شہزاد غیاث کی بچپن میں خودکشی کی کوششوں کا انکشاف
اشاعت کی تاریخ: 3rd, June 2025 GMT
معروف پوڈکاسٹر شہزاد غیاث نے انکشاف کیا ہے کہ انہوں نے اپنے بچپن میں بہت خطرناک حرکتیں کی ہیں، بس خوش قسمتی سے ان کی جان بچ گئی۔
کامیڈین و پوڈکاسٹر شہزاد غیاث نے حال ہی میں جیو نیوز کے مزاحیہ شو ہنسنا منع ہے میں بطور مہمان شرکت کی۔
اس دوران انہوں نے متعدد سوالات کے جواب دیے اور میزبان، تابش ہاشمی کے ساتھ دلچسپ موضوعات پر بات بھی کی۔
View this post on InstagramA post shared by Hasna Mana Hai (@geohasnamanahai)
شہزاد غیاث نے شو کے دوران بتایا کہ میں بچپن میں بہت شرارتی تھا، بہن بھائیوں میں میرا نمبر پانچواں ہے، میں نے اپنے بچپن میں بہت خطرناک حرکتیں کر کر رکھیں جو کہ خودکشی کے مترادف تھیں۔
کامیڈین شہزاد غیاث نے انٹرویو کے دوران پاک بھارت کشیدگی کے دوران غیر ملکی پیئرز مورگن کے شو میں بھارتی یوٹیوبر رنویر الہ آبادیہ، بھارتی صحافی برکھا دت اور “گودی میڈیا” کو آڑے ہاتھوں لینے پر بھی بات کی۔
View this post on InstagramA post shared by Hasna Mana Hai (@geohasnamanahai)
انہوں نے بتایا کہ شو کی انتظامیہ نے پہلے مجھ سے انسٹاگرام پر رابطہ کیا تھا جسے میں نے نظر انداز کر دیا تھا، بعد ازاں ٹیم نے مجھ سے ایکس پر رابطہ کیا اور مجھے شو کا فارمیٹ بتایا۔
شہزاد غیاث نے کہا کہ پہلے میں نے شو کے پینل میں شرکت سے انکار کر دیا تھا، بعد ازاں ٹیم کے کہنے پر میں نے اس شو میں شرکت کر لی۔
View this post on InstagramA post shared by Hasna Mana Hai (@geohasnamanahai)
Post Views: 4.ذریعہ: Daily Mumtaz
کلیدی لفظ: شہزاد غیاث نے بچپن میں
پڑھیں:
کراچی میں چھری کے وار سے بیوی اور بچے کو قتل کر کے شہری کی خودکشی کی کوشش
شہر قائد کے علاقے سرجانی ٹاؤن مبینہ طور پر شوہر نے بیوی اور بیٹے کو قتل کردیا، ملزم نے خود بھی خودکشی کی اور اُسے تشویشناک حالت میں اسپتال منتقل کردیا گیا۔
ایکسپریس نیوز کے مطابق سرجانی ٹاؤن کریمی چورنگی یوسف گوٹھ میں گھر سے ماں اور بیٹے کی لاشیں ملیں جس میں خاتون کا گلا کٹا ہوا تھا جبکہ بیٹا مردہ حالت میں پایا گیا جس کی موت کو تعین نہیں ہوسکا۔
گھر سے مقتولہ کا شوہر شدید زخمی حالت میں ملا جس کا گلا کٹا ہوا تھا، مقتولہ 3 بچوں کی ماں تھی جبکہ گھر میں موجود دونوں بیٹیوں کو اہل محلہ نے اپنی حفاظتی تحویل میں لیکر چچا کے حوالے کر دیا۔
پولیس نے جائے وقوعہ سے ملنے والا تیز دھار آلہ (چھری) اپنے قبضے میں لیکر ماں اور بیٹے کی لاشوں کو ضابطے کی کارروائی کے لیے عباسی شہید اسپتال منتقل کیا جبکہ شدید زخمی شخص کو عباسی شہید اسپتال سے بعدازاں سول اسپتال منتقل کر دیا گیا۔
ماں اور بیٹے کی لاشیں ملنے کی اطلاع پر علاقہ مکینیوں کی بڑی تعداد ان کے گھر جمع ہوئی۔
ترجمان ڈسٹرکٹ ویسٹ پولیس کے مطابق سرجانی ٹاؤن کریمی چورنگی کے قریب گھر سے ملنے والی خاتون کی لاش کو 35 سالہ ثنا اور بیٹے کو 10 سالہ محمد علی کے نام سے شناخت کیا گیا جبکہ گھر سے شدید زخمی حالت میں ملنے والے کی شناخت 42 سالہ فیصل ولد صغیر الدین کے نام سے ہوئی جو کہ مقتولہ کا شوہر اور بچے کا والد ہے۔
ترجمان کے مطابق جائے وقوعہ سے ملنے والا آلہ قتل تیز دھار آلہ (چھری) پولیس نے قبضے میں لے لی ہے جبکہ کرائم سین یونٹ کو طلب کر کے جائے قوعہ سے شواہد حاصل کیے گئے ہیں۔
ایس ایس پی ڈسٹرکٹ ویسٹ طارق الہی مستوئی کے مطابق اب تک کی تحقیقات کے مطابق قوی امکان ہے کہ مقتولہ ثنا کے مضروب شوہر فیصل نے مبینہ طور پر بیوی اور بیٹے کو قتل کیا ہے، مقتولہ ثنا کی 2 نوعمر بیٹاں ایمل اور بریرہ گھر میں موجود تھیں۔
بچیوں نے پولیس کو بتایا کہ وہ رات 10 اور ڈھائی بجے سوئیں تھی جبکہ روز صبح 10 سے 11 بجے تک سو کر اٹھ جاتے ہیں لیکن آج ساڑھے چار بجے تک سوتے رہے جس سے شبہ ہے کہ انھیں نشہ آور دوا دی گئی تھی۔
پولیس نے اہل محلہ اور علاقہ مکینوں کے بیانات قلمبند کیے اور فوری طور پر دہرے قتل کی وجہ کا تعین نہیں ہو سکا جس کی پولیس مزید چھان بین کر رہی ہے۔
ایس ایچ او سرجانی محمد علی شاہ نے بتایا کہ بیوی اور بیٹے کو مبینہ قتل کے بعد خود کو گلے پر تیز دھار سے وار کرنے والے شدید زخمی مقتولہ کے شوہر فیصل کی حالت تشویشناک ہے جبکہ فوری طور پر مقتول بیٹے کی وجہ موت کا تعین نہیں ہو سکا تاہم پوسٹ مارٹم رپورٹ آنے کے بعد ہی موت کی وجہ کا معلوم ہو سکے گا۔
اس حوالے سے علاقہ مکینوں نے بتایا بیوی اور بیٹے کو قتل کر کے اقدام خودکشی کرنے والا شدید زخمی فیصل کی علاقے میں ہارڈویئر کی دکان تھی، ڈیڑھ سال قبل کرایے پر مکان لیا تھا جبکہ گھر میں موجود بچیوں کے چیخ و پکار پر علاقہ مکین جمع ہوئے اور فوری طور پر پولیس کو اطلاع دی۔ مکینوں نے بتایا کہ مذکورہ گھر سے کبھی لڑائی جھگڑے کی کوئی آواز نہیں سنی ۔
کراچی، ٹریفک پولیس اہلکار کے قتل کا مقدمہ درج