’اسکوئڈ گیم‘ کے آخری سیزن کا سنسنی خیز ٹریلر جاری، سیریز کب ریلیز ہوگی؟
اشاعت کی تاریخ: 4th, June 2025 GMT
مشہور نیٹ فلکس سیریز ’اسکوئڈ گیم‘ کے تیسرے اور آخری سیزن کا تھرلر سے بھرپور ٹریلر جاری کر دیا گیا ہے۔
سیزن 3 کا آغاز وہیں سے ہو گا جہاں سیزن 2 ختم ہوا تھا۔ جس میں دکھایا گیا ہے کہ مرکزی کردار گی ہُن (اداکار لی جنگ جے) اب بھی خفیہ اور مہلک کھیل کی پیچھے چھپی طاقتوں کے خلاف لڑنے کی کوشش کر رہا ہے، لیکن اب تک وہ تقریباً سب کچھ کھو چکا ہے۔
سیریز کے خالق ہوانگ ڈونگ ہیوک کے مطابق، اس سیزن میں دکھایا جائے گا کہ گی ہُن ناکامی کے بعد کیا راستہ اختیار کرتا ہے۔ ٹریلر میں ایک جذباتی، پچھتاوے سے بھرپور اور کمزور گی ہُن کو دکھایا گیا ہے، جو اب بھی انسانیت، ہمدردی اور حوصلے کے ساتھ مقابلہ کرنے کی کوشش کرتا ہے۔
آخری سیزن میں معروف گیم “ریڈ لائٹ، گرین لائٹ” کی خطرناک گڑیا ینگ ہی کی واپسی بھی ہوئی ہے، اور نئے چیلنجز مزید خوفناک دکھائے گئے ہیں۔
گلابی یونیفارم میں گارڈز بدستور بے رحم ہیں، جبکہ فرنٹ مین ایک بار پھر نمودار ہوا ہے۔ ایک منظر میں وہ گی ہُن سے براہِ راست مخاطب ہو کر کہتا ہے: “کیا تمہیں اب بھی انسانوں پر یقین ہے؟”
واضح رہے کہ اداکار لی بیونگ ہن نے وعدہ کیا ہے کہ اس سنسنی خیز سیریز کے دنیا بھر میں موجو مداحوں کو مایوسی نہیں ہوگی اور وہ لطف اندوز ہوں گے۔ یاد رہے کہ اسکوئڈ گیم کا آخری سیزن 27 جون کو ریلیز کیا جائے گا۔
Post Views: 4.ذریعہ: Daily Mumtaz
پڑھیں:
سلمان خان بگ باس 19 کی میزبانی کی فیس کتنی لیں گے؟ جان کر حیران ہوں گے
نیو دہلی:بالی وڈ اسٹار سلمان خان فلموں میں اپنی لاجواب اداکاری سے اپنے مداحوں اور فلم بینوں کو خوب محظوظ کرتے ہیں اسی طرح میزبانی کے شعبے میں بھی وہ مقبولیت کی عروج پر پہنچے ہوئے ہیں اور اس حوالے سے بھارتی انٹرٹینمنٹ انڈسٹری میں ان کی منفرد پہچان بن چکی ہے۔
سلمان خان بھارتی رئیلٹی شو بگ باس کی میزبانی کے فرائض گزشتہ کئی برسوں سے انجام دے رہے ہیں، بگ باس شو میں حصہ لینے والوں، مختلف گیمز اور کہانیوں کے ساتھ ساتھ سلمان خان کی میزبانی کی وجہ سے بھی دنیا بھر میں مشہور ہے۔
رپورٹ کے مطابق بگ باس کی پریمیئر 30 اگست کو بھارتی ٹی وی پر ہوگا 90 منٹ بعد نشر کیا جائے گا اور ناظرین نئے سیزن کے آغاز کا بے تابی سے انتظار کر رہے ہیں۔
بگ باس 19 نیا سیزن ابھی شروع نہیں ہوا لیکن اس حوالے سے خبریں پہلے ہی آنا شروع ہوگئی ہیں، شو میں حصہ لینے والوں کے ناموں پر بھی چہ مگوئیاں ہو رہی ہیں لیکن سلمان خان کی میزبانی اور ان کو شو سے حاصل ہونے والی آمدنی بھی میڈیا رپورٹس کی زینت بنی ہوئی ہیں۔
سلمان خان بگ باس 19 کی میزبانی کے عوض کتنی رقم حاصل کریں گے؟ اس حوالے سے بھارتی میڈیا نے رپورٹ میں اعداد وشمار بھی جاری کردیے ہیں تاہم اس حوالے سے سلمان خان کی جانب سے کوئی ردعمل نہیں آیا ہے۔
بھارتی میڈیا کی رپورٹ کے مطابق سلمان بگ باس 19 ہفتے میں 8 سے کروڑ بھارتی روپے کمائیں گے اور اس طرح شو کے ابتدائی مرحلے کی میزبانی میں وہ مجموعی طور پر 120 کروڑ سے 150 کروڑ بھارتی روپے کمائیں گے۔
بگ باس کی میزبانی کے حوالے سے رپورٹس میں بتایا گیا ہے کہ شو کا یہ سیزن 5 ماہ جاری رہے گا اور سلمان ابتدائی تین ماہ میزبانی کے فرائض انجام دیں گے، جس کے بعد ممکنہ طور فرح خان، کرن جوہر اور انیل کپور میزبان ہوں گے۔
بگ باس کی تیاریاں بھی مکمل ہونے کی اطلاعات ہیں اور نئے سیزن کا پرومو بھی 12 جولائی کو ریکارڈ کیا گیا ہے، جس کی تھیم سیاسی طرز پر رکھی گئی ہے۔
رپورٹ میں بتایا گیا ہے کہ ماضی کے برعکس رواں برس کے بگ باس او ٹی ٹی فارمیٹ کی توسیع قرار دیا جا رہا ہے اور اس سیزن کی پروڈکشن بھی پہلے کے مقابلے میں کم بجٹ پر رکھی گئی ہے۔
بھارتی میڈیا کے مطابق سلمان خان نے اس سے قبل بگ باس اوٹی ٹی 2 کی میزبانی کے لیے 96 کروڑ بھارتی روپے لیے تھے، سیزن 18 اور 17 کے لیے مشہور اداکار نے بالترتیب 250 کروڑ اور 200 کروڑ بھارتی روپے حاصل کیے تھے۔
رپورٹس میں بتایا گیا کہ بگ باس کے نئے سیزن کے لیے امیدواروں کے ناموں کو تاحال حتمی شکل نہیں دی گئی ہے لیکن چند مشہور اداکاروں سمیت 20 ممکنہ امیدواروں کے نام بھی گردش کر رہے ہیں۔
’وزیرِاعلیٰ نے فنڈ میں خیانت کی، وہ صادق و امین نہیں رہے‘: علی امین گنڈاپور کیخلاف مقدمے کی درخواست