گرمی کی شدت: عازمین حج کے لیے متعلقہ وزیر کی خاص ہدایت
اشاعت کی تاریخ: 3rd, June 2025 GMT
حج اور عمرہ کے وزیر توفیق الربیعہ نے عرفات کے دن متوقع بلند درجہ حرارت کا حوالہ دیتے ہوئے عازمین کو گرمی کی تھکن سے بچنے کے لیے صبح 10 بجے سے شام 4 بجے تک اپنے مخصوص کیمپوں میں رہنے کی تاکید کردی۔
یہ بھی پڑھیں: حج میڈیا فورم: مناسکِ حج کی پیشہ ورانہ کوریج کا نیا باب
سعودی گزٹ کے مطابق توفیق الربیعہ نے خبردار کیا کہ گروپوں کا بلاوجہ پیدل چلنا ہجوم کے بہاؤ اور حاجیوں کی حفاظت کے لیے خطرہ ہے۔
وزیر نے یہ بات 49 ویں عظیم الشان حج سمپوزیم کے موقع پر مختلف ممالک کے حج مشنز کے سربراہان سے ملاقات کے دوران کہی جو اتوار کو جدہ میں اختتام پذیر ہوا۔
الربیعہ نے حج امور کے دفاتر کو مقدس مقامات کے اندر عازمین کی نقل و حرکت کے حوالے سے ضوابط کی سختی سے پیروی کرنے کی ہدایت کی اور حجاج کی حفاظت اور بہترین عبادات کی انجام دہی پر زور دیا۔
وزیر نے عرفات سے مزدلفہ تک پیدل چلنے کے بجائے مخصوص نقل و حمل کے استعمال کی اہمیت پر زور دیا۔
مزید پڑھیے: مقامات مقدسہ پر حج کے دوران میٹرو ٹرین کےذریعے 20 لاکھ زائرین کی آمد و رفت متوقع
انہوں نے اس بات پر زور دیا کہ ہجوم کی نقل و حرکت کو منظم کرنے اور حفاظت کی ضمانت کے لیے ڈسپیچ اور ٹرانسپورٹ کے منصوبے ضروری ہیں جس کی پابندی کو ایک اجتماعی ذمہ داری سمجھتے ہیں۔
الربیعہ نے نسخ کارڈ کے اہم کردار پر زور دیا جو گرینڈ مسجد، مقدس مقامات یا عوامی نقل و حمل تک رسائی کے لیے لازمی ہے۔
انہوں نے کہا کہ کارڈ اب رسومات کو انجام دینے اور خلاف ورزیوں کو روکنے کے لیے ایک اہم ریگولیٹری ٹول ہے۔
مزید پڑھیں: کیا حج کے دوران ڈرون کے ذریعے دواؤں کی ترسیل ممکن ہے؟
وزیر نے کہا کہ اس سال حج پرمٹ کی تصدیق کے عمل میں نمایاں تیزی دیکھنے کو ملے گی تاکہ عازمین کی حفاظت اور حج کے مکمل تجربے کو یقینی بنایا جا سکے۔ انہوں نے مزید کہا کہ یہ سب کچھ اس موقعے کے تقدس اور شان کے مطابق ہو گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حجاج کے لیے ہدایت سعودی وزیر حج و عمرہ عرفات کے دن گرمی وزیر توفیق الربیعہ وزیر حج و عمرہ وزیر توفیق الربیعہ.ذریعہ: WE News
کلیدی لفظ: حجاج کے لیے ہدایت عرفات کے دن گرمی وزیر توفیق الربیعہ وزیر حج و عمرہ وزیر توفیق الربیعہ توفیق الربیعہ الربیعہ نے پر زور دیا کے لیے
پڑھیں:
وزیراعظم کی زیر صدارت اجلاس، دیامر بھاشا ڈیم جیسے منصوبوں کو ترجیحی بنیادوں پر مکمل کرنے کی ہدایت
اسلام آباد (اُردو پوائنٹ اخبارتازہ ترین - اے پی پی۔ 03 جون2025ء) وزیراعظم محمد شہباز شریف نے کہا ہے کہ پانی ذخیرہ کرنے کی استطاعت بڑھانے، زراعت کے لئے درکار پانی کی فراہمی اورسیلاب کی روک تھام کے لئے نئے ڈیمز کی تعمیر ناگزیر ہے ، توانائی کی پیداوار اور پانی کے وافر ذخیرے کا مؤثر نظام قائم کرنے کیلئے دیامر بھاشا ڈیم جیسے منصوبوں کو ترجیحی بنیادوں پر مکمل کیا جائے۔ منگل کو وزیراعظم میڈیا آفس سے جاری بیان کے مطابق وزیراعظم محمد شہباز شریف کی زیر صدارت دیا میر بھاشا ڈیم اور دیگر آبی وسائل کے امور پر اہم اجلاس ہوا۔ اجلاس میں وفاقی وزیر منصوبہ بندی احسن اقبال ، وفاقی وزیر امور کشمیر و گلگت بلتستان انجینئر امیر مقام ، وفاقی وزیر قانون و انصاف اعظم نذیر تارڑ ،وفاقی وزیر آبی وسائل معین وٹو ، وزیراعظم کے مشیر برائے سیاسی امور و بین الصوبائی روابط رانا ثناءاللہ ، وزیر اعلیٰ گلگت بلتستان گلبر خان اور متعلقہ اعلیٰ سرکاری افسران نے شرکت کی۔(جاری ہے)
وزیراعظم نے کہا کہ پانی ذخیرہ کرنے کی استطاعت بڑھانے، زراعت کے لئے درکار پانی کی فراہمی ، سیلاب کی روک تھام کے لئے نئے ڈیمز کی تعمیر ناگزیر ہے ، ہماری معاشی خود انحصاری کا دارومدار سستی بجلی اور زراعت پر ہے جس کے لئے پانی کی سٹوریج بڑھانے اور پانی کے مؤثر استعمال کی ضرورت ہے ۔ وزیراعظم نے ہدایت کی کہ ملک میں توانائی کی پیداوار اور پانی کے وافر ذخیرے کا مؤثر نظام قائم کرنے کیلئے دیامر بھاشا ڈیم جیسے منصوبوں کو ترجیحی بنیادوں پر مکمل کیا جائے اور دیامیر بھاشا ڈیم کی تعمیر میں حائل تمام تر رکاوٹوں کو فوری طور پر حل کرنے کے ساتھ ساتھ منصوبے کی جلد از جلد تکمیل کو یقینی بنایا جائے۔
190 ملین پاؤنڈ کیس میں بڑی پیشرفت: اسلام آباد ہائیکورٹ میں سماعت کیلئے مقرر