سندھ کو ڈاکوؤں، بلوچستان کو کالعدم تنظیم کے رحم و کرم پر چھوڑ دیا گیا ہے، علامہ مقصود ڈومکی
اشاعت کی تاریخ: 4th, June 2025 GMT
اپنے بیان میں علامہ مقصود ڈومکی نے کہا کہ ضلع کشمور، شکارپور، جیکب آباد، گھوٹکی، کچے کے ڈاکوؤں کے، جبکہ بلوچستان کے متعدد علاقے اس وقت کالعدم تنظیموں کے رحم و کرم پر ہیں۔ اسلام ٹائمز۔ مجلس وحدت مسلمین پاکستان کے مرکزی رہنماء علامہ مقصود علی ڈومکی نے کشمور، شکارپور اور بلوچستان میں بدترین بدامنی، جعلی مینڈٹ کی حامل حکومت اور ریاستی ادارے قیام امن میں ناکام ہو چکے ہیں۔ اپنے جاری کردہ بیان میں انہوں نے کہا کہ ضلع کشمور میں بڑھتی ہوئی بدامنی، مسلح ڈاکوؤں کی دیدہ دلیری اور ریاستی اداروں کی مسلسل ناکامی پر شدید تشویش کا اظہار کرتے ہوئے کہا ہے کہ ضلع کشمور، شکارپور، جیکب آباد، گھوٹکی، کچے کے ڈاکوؤں کے، جبکہ بلوچستان کے متعدد علاقے اس وقت کالعدم تنظیموں کے رحم و کرم پر ہیں۔ انہوں نے انکشاف کیا کہ ضلع کشمور میں ایک ہی دن میں مسافر بسوں کو روک کر 300 سے زائد مسافروں کو دن دیہاڑے لوٹا گیا۔ اسی روز کجلی کے مقام پر ایک کار سوار نڈو شیخ کو ڈاکوؤں نے گاڑی نہ روکنے پر گولیاں مار دیں، جبکہ آج ہی نیشنل ہائی وے پر بخشاپور تھانے سے محض ایک کلومیٹر کے فاصلے پر گاڑیوں کو روک کر آرام سے لوٹتے رہے۔ ایسا لگتا ہے کہ سندھ حکومت، سندھ پولیس اور ریاستی اداروں نے سندھ ڈاکوؤں کے سپرد کر دیا ہے۔
انہوں نے کہا کہ ایک طرف ڈاکو راج ہے جسے حکومت سندھ پولیس اور ریاستی اداروں کی مکمل سرپرستی حاصل ہے، تو دوسری طرف عوام کو قبائلی جھگڑوں کے نام پر قاتلوں کے سپرد کیا گیا ہے۔ آج چکھرانی اور بگٹی قبائل کے درمیان قبائلی جھگڑا شدت اختیار کر چکا ہے، اور بھاری اسلحے کا آزادانہ استعمال ہو رہا ہے۔ حکومت اور ریاستی ادارے یہ سب تماشا بڑے اطمینان سے دیکھ رہے ہیں۔ علامہ ڈومکی نے کہا کہ کشمور کی صورتحال اب مقبوضہ کشمیر سے بھی بدتر ہو چکی ہے۔ شکارپور میں روزانہ لوٹ مار اور اغوا برائے تاوان کے واقعات ہو رہے ہیں، لیکن سندھ حکومت، وزیر داخلہ اور آئی جی سندھ "سب اچھا ہے" کی جھوٹی رپورٹیں پیش کر رہے ہیں۔ چھ ارب روپے سالانہ رینجرز پر خرچ ہونے کے باوجود رینجرز کی کارکردگی صفر کے برابر ہے۔ انہوں نے بتایا کہ لاڑکانہ بینچ کے معزز جج نے بھی آئی جی سندھ سے سوال کیا ہے کہ اربوں روپے کے بجٹ کے باوجود سندھ میں امن و امان کی صورتحال بد سے بدتر کیوں ہوتی جا رہی ہے، اور کچے کے ڈاکوؤں پر قابو کیوں نہیں پایا جا سکا؟
انہوں نے کہا کہ سندھ میں قبائلی سردار اور با اثر وڈیرے ڈاکوؤں کی سرپرستی کر رہے ہیں اسی ہفتے ضلع کشمور میں ایک نام نہاد سردار نے جرگہ کرکے پولیس کانسٹیبل پر 38 لاکھ روپے جرمانہ عائد کیا ہے۔ کیونکہ پولیس کانسٹیبل نے ایک ڈاکو کو مارا تھا۔ جب با اثر سردار اور وڈیرے ڈاکوؤں کو سپورٹ کریں گے تو اس سے ڈاکوؤں کے حوصلے بلند ہوں گے اور پولیس کا مورال مزید ڈاؤن ہوگا۔ تعجب ہے کہ اس غیر قانونی غیر انسانی جرگے پر اعلیٰ عدالتیں، پولیس اور ریاستی ادارے کیوں خاموش ہیں؟ انہوں نے کہا کہ جعلی مینڈیٹ والی حکومتوں نے ملک کو بحرانوں میں دھکیل دیا ہے۔ پورا ملک بدامنی، لاقانونیت، قتل و غارت، لوٹ مار اور ریاستی بے حسی کا شکار ہے۔ انہوں نے مطالبہ کیا کہ سندھ میں ڈاکو راج کے خلاف فوری آپریشن، ڈاکوؤں اور دہشت گردوں کے نیٹ ورک کے خلاف مؤثر کارروائی کی جائے، اور ریاستی اداروں کو جوابدہ بنایا جائے۔
ذریعہ: Islam Times
کلیدی لفظ: اور ریاستی اداروں انہوں نے کہا کہ کہ ضلع کشمور ڈاکوؤں کے رہے ہیں
پڑھیں:
غزہ اور مغربی کنارے میں اس وقت بھیانک صورت حال ہے؛ اقوام متحدہ
اقوام متحدہ کے سیکریٹری جنرل انتونیو گوتریس نے عالمی رہنماؤں سے مطالبہ کیا ہے کہ وہ اسرائیل فلسطین تنازع کے دو ریاستی حل کی کوششوں کو تیز تر کریں۔
عالمی خبر رساں ادارے کے مطابق سیکرٹری جنرل انتونیو گوتریس نے صحافیوں سے گفتگو میں ایک بار پھر خبردار کیا کہ دو ریاستی حل کا کوئی بھی قابلِ قبول متبادل موجود نہیں ہے۔
انتونیو گوتریس نے مزید کہا کہ اس وقت ہم غزہ اور مغربی کنارے میں جو بھیانک صورت حال دیکھ رہے ہیں۔ اس میں انتہائی ضروری ہے کہ ہم دو ریاستی حل کی امید کو زندہ رکھیں۔
انھوں نے بتایا کہ اقوام متحدہ کی جنرل اسمبلی کی جانب سے طلب کردہ کانفرنس کا مقصد بھی ایک عملی لائحہ عمل ترتیب دینا ہے جو دو ریاستی حل کی بنیاد پر استوار ہو۔
اقوام متحدہ کے سربراہ انتونیو گوتریس نے مزید کہا کہ جو لوگ دو ریاستی حل پر شک کرتے ہیں، میں ان سے پوچھتا ہوں: متبادل کیا ہے؟
انھوں نے مزید سوال کیا کہ آیا متبادل ایک ایسی ریاست ہے جس میں فلسطینیوں کو بیدخل کر دیا جائے یا انہیں ان کی اپنی سرزمین پر بغیر کسی حق کے زندگی گزارنے پر مجبور کیا جائے؟
واضح رہے کہ اقوام متحدہ کی جنرل اسمبلی کی جانب سے بلائی گئی اس کانفرنس میں سیکیورٹی، انسانی بحالی، اور فلسطینی ریاست کی اقتصادی پائیداری جیسے موضوعات پر مختلف مکالمے اور مباحثے بھی ہوں گے۔
وزیراعظم محمد شہباز شریف 2 روزہ دورہ تاجکستان مکمل کرکے وطن روانہ