عید الاضحیٰ پر حکومت پنجاب کی تیاریاں مکمل، ہزاروں لیٹر عرق گلاب اور فینائل استعمال کیا جائے گا
اشاعت کی تاریخ: 5th, June 2025 GMT
عید الاضحیٰ کے موقع پر حکومت پنجاب نے صفائی ستھرائی سے نمٹنے کے انتظامات مکمل کرلیے ہیں، قربانی کے بعد صفائی کی ذمہ داری سے عہدہ برآ ہونے کے لیے جہاں 3 لاکھ 80 ہزار ٹن آلائشیں ٹھکانے لگانے کی تیاریوں کو حتمی شکل دیدی گئی ہے وہیں لاکھوں لیٹر عرق گلاب اور فینائل کا استعمال کیا جائے گا۔
صوبائی وزیر اطلاعات عظمیٰ بخاری کے ہمراہ پریس کانفرنس کرتے ہوئے وزیر بلدیات ذیشان رفیق نے بتایا کہ پورے پنجاب میں اس سال عید کے موقع پر صفائی ستھرائی کے لیے 30 ہزار 5 سو 63 لیٹر عرق گلاب، ایک لاکھ 42 ہار 5 سو 80 لیتر فینائل اور 3 ملین کلو سے زیادہ چونا بھی استعمال کیا جائے گا۔
یہ بھی پڑھیں: محکمہ داخلہ پنجاب نے عیدالاضحیٰ کی آمد پر دفعہ 144 کے نفاذ کا اعلان کردیا
وزیر بلدیات کے مطابق پنجاب کی ہر تحصیل میں فری کیٹل مارکیٹ کو فروغ دیتے ہوئے 180 سیل پوائنٹ لگائے گئے تاکہ شہری قربانی کے جانوروں کی خریداری کرسکیں، پنجاب کیٹل مارکیٹنگ کمپنی کی جانب سے مجموعی طور پر 112 سیل پوائںٹ لگائے گئے ہیں۔
’پچھلے سال کے مقابلے میں ان مارکیٹس میں آپ کو واضح فرق نظر آئے گا، اس کے علاوہ 5 اور سیل پوائنٹس کیٹل مارکیٹ کی جانب سے لگائے گئے ہیں۔‘
صوبائی وزیر بلدیات نے بتایا کہ اس سال عید کے 3 دنوں میں 3 لاکھ 80 ہزار ٹن آلائشیں اٹھانے کا تخمینہ لگایا گیا ہے، جس سے نمٹنے کے لیے ایک لاکھ 40 ہزار افراد کو ذمہ داریاں تفویض کی جائیں گی، اسی طرح 36 ہزار سے زائد گاڑیاں استعمال کی جائیں گی۔
مزید پڑھیں: عیدالاضحیٰ: پنجاب بھر میں مکینیکل جھولوں کے لیے فٹنس سرٹیفکیٹ لازمی قرار
وزیر بلدیات ذیشان رفیق نے بتایا کہ صوبے بھر میں 1684 اجتماعی قربان گاہ کی صفائی کے لیے خصوصی ٹیمیں تعینات کی جائیں گی، اسی طرح 816 ویسٹ ڈسپوزل سائٹس بنادی گئی ہیں تاکہ آلائشوں کو جلد از جلد ٹھکانے لگایا جاسکے۔
صوبائی وزیر بلدیات نے بتایا کہ صوبے بھر میں 27 ہزار سے زائد مساجد بھی عید کے موقع پر صاف کی جائیں گی، ستھرا پنجاب پروگرام کے تحت پورے صوبے کی ہر یونین کونسل میں ایک کروڑ 20 لاکھ کے قریب بائیو ڈی گریڈیبل بیگز بھی تقسیم کیے جارہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آلائشیں پنجاب چونا ذیشان رفیق عرق گلاب عظمیٰ بخاری فینائل کیٹل مارکیٹ وزیر اطلاعات وزیر بلدیات.
ذریعہ
ذریعہ: WE News
کلیدی لفظ: ا لائشیں چونا ذیشان رفیق عرق گلاب فینائل کیٹل مارکیٹ وزیر اطلاعات وزیر بلدیات وزیر بلدیات نے بتایا کہ کی جائیں گی استعمال کی عرق گلاب کے لیے
پڑھیں:
پنجاب کے وزیر تعلیم رانا سکندر حیات کا اسکولوں میں خود پڑھانے کا اعلان
لاہور : پنجاب کے وزیر تعلیم رانا سکندر حیات نے ٹیچر بننے کا اعلان کردیا۔رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار