پاکستان خطہ میں نئی طاقت بن کر ابھرا ہے،چوہدری شجاعت
اشاعت کی تاریخ: 3rd, June 2025 GMT
اسلام آباد(خبرنگار)چوہدری شجاعت حسین نے پارٹی راہنماؤں سے اہم ملاقات کی ملاقات میں ڈاکٹر محمد امجد،مصطفی ملک، مہرین ملک آدم، ڈاکٹر رحیم اعوان،انیلہ چوہدری،عاطف مغل، رضوان صادق،چوہدری جہانگیر میں موجود تھے چودھری شجاعت حسین نے کہا کہ پاکستان خطہ میں ایک نئی طاقت بن کر ابھرا ہے اب سب کو مل کر پاکستان کو اقتصادی قوت بنانا ہو گاپاکستانی قوم جرات مند، بہادر قوم اسے چیلنجوں سے نمٹنا آتا ہے قوم کو اپنی افواج اور سپہ سالار فیلڈ مارشل عاصم منیر، ائر چیف ظہیر احمد بابر، نیول چیف نوید اشرف پر فخر ہے پارٹی راہنما اپنے پروگراموں میں فوج کے کردار کو اجاگر کریں بنیان مرصوص کی طرح معاشی خوشحالی کے لیے قومی قیادت کو ایک پیج پر آنا ہو گاتنخواہ دار طبقہ اور غریب آدمی قومی قیادت کی توجہ کا مستحق ہے بجٹ میں عام آدمی کے مسائل اور انکی توقعات کو مدنظر رکھا جائے مضبوط دفاع کے لیے معاشی خوشحالی و خود مختاری ضروری ہے
.ذریعہ: Nawaiwaqt
پڑھیں:
سعودی عرب کیساتھ تاریخی دفاعی معاہدہ غیر معمولی قیادت کا منہ بولتا ثبوت، ایس ایم تنویر
لاہور میں اپنے ایک بیان میں راہنما ایف پی سی سی آئی ایس کا کہنا تھا کہ کہ یہ معاہدہ جس میں دونوں قومیں کسی ایک کے خلاف کسی بھی جارحیت کو دونوں پر حملہ تصور کرنے کا عہد کرتی ہیں، علاقائی جغرافیائی سیاست میں ملک کے بڑھتے ہوئے اثر و رسوخ کو ظاہر کرتا ہے اور سعودی عرب کے ساتھ پاکستان کی سٹریٹجک شراکت داری کو مضبوط کرتا ہے۔ اسلام ٹائمز۔ فیڈریشن آف پاکستان چیمبرز آف کامرس اینڈ انڈسٹری (FPCCI) کے راہنما ایس ایم تنویر نے کہا ہے کہ پاکستان اور سعودی عرب کے درمیان سٹریٹجک باہمی دفاعی معاہدے پر حالیہ دستخط ملک کی سفارتی اور فوجی تاریخ میں ایک اہم سنگ میل کی حیثیت رکھتے ہیں۔ راہنما ایف پی سی سی آئی ایس ایم تنویر نے اس تاریخی کامیابی پر وزیراعظم شہباز شریف اور فیلڈ مارشل جنرل عاصم منیر کو دلی مبارکباد پیش کی۔ انہوں نے کہا کہ یہ معاہدہ جس میں دونوں قومیں کسی ایک کے خلاف کسی بھی جارحیت کو دونوں پر حملہ تصور کرنے کا عہد کرتی ہیں، علاقائی جغرافیائی سیاست میں ملک کے بڑھتے ہوئے اثر و رسوخ کو ظاہر کرتا ہے اور سعودی عرب کے ساتھ پاکستان کی سٹریٹجک شراکت داری کو مضبوط کرتا ہے۔
ایس ایم تنویر نے سعودی عرب میں رائل سعودی ایئر فورس کی جانب سے پرتپاک استقبال پر حکومت بالخصوص وزیراعظم شہباز شریف کی غیر معمولی قیادت اور سفارتی کوششوں کی تعریف کی۔ ایف پی سی سی آئی کے راہنما نے مزید کہا کہ یہ اشارہ دونوں ممالک کے درمیان مضبوط دو طرفہ تعلقات کی علامت ہے اور اس تاریخی معاہدے کی اہمیت کو واضح کرتا ہے۔ ایس ایم تنویر نے کہا کہ ہر پاکستانی کو اس کامیابی پر فخر محسوس کرنا چاہئے، کیونکہ یہ ایک غیر مستحکم خطے میں ملک کی سلامتی اور استحکام کو بڑھاتا ہے۔
انہوں نے مزید کہا کہ معاہدے کے اثرات دور رس ہیں، ممکنہ طور پر جارحیت کو روکتے ہیں اور اقتصادی ترقی اور ترقی کے لیے زیادہ محفوظ ماحول کو فروغ دیتے ہیں۔ قیادت کے وژن اور سٹریٹجک دور اندیشی کو سراہتے ہوئے ایس ایم تنویر نے کہا کہ یہ معاہدہ بلاشبہ سعودی عرب اور وسیع تر مشرق وسطیٰ کے ساتھ پاکستان کے تعلقات پر دیرپا اثر ڈالے گا۔ راہنما ایف پی سی سی آئی کا کہنا تھا کہ یہ تاریخی معاہدہ ہماری حکومت کی غیر معمولی قیادت اور سفارتی کوششوں کا ثبوت ہے اور ہم آنے والے برسوں میں اس کے ثمرات حاصل کرنے کے منتظر ہیں۔
دریائے چناب میں سیلابی صورتحال، ٹرین سروس معطل