بلوچستان: مخصوص نشستوں پر بلدیاتی انتخابات کا شیڈول جاری
اشاعت کی تاریخ: 5th, June 2025 GMT
الیکشن کمیشن آف پاکستان نے بلوچستان کی لوکل کونسلز کی مخصوص نشستوں پر بلدیاتی انتخابات کے لیے شیڈول جاری کر دیا ہے۔ پولنگ 3 اگست 2025 کو ہو گی جبکہ نتائج کا اعلان 6 اگست کو کیا جائے گا۔
شیڈول کے مطابق:
23 جون: ریٹرننگ افسران کی جانب سے پبلک نوٹس جاری ہوگا۔
24 سے 27 جون: امیدوار اپنے کاغذاتِ نامزدگی جمع کرا سکیں گے۔
28 جون: امیدواروں کے ناموں کی ابتدائی فہرست شائع ہوگی۔
30 جون تا 2 جولائی: کاغذاتِ نامزدگی کی جانچ پڑتال ہوگی۔
3 تا 8 جولائی: ریٹرننگ افسران کے فیصلوں کے خلاف اپیلیں دائر کی جا سکیں گی۔
9 تا 11 جولائی: اپیلوں پر فیصلے ٹریبونل کرے گا۔
12 جولائی: نظرثانی شدہ امیدواروں کی فہرست جاری ہوگی۔
14 جولائی: امیدوار نامزدگی واپس لینے کی آخری تاریخ ہے۔
15 جولائی: انتخابی نشانات الاٹ کیے جائیں گے۔
3 اگست: پولنگ کا انعقاد ہوگا۔
6 اگست: انتخابی نتائج کا اعلان کیا جائے گا۔
الیکشن کمیشن کے مطابق، تمام مراحل شفافیت اور بروقت مکمل کرنے کے لیے انتظامات کو حتمی شکل دی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن آف پاکستان بلدیاتی انتخابات بلوچستان بلوچستان کی لوکل کونسلز.ذریعہ: WE News
کلیدی لفظ: الیکشن کمیشن ا ف پاکستان بلدیاتی انتخابات بلوچستان
پڑھیں:
الیکشن کمیشن نے پنجاب حکومت سے بلدیاتی انتخابات کیلئےضروری ڈیٹا اور نقشے مانگ لیے
— فائل فوٹوالیکشن کمیشن آف پاکستان (ای سی پی) نے پنجاب حکومت سے بلدیاتی انتخابات کیلئےضروری ڈیٹا اور نقشے مانگ لیے۔
پنجاب میں بلدیاتی انتخابات کے انعقاد کے معاملے پر چیف الیکشن کمشنر سکندر سلطان راجہ کی زیر صدارت اجلاس ہوا۔
اس دوران سکندر سلطان راجہ نے کہا کہ پنجاب میں بلدیاتی انتخابات کا انعقاد پنجاب حکومت اور الیکشن کمیشن کی ذمہ داری ہے، پنجاب حکومت اپنی اس ذمہ داری کو پورا کرے، حلقہ بندی کے لیے ضروری رولز، ڈیٹا، نوٹیفکیشن اور نقشہ جات مہیا کیا جائے۔
چیف سیکریٹری پنجاب نے اجلاس میں بتایا کہ لوکل گورنمنٹ ایکٹ 2025ء کے تحت حلقہ بندی رولز کا ڈرافٹ ترتیب دیا گیا، لوکل گورنمنٹ الیکشن رولز کا ڈرافٹ 15 نومبر تک الیکشن کمیشن کو بھیج دیاجائے گا۔
چیف سیکریٹری پنجاب نے مزید بتایا کہ حکومت ٹاؤن، میونسپل کارپوریشن، میونسپل کمیٹی اور تحصیل کونسل کی درجہ بندی کے نوٹی فکیشن دے گی، حکومت درجہ بندی کے نوٹیفکیشن 22 دسمبر تک الیکشن کمیشن کو مہیا کر دے گی، یوسیز کی تعداد کے نوٹیفکیشن31 دسمبر تک الیکشن کمیشن کو دے دیےجائیں گے۔ ہر ٹاؤن، میونسپل کارپوریشن، میونسپل کمیٹی، تحصیل کونسل کے نقشے 10 جنوری تک مہیا کر دیے جائیں گے۔
اعلامیے کے مطابق چیف الیکشن کمشنر نے ڈرافٹ رولز پر اپنی رائے حکومت پنجاب کو دی۔
ترجمان الیکشن کمیشن کا کہنا ہے کہ تمام امور تجویز کردہ شیڈول کے مطابق ہر صور ت مکمل کیے جائیں گے۔
چیئرمین گلبرگ ٹائون نصرت اللہ یوم سیاہ کشمیر یکجہتی ریلی کی قیادت کررہے ہیں