہتھیار بنا دیا گیا ہے۔ ان خیالات کا اظہار انہوں نے منصورہ لاہور میں فرینڈز آف فلسطین کے سربراہ بلال اصطال سے ملاقات میں گفتگو کرتے ہوئے کیا۔ انہوں نے کہا کہ غزہ قحط کا شکار ہو چکا، سات لاکھ افراد بھوکے اور پیاسے مدد کے منتظر ہیں۔ انہوں نے کہا کہ اسرائیل کی جانب سے امدادی ٹرکوں کی آمد پر سخت پابندیاں عائد ہیں، امداد کو بطور ہتھیار استعمال کرنا بین الاقوامی قانون کی صریح خلاف ورزی، انسانیت کی تذلیل اور عالمی جرم ہے۔
انہوں نے کہا کہ امریکہ کی مشترکہ امدادی پالیسی نہ صرف ناکام ہے بلکہ اسے فلسطینی عوام کی جبری بے دخلی اور نسل کشی کے ایک منظم منصوبے کے طور پر استعمال کیا جا رہا ہے، جس کی پوری دنیا مذمت کر رہی ہے، پوری پاکستانی قوم فلسطین غزہ کے مسلمانوں کیساتھ کھڑی ہے۔ ملاقات میں سرائیلی بربریت کی شدید الفاظ میں مذمت کی گئی اور مظلوم فلسطینیوں امداد کیلئے فنڈ ریزنگ مہم کو مزید تیز کرنے کا عزم کیا گیا۔ اس موقع پر ڈپٹی سیکرٹری جنرل جماعت اسلامی لاہور قیصر شریف، معتمد خاص امیر جماعت اسلامی پاکستان سمیع الحق شیرپاؤ اور دیگر بھی موجود تھے۔
راولپنڈی: محکمہ تعلیم کے دفتر سے 9600 سے زائد کتابیں چوری کرنے والے دو افراد گرفتار