ایلون مسک نے ڈونلڈ ٹرمپ کے مجوزہ اخراجات بل کو’ ’گھناﺅنی حرکت“ قراردے دیا
اشاعت کی تاریخ: 4th, June 2025 GMT
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔04 جون ۔2025 )دنیا کے امیر ترین شخص اور امریکی صدر کی الیکشن مہم میں سب سے زیادہ چندہ دینے والے ایلون مسک وائٹ ہاﺅس چھوڑنے کے بعد دوبارہ ٹرمپ مخالف رویہ اپنارہے ہیں فرانسیسی نشریاتی ادارے کے مطابق ”ڈوج“کے سربراہ کا عہدہ چھوڑنے سے چند دن بعد ہی ایلون مسک نے امریکی صدر ڈونلڈ ٹرمپ کے مجوزہ اخراجات کے بل کو’ ’گھناﺅنی حرکت“ قراردیتے ہوئے نشانہ بنایا ہے.
(جاری ہے)
انہوں نے وائٹ ہاﺅس کے بل کو نشانہ بنایا ہے جس میں صحت اور غذائی امداد کے پروگراموں میں کئی گنا کٹوتیوں کے باوجود 10 سالہ مدت کے دوران امریکی خسارے میں 30 لاکھ ڈالر کے اضافے کی تجویز دی گئی ہے تاہم ایلون مسک کی پچھلی تنقید کو مسترد کردیا گیا تھا کیونکہ ٹرمپ کے محکمہ برائے حکومتی کارکردگی (ڈوج) ٹاسک فورس کے سابق سربراہ ان معاملات پر منفی تبصرے کر رہے ہیں جو ان کی لاگت میں کمی کی کوششوں کو نقصان پہنچا رہے ہیں.
ایلون مسک نے کہا کہ یہ بل جس پر کانگریس میں غور کیا جارہا ہے شہریوں پر ناقابل برداشت قرضوں کا بوجھ ڈالے گا دونوں جانب سے بیان بازی میں اضافے سے وائٹ ہاﺅس اور ایلون مسک کے درمیان تلخی واضح انداز میں نظرآنا شروع ہوگئی ہے حالانکہ ایلون مسک نے صدر ٹرمپ کی انتخابی مہم کے لیے تقریباً 30 کروڑ ڈالر کی فنڈنگ بھی کی تھی لیکن اب وہ مایوسی کا اظہار کرتے دکھائی دے رہے ہیں. وائٹ ہاﺅس کی پریس سیکرٹری کیرولین لیویٹ نے صحافیوں سے گفتگو میں ایلون مسک کے ٹویٹ پر ردعمل دیتے ہوئے کہا کہ صدر ٹرمپ پہلے ہی جانتے ہیں کہ ایلون مسک اس بل پر کہاں کھڑے تھے اس سے ان کی رائے میں کوئی تبدیلی نہیں آئی ہے انہوں نے کہا کہ ”یہ ایک بڑا خوبصورت بل ہے“ اور صدراس پر قائم ہیں اگرچہ دنیا کے سب سے امیر ترین شخص نے ٹرمپ انتظامیہ سے دستبرداری اختیار کرلی ہے لیکن ان کا رشتہ اس وقت بھی مضبوط نظر آیا جب ریپبلکن صدر نے اپنے ساتھی ارب پتی کی ”ناقابل یقین خدمات‘ ‘کی تعریف کی. ڈونلڈ ٹرمپ نے یہاں تک اصرار کیا کہ ایلون مسک ہنگامہ خیز چار مہینوں کے بعد بھی انہیں حقیقی طور پر نہیں چھوڑ رہے جس مدت کے دوران بزنس ٹائیکون نے ہزاروں ملازمتیں ختم کیں، کئی ایجنسیوں کو مکمل طور پر بند کردیا اور غیر ملکی امداد میں کمی کی ماضی میں مسک نے صدر ٹرمپ کے مصنوعی ذہانت کے ایک منصوبے کو نشانہ بناتے ہوئے ایکس پر پیغام میں اسے ناقابل عمل قراردیا تھا وہ وائٹ ہاﺅس میں اس منصوبے کی نقاب کشائی کی تقریب میں بھی شریک نہیں ہوئے تھے .ذریعہ: UrduPoint
کلیدی لفظ: تلاش کیجئے ایلون مسک نے وائٹ ہاﺅس ٹرمپ کے رہے ہیں
پڑھیں:
پشاور کی مویشی منڈی میں ‘ڈونلڈ ٹرمپ’ نامی بھینسے کی دھوم
عیدالاضحیٰ کی آمد کے ساتھ ہی پشاور کی مویشی منڈی میں مختلف رنگ و نسل کے جانور دیکھنے کو مل رہے ہیں، مگر اس بار ایک ایسا جانور سب کی توجہ کا مرکز بنا ہوا ہے جس کا نام ہی لوگوں کو چونکا دیتا ہے — ’ڈونلڈ ٹرمپ‘۔
یہ خاص بھینسا، جس کا نام اس کے مالک نے موجودہ امریکی صدر کے نام پر رکھا ہے۔ یہ نہ صرف اپنے انوکھے نام بلکہ اپنی خوبصورتی، جسامت اور اعلیٰ خوراک کی وجہ سے بھی منڈی کا سپر اسٹار بن چکا ہے۔ منڈی میں آنے والے شوقین حضرات نہ صرف اس کی تصاویر بناتے ہیں بلکہ اس کے ساتھ سیلفیاں لینے پر بھی فخر محسوس کرتے ہیں۔
ناز سے پالا ہوا ‘ ڈونلڈ ٹرمپ’بھینسے کے مالک نے بتایا کہ انھوں اس کو بچوں کی طرح پالا ہے۔ اس کی خوراک عام جانوروں سے بالکل مختلف ہے۔ ہم نے اسے دودھ، خالص سرسوں کا تیل، اور مختلف قسم کی گرم خوراک دے کر تیار کیا ہے۔ اس کے لیے سردی گرمی کا خاص خیال رکھا گیا ہے۔
یہ جوان اور صحتمند بھینسا دیکھنے میں جس قدر دلکش ہے، اسی قدر مہنگا بھی ہے۔
قیمت اور بھاؤ تاؤمالک کا کہنا ہے کہ وہ اس کی 25 لاکھ روپے قیمت مانگ رہا ہے۔ اب تک کئی خریدار اس میں دلچسپی دکھا چکے ہیں اور سب سے زیادہ بولی 16 لاکھ روپے کی لگ چکی ہے، مگر مالک کا کہنا ہے کہ 16 لاکھ میں دینا میرے لیے نقصان ہے۔ اس میں اتنی محنت اور وقت لگا ہے کہ اس کی اصل قیمت کم از کم 24 لاکھ ہے۔
مزے کا گوشتمالک نے مزید کہا کہ یہ بھینسا نہ صرف خوبصورت ہے بلکہ اس کا گوشت بھی لاجواب ہوگا۔
‘یہ جوان بھینسا ہے، اس کا گوشت انتہائی لذیذ اور نرم ہوگا۔ جس نے بھی قربانی کے لیے خریدا، وہ یاد رکھے گا۔’
منڈی کا مرکزِ نگاہپشاور کی مویشی منڈی میں روزانہ ہزاروں افراد آتے ہیں، مگر ’ڈونلڈ ٹرمپ‘ کی انٹری نے منڈی کی رونق کو دوبالا کر دیا ہے۔ بچے، نوجوان اور بڑے سبھی اسے دیکھنے آ رہے ہیں، اور سوشل میڈیا پر بھی اس کی دھوم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
خطے میں امن و استحکام کا خواب