حسن نواز اور محمد حارث کی انٹرنیشنل کرکٹ میں شاندار کارکردگی
اشاعت کی تاریخ: 3rd, June 2025 GMT
لاہور:
نوجوان بلے باز حسن نواز اور وکٹ کیپر محمد حارث نے انٹرنیشنل کرکٹ میں شاندار کارکردگی سے شائقین کرکٹ کے دل جیت لیے۔
حسن نواز کا ٹیلنٹ مختصر سے وقت میں سامنے آیا ہے۔ اس سال مارچ میں نیوزی لینڈ کے خلاف آکلینڈ کے ٹی ٹوئنٹی انٹرنیشنل میں انہوں نے صرف 44 گیندوں پر سنچری اسکور کی تھی۔
محمد حارث نے بنگلہ دیش کے خلاف لاہور کے تیسرے ٹی ٹوئنٹی انٹرنیشنل میں 45 گیندوں پر سنچری بنائی۔
دونوں نے نیوزی لینڈ کے خلاف میچ میں اوپن کیا تھا اور 74 رنز بناکر ٹی ٹوئنٹی انٹرنیشنل میں پاور پلے کا پاکستان کا نو سالہ پرانا ریکارڈ توڑ دیا تھا۔
حسن نواز پاکستان کی طرف سے کھیلتے ہوئے ابتک صرف 118 گیندوں پر227 رنز بنا چکے ہیں جن میں 16 چوکے اور 16 چھکے شامل ہیں۔
محمد حارث 17 ٹی ٹوئنٹی انٹرنیشنل میں 21 چھکوں اور 33 چوکوں کی مدد سے 370 رنز بنا چکے ہیں۔
محمد حارث نے 2022 میں انگلینڈ کے خلاف اپنے ٹی ٹوئنٹی انٹرنیشنل کریئر کا آغاز رچرڈ گلیسن کو چھکے کے ساتھ کیا تھا۔
محمد حارث نے فخرزمان کی غیرموجودگی میں 2022 کے ٹی ٹوئنٹی ورلڈ کپ میں جنوبی افریقہ کے خلاف سڈنی میں میچ کھیلا تھا اور ربادا کو لگاتار چھکوں کے علاوہ ایک چوکا بھی مارا تھا۔ اس اننگز میں انہوں نے 11 گیندوں پر 28 رنز اسکور کیے تھے۔ بنگلہ دیش اور نیوزی لینڈ کے خلاف اگلے میچوں میں انہوں نے 31 اور 30 رنز کی تیز رفتار اننگز کھیلی تھیں۔ ٹی ٹوئنٹی کے مجموعی مقابلوں میں حارث کا اسٹرائیک ریٹ 147 سے زیادہ ہے۔
محمد حارث کی قیادت میں اسٹالیئنز نے چیمپئنز کپ ٹی ٹوئنٹی ٹورنامنٹ جیتا اور بیٹنگ میں بھی شاندار پرفارمنس دیتے ہوئے تین نصف سنچریوں کی مدد سے 269 رنز بنائے۔
محمد حارث نے ایچ بی ایل پی ایس ایل میں بھی زلمی کی طرف سے عمدہ کارکردگی دکھاتے ہوئے 247 رنز بنائے جن میں 28 چوکے اور11 چھکے شامل تھے۔
حسن نواز کے لیے 25-2024 کا سیزن شاندار رہا ہے۔ پریذیڈنٹ ٹرافی گریڈ ون کے سیمی فائنل اور فائنل کھیلنے کے علاوہ انہوں نے قائداعظم ٹرافی کی پانچ اننگز میں 273 رنز اسکور کیے جس میں لاڑکانہ کے خلاف 169 رنز کی شاندار اننگز بھی شامل تھی۔
حسن نواز ٹی ٹوئنٹی چیمپئنز کپ میں نورپور لائنز کی طرف سے 312 رنز بناکر دوسرے نمبر پر رہے۔
حسن نواز نے ایچ بی ایل پی ایس ایل میں کوئٹہ گلیڈی ایٹرز کی نمائندگی کرتے ہوئے پاور ہٹنگ کا زبردست مظاہرہ کیا اور30 چوکے اور17 چھکے مارے۔ وہ ایک سنچری اور تین نصف سنچریوں کی مدد سے مجموعی طور پر 399 رنز بناکر بہترین بیٹر اور پلیئر آف دی ٹورنامنٹ قرار پائے تھے۔
حسن نواز اس سال پاکستان کرکٹ بورڈ کے پاور اسٹرائیک فورس کیمپ کا بھی حصہ تھے۔
حسن نواز نے 24-2023 کے سیزن میں بھی اسلام آباد ریجن کی طرف سے شاندار پرفارمنس دیتے ہوئے نان فرسٹ کلاس کرکٹ ٹورنامنٹ میں 530 رنز بنانے کے علاوہ ون ڈے ٹورنامنٹ میں بھی 229 رنز بنائے تھے۔
.
ذریعہ
ذریعہ: Express News
کلیدی لفظ: ٹی ٹوئنٹی انٹرنیشنل گیندوں پر کی طرف سے حسن نواز انہوں نے کے خلاف میں بھی
پڑھیں:
مریم نواز کا اربن فلڈنگ اور سیلاب سے نمٹنے کے لیے وسائل بروئے کار لانے کا حکم
وزیر اعلیٰ پنجاب مریم نواز نے اربن فلڈنگ اور سیلاب سے نمٹنے کے لیے انسانی و مکینل وسائل بروئے کار لانے کا حکم دے دیا ہے۔ وزیر اعلیٰ پنجاب مریم نواز کا کہنا ہے کہ دریاؤں، ڈیموں اور بیراج پر نہانے پر پابندی یقینی بنائی جائے اور دریاؤں، ڈیموں اور بیراج کی ڈرون سے مانیٹرنگ کی جائے۔انہوں نے کہا کہ عوام کو بارش اور فلڈ سے آگاہ کرنے کے لیے مساجد اور میڈیا پر اعلانات کیے جائیں۔کرنٹ لگنے سے ہلاکتوں پر مریم نواز نے لیسکو اور دیگر بجلی تقسیم کار کمپنیوں کو نوٹس لینے کا حکم دیتے ہوئے کہا کہ بجلی تقسیم کار کمپنیوں کی غفلت کی وجہ سے لوگ جان سے ہاتھ دھو رہے ہیں۔انہوں نے کہا کہ کھمبوں پر بجلی کے بے ہنگم لٹکتے تار انسانی جانوں کے لیے خطرہ بن چکے ہیں۔ وزیر اعلیٰ نے واسا کمپلینٹ ہیلپ لائن پر فوری ایکشن کا ریکارڈ مرتب کرنے کی ہدایت کی۔مریم نواز نے مون سون کے دوران ہر کنسٹرکشن سائٹ کو باقاعدہ محفوظ بنانے کی ہدایت دی اور کہا کہ انتظامیہ خستہ حال عمارتوں کا جائزہ لے کر رضاکارانہ طور پر خالی کروائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار