کینسر سے جنگ لڑنے والی حنا خان رشتہ ازدواج میں بندھ گئیں
اشاعت کی تاریخ: 5th, June 2025 GMT
بھارت(نیوز ڈیسک)کینسر سے جنگ لڑنے والی بھارتی مسلمان اداکارہ حنا خان دیرینہ ہندو دوست سے رشتہ ازدواج میں بندھ گئیں۔
حنا خان نے 4 جون کو انسٹاگرام پر شادی کی تصاویر شیئر کرتے ہوئے بتایا کہ انہوں نے اپنے دیرینہ دوست راکی جیسوال سے شادی کرلی۔
انہوں نے شادی سے متعلق مزید کوئی معلومات فراہم نہیں کی، تاہم ان کی جانب سے شیئر کردہ تصاویر میں انہیں اور ان کے دلہے کو شادی کے دستاویزات پر دستخط کرتے دیکھا جا سکتا ہے۔
بھارتی قوانین کے مطابق انڈیا میں دو مختلف مذاہب سے تعلق رکھنے والے افراد کو اپنی مذہبی رسومات کے تحت شادی کرنے کے لیے علاوہ حکومت کے بنائے گئے قوانین کے مطابق بھی شادی کرنی پڑتی ہے۔
اداکارہ نے شادی سے متعلق مزید کوئی تفصیلات فراہم نہیں کیں کہ ان کی شادی کہاں ہوئی؟
’ٹائمز آف انڈیا‘ کے مطابق اداکارہ نے 4 جون کو شادی کی تصدیق کی، ان کی شادی میں قریبی دوستوں اور رشتے داروں نے شرکت کی۔
حنا خان کے ہندو دوست راکی جیسوال سے ایک دہائی سے زیادہ عرصے سے تعلقات ہیں، دونوں کو متعدد بار ایک ساتھ دیکھا جا چکا ہے۔
کینسر کے علاج کے دوران بھی راکی جیسوال اداکارہ کے ساتھ دکھائی دیے، دونوں پہلے ہی شادی کا ارادہ ظاہر کر چکے تھے۔
حنا خان میں گزشتہ برس تیسرے اسٹیج کے کینسر کی تشخیص ہوئی تھی اور وہ تاحال زیر علاج ہیں۔
حنا خان کا آپریشن بھی ہوا تھا جب کہ ان کی کیموتھراپیز بھی مکمل ہوچکی ہیں لیکن اس باوجود وہ کینسر کا علاج کروا رہی ہیں اور تاحال انہوں نے موذی مرض سے مکمل صحت یاب ہونے کی تصدیق نہیں کی۔
.ذریعہ: Daily Ausaf
پڑھیں:
’ملزم کا چہرہ سامنے لائیں اور اسے ایک مثال بنائیں‘، ثنا یوسف کے قتل پر شوبز ستارے بھی بول پڑے
اسلام آباد میں ایک 17 سالہ نوجوان ٹک ٹاکر ثنا یوسف کے بے رحمانہ قتل نے سبھی کو جھنجھوڑ کر رکھ دیا ہے۔ اس اندوہناک قتل پر ہر انسان افسردہ ہے۔ صارفین ثنا کے لیے انصاف اور قاتل کو سخت سے سخت سزا دینے کا مطالبہ کرتے نظر آ رہے ہیں جن میں شوبز کے معروف ستارے بھی شامل ہیں۔
اداکارہ ماہرہ خان نے سماجی رابطوں کی سائٹ ایکس پر پوسٹ کرتے ہوئے کہا کہ اگر ہم نے اس مجرم کو انجام تک نا پہنچایا تو یہ سلسلہ نہیں رکے گا، اس کا چہرہ سامنے لائیں اور اسے ایک مثال بنائیں۔
If we do not take this to task this will not stop!! Show his face – make an example out of him!! @GovtofPakistan https://t.co/LpbzEXJeAc
— Mahira Khan (@TheMahiraKhan) June 3, 2025
اداکارہ عمران عباس نے کہا کہ 17 سالہ لڑکی کے قتل کی خبر سن کر مجھے شدید رنج ہوا، حکومت کو ایسے خوفناک جرائم پر فوری کارروائی کرنی چاہیے بالخصوص جو غیرت اور دیگر بہانوں سے لڑکیوں کے خلاف کیے جائیں انہوں نے کہا کہ گزشتہ چند ماہ میں یہ پانچواں ایسا واقعہ ہے۔
View this post on Instagram
A post shared by Imran Abbas (@imranabbas)
اداکارہ ماورا حسین نے فوٹو اینڈ ویڈیو شیئرنگ ایپ پر لکھا کہ یہ ایک اور کہانی ہے جسے ہم چند دنوں میں بھول جائیں گے۔ ہم بحیثیت ایک معاشرہ اور انسان ناکام ہوچکے ہیں اور مجھے یہاں سے واپسی کا کوئی راستہ نظر نہیں آتا۔
اداکارہ نے لکھا کہ 17 سال کی لڑکی صرف اس لیے قتل کردی گئی کیوں کہ ایک لڑکے کی سوچ یہ ہے کہ مسترد ہونے پر یہ کرنا ٹھیک ہے۔ ساتھ ہی انہوں نے امید ظاہر کی کہ حکام اس مجرم کو ایک مثال بنادیں گے۔
View this post on Instagram
A post shared by MAWRA (@mawrellous)
اداکارہ دانیہ انور نے کہا کہ ثنا صرف 17 سال کی ہے، میں بالکل گنگ ہوں اور ابھی تک سمجھنے کی کوشش کر رہی ہوں۔ انہوں نے کہا کہ میری بیٹی بھی 17 سال کی ہے۔ یہ دنیا کس طرف جا رہی ہے؟ ہم تو پیچھے کی طرف جا رہے ہیں۔
View this post on Instagram
A post shared by DIVA Magazine Pakistan (@divamagazinepakistan)
واضح رہے کہ ٹک ٹاکر ثنا یوسف کو 2 جون کو ملزم نے شام 5 بجے گھر گھس کر 2 گولیاں ماریں۔ پولیس نے مبینہ قاتل کو فیصل آباد سے گرفتار کر لیا ہے، جبکہ واقعے کی سی سی ٹی وی بھی سامنے آ گئی ہے۔ فوٹیج میں دیکھا جا سکتا ہے کہ ایک کم عمر لڑکا، جس نے کالی ٹی شرٹ پہن رکھی ہے، شام 5 بج کر 9 منٹ پر موقع واردات یعنی جی 13 سے فرار ہوتا ہے۔
آئی جی اسلام آباد سید علی ناصر رضوی نے سوشل میڈیا ٹک ٹاکر ثنا یوسف کے قتل کے ملزم کی گرفتاری کی تصدیق کرتے ہوئے بتایا ہے کہ ملزم کو فیصل آباد سے گرفتار کر کے اس سے ثنا یوسف کا موبائل بھی برآمد کر لیا ہے۔ سید علی ناصر رضوی نے ڈی آئی جی اور ایس ایس پیز کے ہمراہ پریس کانفرنس کرتے ہوئے کہا کہ ابتدائی تفتیش کے مطابق ملزم نے ثنا یوسف کی جانب سے خود کو بار بار مسترد کیے جانے پر اسے قتل کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ثنا یوسف ثنا یوسف قتل عمران عباس ماہرہ خان ماورا حسین
پاکستان کاافغانستان میں سفیر تعینات کرنے کا فیصلہ