سعودی عرب کی جانب سے فلسطینی شہدا اور اسیران کے اہلخانہ کو حج کی خصوصی دعوت
اشاعت کی تاریخ: 3rd, June 2025 GMT
سعودی عرب نے فلسطینی شہدا اور اسرائیل کے ساتھ تنازع میں قید رہنے والے فلسطینیوں کے اہلخانہ کو حج کے لیے خصوصی طور پر مدعو کیا ہے۔ یہ دعوت خادم حرمین شریفین کے مہمانوں کے پروگرام کے تحت دی گئی ہے، جس کے تحت غزہ سے 500 فلسطینی عازمین حج سعودی عرب پہنچے۔ فلسطین سے آنے والے مہمانوں کی تعداد 1,000 ہوچکی ہے۔
مزید پڑھیں: وفاقی سیکریٹری مذہبی امور کا مکہ مکرمہ کا دورہ، حج 2025 کے انتظامات کا جائزہ
عرب نیوز کے مطابق عازمین حج جدہ کے کنگ عبدالعزیز انٹرنیشنل ایئرپورٹ پر پہنچے جہاں وزارتِ اسلامی امور، دعوت و ارشاد نے ان کا استقبال کیا۔ بعد ازاں انہیں مکہ مکرمہ میں خادم حرمین شریفین کے پروگرام کے تحت مخصوص رہائش میں ٹھہرایا گیا۔ فلسطینی مہمانوں نے سعودی حکومت اور قیادت کی جانب سے مسلمانوں، خصوصاً حرمین شریفین کی خدمت پر شکریہ ادا کیا۔
یہ پروگرام 1996 میں قائم ہوا اور اس کے تحت اب تک ہزاروں افراد کو حج اور عمرہ کی سعادت حاصل ہو چکی ہے۔ رواں سال اس پروگرام کے تحت دنیا کے 100 ممالک سے 2,443 افراد کو حج کی دعوت دی گئی ہے، جن کی آمد کا سلسلہ مئی سے جاری ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسرائیل خادم حرمین شریفین سعودی عرب عرب نیوز فلسطین فلسطینی شہدا فلسطینی عازمین حج.ذریعہ: WE News
کلیدی لفظ: اسرائیل خادم حرمین شریفین عرب نیوز فلسطین فلسطینی شہدا فلسطینی عازمین حج حرمین شریفین کے تحت
پڑھیں:
وزیر داخلہ محسن نقوی کی تربت آمد، شہید کیپٹن سمیت 4 جوانوں کے جنازے میں شرکت
اویس کیانی:وفاقی وزیرداخلہ محسن نقوی فرنٹیئر کور ساوتھ کے ہیڈ کوارٹر پہنچے، جہاں انہوں نے آئی جی ایف سی ساوتھ میجر جنرل بلال سرفراز خان کے ہمراہ ضلع کیچ میں شہید کیپٹن وقار احمد اور 4 جوانوں کی نمازِ جنازہ میں شرکت کی۔
وزیرداخلہ محسن نقوی نے جامِ شہادت نوش کرنے والے کیپٹن وقار احمد، نائیک عصمت اللہ، لانس نائیک جنید احمد، خان محمد اور سپاہی محمد ظہور کو خراجِ عقیدت پیش کیا اور ان کی بلندی درجات کے لیے دعا کی۔ اس موقع پر وزیر داخلہ اور آئی جی ایف سی ساوتھ نے شہدا کے جسدِ خاکی کو کندھا بھی دیا۔
پاکستان سے ایران جانیوالے زائرین کو اغوا کروانے والے نیٹ ورک کا کارندہ گرفتار
محسن نقوی نے کہا کہ کیپٹن وقار احمد اور جوانوں نے فرض کی راہ میں قیمتی جانیں نچھاور کرکے اعلیٰ مثال قائم کی ہے۔ قوم شہداء کی لازوال قربانیوں کا قرض کبھی نہیں اتار سکتی۔ان کا کہنا تھا کہ شہدا کی عظیم قربانیاں رائیگاں نہیں جائیں گی، ہم ان اور ان کے خاندانوں کو سلام پیش کرتے ہیں۔ شہدا کے خاندان ہمارے اپنے خاندان ہیں اور قوم ہمیشہ ان کی مقروض رہے گی۔
میجر جنرل بلال سرفراز خان نے کہا کہ سیکیورٹی فورسز کی قربانیاں دہشت گردی کے خلاف ہمارے غیر متزلزل عزم کا ثبوت ہیں۔نمازِ جنازہ میں اعلیٰ عسکری و سول حکام نے بھی شرکت کی۔
تقریبا 15 ہزار شہریوں کی جیبیں کٹ گئیں
مالی مفاد حب الوطنی پر غالب: بھارت ایشیا کپ میں پاکستان سے کھیلنے پر آمادہ