بھارت کو تسلیم کرنے میں 1 مہینہ لگا کہ ہم نے اس کے طیارے مار گرائے: بلاول بھٹو
اشاعت کی تاریخ: 3rd, June 2025 GMT
بلاول بھٹو زرداری—فائل فوٹو
پاکستان پیپلز پارٹی کے چیئرمین بلاول بھٹو زرداری کا کہنا ہے کہ پاکستان نے 6 بھارتی طیارے مار گرائے، بھارتی حکومت کو یہ تسلیم کرنے میں ایک مہینہ لگا کہ ہم نے ان کے طیارے مار گرائے ہیں۔
نیو یارک میں اقوامِ متحدہ کے ہیڈکوارٹرز میں بلاول بھٹو زرداری نے چینی میڈیا کو انٹرویو دیتے ہوئے کہا کہ ہم نے جنگ بندی کے حصول میں بھی بین الاقوامی برادری کی شمولیت پر انحصار کیا، بات چیت اور سفارت کاری سے ہم کسی بھی مسئلے کو حل کر سکتے ہیں۔
ان کا کہنا ہے کہ اگر بین الاقوامی برادری اسی طرح کردار ادا کرے تو جنوبی ایشیاء میں دائمی امن قائم ہو سکتا ہے، پاکستان بھارت سے بات چیت کے لیے تیار ہے، ہم امن چاہتے ہیں، لیکن امن تب تک ممکن نہیں جب تک ہم ڈائیلاگ میں شامل نہ ہوں۔
اس موقع پر بلاول بھٹو زرداری نے اپنے بیان میں کہا کہ پانی ایک قدرتی وسیلہ ہے جس کو ہتھیار بنا کر بھارت نے بین الاقوامی معاہدوں کو پامال کیا ہے، دہشت گردی کے ایک واقعے کو جواز بنا کر بھارت نے غیرقانونی اقدامات کیے اور پورے خطے کے امن کو خطرے میں ڈال دیا۔
بلاول بھٹو نے کہا کہ بھارت کے انکار پر ظاہر ہے یہ صورتِ حال پائیدار نہیں ہے، اسی لیے ہم بین الاقوامی برادری سے رابطہ کر رہے ہیں، بین الاقوامی برادری امن کے قیام میں اپنا کردار ادا کرے، کشمیر کے مسئلے کے حل میں مدد کرے۔
انہوں نے کہا کہ مستقل جنگ بندی کےلیے ہم بین الاقوامی برادری سے کردار ادا کرنے کی اپیل کرتے ہیں، پاکستان بات چیت کےلیے تیار ہونے کا کہہ چکا ہے، صرف ایک ملک بھارت ہے جو کہتا ہے کہ وہ بات چیت کےلیے تیار نہیں۔
چیئرمین پیپلز پارٹی نے کہا کہ بھارت اپنے عوام سے یہ حقیقت کیوں چھپا رہا تھا؟ اس لیے کہ سچ یہ ہے کہ بھارت جنگ ہار گیا، بھارت پاکستان جنگ کس نے جیتی؟ آسان جواب یہ ہے کہ کون اپنے عوام سے جھوٹ بول رہا ہے؟ کون سا میڈیا اپنے عوام کو گمراہ کر رہا تھا؟ کون سی حکومت تنازع کے دوران اور بعد میں اپنے عوام سے جھوٹ بول رہی تھی؟
بلاول بھٹو زردار ی نے اپیل کی کہ بین الاقوامی برادری آبی تنازع کے حل میں کردار ادا کرے، دہشت گردی کے موضوع پر مناسب گفتگو میں بھی بین الاقوامی برادری اپنا کردار ادا کرے، سب سے اہم اور ممکنہ کامیابی ڈائیلاگ شروع کرنے پر ہو گی۔
.ذریعہ: Jang News
کلیدی لفظ: بین الاقوامی برادری بلاول بھٹو زرداری اپنے عوام بات چیت
پڑھیں:
سلامتی کونسل مسئلہ کشمیر سمیت تمام تنازعات حل کرانے کیلئے متحرک کردار ادا کرے، بلاول بھٹو
سلامتی کونسل مسئلہ کشمیر سمیت تمام تنازعات حل کرانے کیلئے متحرک کردار ادا کرے، بلاول بھٹو WhatsAppFacebookTwitter 0 3 June, 2025 سب نیوز
نیو یارک(آئی پی ایس) چیئرمین پی پی اور سابق وزیر خارجہ بلاول بھٹو زرداری نے کہا ہے کہ سلامتی کونسل مسئلہ کشمیر سمیت تمام تنازعات حل کرانے کیلیے متحرک کردار ادا کرے۔
تفصیلات کے مطابق بلاول بھٹو زرداری کی قیادت میں پاکستانی پارلیمانی وفد نے بھارتی اشتعال انگیزیوں کے خلاف سفارتی مہم کے تحت سلامتی کونسل کی صدر سے ملاقات کی اور خطے میں قیام امن کے لیے پاکستانی مؤقف سے آگاہ کیا۔
پاکستان کے سابق وزیر خارجہ بلاول بھٹو زرداری کی قیادت میں اعلیٰ سطح کے پارلیمانی وفد نے اقوام متحدہ کی سلامتی کونسل کی جون 2025 کی صدر اور جمہوریہ گیانا کی مستقل نمائندہ، سفیر کیرولین روڈریگز برکیٹ سے ملاقات کی۔
یہ ملاقات جنوبی ایشیا میں بھارت کی حالیہ اشتعال انگیزیوں اور کھلی جارحیت کے تناظر میں اقوام متحدہ کے اہم اسٹیک ہولڈرز کو صورتحال سے آگاہ کرنے کے لیے پاکستان کی جاری سفارتی مہم کا حصہ تھی۔
بلاول بھٹو زرداری نے ملاقات میں پہلگام حملے کے بعد بھارت کی جانب سے بغیر کسی معتبر تحقیق یا ثبوت کے پاکستان پر الزامات لگانے پر گہری تشویش کا اظہار کیا۔
انہوں نے بھارت کے یکطرفہ فوجی اقدامات، عام شہریوں اور سول انفرا اسٹرکچر پر دانستہ حملوں، سندھ طاس معاہدے کی غیر اعلانیہ معطلی کی شدید مذمت کی۔ انہوں نے کہا کہ بھارت کا یہ اقدام قدرتی وسائل کو ہتھیار بنا کر بین الاقوامی معاہدوں کو پامال کرتا ہے، جس کے خطے کے امن و سلامتی پر خطرناک اثرات مرتب ہو سکتے ہیں۔
انہوں نے واضح کیا کہ پاکستان دہشتگردی کی ہر شکل اور صورت کی مذمت کرتا ہے اور خود اس کا سب سے بڑا شکار ہے۔ کسی ایک دہشتگرد واقعے کو یکطرفہ، غیرقانونی اقدامات کا جواز نہیں بنایا جا سکتا، جو پورے خطے کے امن کو خطرے میں ڈال دیں۔
بلاول بھٹو زرداری نے ایک بار پھر سیز فائر کے قیام، سندھ طاس معاہدے کے مکمل نفاذ کی بحالی اور بھارت کے ساتھ جامع مذاکرات کے آغاز کا مطالبہ کیا ، جن کی بنیاد مسئلہ جموں و کشمیر کے منصفانہ حل پر ہو، جو جنوبی ایشیا میں پائیدار امن کی کنجی ہے۔
پاکستانی وفد نے زور دیا کہ یکطرفہ اقدامات اور کشیدگی کو ہوا دینے کے بڑھتے ہوئے رجحان کے پیش نظر سلامتی کونسل کو چاہیے کہ وہ امن و تصفیہِ تنازعات کو یقینی بنانے میں اپنا مؤثر کردار ادا کرے۔
انہوں نے اقوام متحدہ کی سلامتی کونسل پر زور دیا کہ وہ کشیدگی کم کرانے، بین الاقوامی قوانین و معاہدوں کے احترام کو یقینی بنانے اور مسئلہ کشمیر سمیت تمام تنازعات کو سلامتی کونسل کی قراردادوں کے مطابق حل کرانے کے لیے متحرک کردار ادا کرے۔
سلامتی کونسل کی صدر، سفیر کیرولین روڈریگز برکیٹ نے امن و سلامتی کے قیام کے لیے سلامتی کونسل کے مینڈیٹ کے تحت کردار ادا کرنے کے عزم کا اعادہ کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرکراچی: ملیر جیل سے 216 قیدی فرار، شدید فائرنگ، ایک ہلاک، 3 ایف سی اہلکار زخمی کراچی: ملیر جیل سے 216 قیدی فرار، شدید فائرنگ، ایک ہلاک، 3 ایف سی اہلکار زخمی وفاقی حکومت نے کے الیکٹرک ٹیرف کے خلاف نیپرا میں اپیل دائر کردی اسلام آباد ، تھانہ سنبل کی حدود میں معروف ٹک ٹاکر ثنا یوسف قتل بھارت کے جارحانہ اقدامات اور یکطرفہ فیصلے خطے کے امن کیلئے خطرہ ہیں، چین اور پاکستان میں اتفاق تسلیم کرتا ہوں لوگوں نے ہمیں ن لیگ کا ساتھ دینے کی وجہ سے ووٹ نہیں دیا، ندیم افضل چن پانی کے مسئلے پر بھارت سے بیٹھ کر بات کریں گے، وزیراعظم کی سینئر صحافیوں سے غیررسمی گفتگوCopyright © 2025, All Rights Reserved
رابطہ کریں ہمارے بارے ہماری ٹیم
سندھ حکومت نے قربانی کی کھالیں جمع کرنے کا ضابطہ اخلاق جاری کردیا