کراچی: جیل سے فرار ہونے والے 25 سالہ قیدی کی خود کشی، متوفی کا ویڈیو بیان بھی سامنے آگیا
اشاعت کی تاریخ: 5th, June 2025 GMT
ڈسٹرکٹ جیل ملیرسے فرارہونے والے 25 سالہ قیدی نے ماڑی پورمدنی کالونی میں گلے میں پھندا لگا کرخود کشی کرلی جبکہ متوفی قیدی کا ویڈیو بیان سامنے آگیا۔
رپورٹ کے مطابق ماڑی پورتھانے کے علاقے مدنی کالونی میں گھر سے ایک شخص کی گلےمیں پھند لگی لاش لی ہےاطلاع ملنے پر پولیس موقع پر پہنچ گئی اورلاش کو تحویل میں لینے کے بعد قانونی کارروائی کے لیے سول اسپتال منتقل کردیا گیا۔
متوفی شخص کی شناخت 25 سالہ رضا ولد پرویز مسیح کے نام سے کی گئی،ایس ایچ اوماڑی پورسردارعلی عباسی کے مطابق متوفی شخص رنچھوڑکا رہائشی تھا اورمتوفی شخص ماڑی پورمدنی کالونی میں واقعے اپنی بہن کے گھرآیا تھا۔
بہن اوربنہوئی گھرپرنہ ہونے پرمتوفی نے گلے مین پھندا لگا کر خود کشی کرلی انھوں نے مزید بتایاکہ خودکشی کرنے والا رضا ڈسٹرکٹ جیل ملیر کا قیدی تھا اورعیدگاہ تھانے میں درج منشیات کےمقدمے میں گرفتارہوکر ملیر جیل گیا تھا۔
قیدی کے خلاف 30 مارچ 2022 کوعید گاہ تھانے میں مقدمہ درج ہوا تھا پیراورمنگل کی درمیانی شب ملیرجیل سے فرارہونے والے قیدیوں میں رضا بھی شامل تھا۔
ڈسٹرکٹ جیل ملیرسے بھاگ کرماڑی پورمدنی کالونی میں خوکشی کرنے والےقیدی کا ویڈیو بیان سامنے آگیاجوکہ قیدی سے خود کشی کرنے سے قبل ریکارڈ کیا تھا۔
ویڈیو بیان میں قیدی رضا نے اپنے بڑوں سے درخواست کرتے ہوئے کہا کہ اسے رہائی دی جائے کیونکہ وہ بے قصور ہے۔
قیدی کا کہنا تھا کہ وہ بھی دیگر قدیوں کے ساتھ ڈسٹرکٹ ملیر جیل سے بھاگا تھا سب لوگ ایک دوسرے کے اوپر چڑھ کر بھاگ رہے تھے۔
جیل میں فائرنگ بھی ہورہی تھی، زلزے کے جھٹکوں کے باعث جس جگہ لوگ اپنی جان بچاکر بھاگے میں بھی اسی جانب دوڑا، ہم جیل سے بھاگے تو سامنے مین روڈ تھا فرار کے دوران میں بھی زخمی ہوگیا تھا۔
جیل سے نکلنے کے بعد میں کافی دیرتک پیدل چلتا رہا ایک شہری سے میری مدد کی مجھے سول اسپتال چھوڑا اور صبح ہونے تک میں وہیں رکا صبح گھرپہنچا تو گھر والوں نے کہا چلو ہمارے ساتھ اب مجھے آپ کے سامنے لےآئے ہیں۔
.
ذریعہ
ذریعہ: Express News
کلیدی لفظ: کالونی میں جیل سے
پڑھیں:
لاہور میں گینگ ریپ کی شکار 18 سالہ گھریلو ملازمہ اسقاطِ حمل کے دوران جاں بحق
لاہور ( اُردو پوائنٹ اخبارتازہ ترین۔ 02 جون2026ء ) لاہور کے علاقے ماڈل ٹاؤن میں مبینہ زیادتی کا شکار ہونے والی 18 سالہ گھریلو ملازمہ اسقاطِ حمل کے دوران جان کی بازی ہار گئی۔ میڈیا رپورٹس کے مطابق لاہور کے علاقہ ماڈل ٹاؤن کے ایک گھر میں ملازمہ کے طور پر کام کرنے والی 18 سالہ لڑکی مبینہ طور پر گینگ ریپ اور بعد ازاں غیر قانونی طبی طریقہ کار کے باعث زندگی کی بازی ہار گئی ہے، متوفیہ نے ہسپتال میں دم توڑنے سے قبل اپنے بیانات ریکارڈ کرادیئے۔ پولیس حکام کا کہنا ہے کہ لڑکی کا حمل ضائع کرنے کے لیے اسے پہلے رائے ونڈ کے ایک نجی کلینک لے جایا گیا، جہاں حالت بگڑنے پر اسے سروسز ہسپتال منتقل کیا گیا، وہ دو روز تک سروسز ہسپتال میں زیرِ علاج رہنے کے بعد دم توڑ گئی، متاثرہ لڑکی نے اپنے تحریری اور ویڈیو بیانات میں مکان مالک کے بیٹے اور ڈرائیور پر اجتماعی زیادتی کا سنگین الزام عائد کیا تھا، بعد میں مبینہ دباؤ کے تحت لڑکی نے اپنے بیان میں تبدیلی کی اور اپنے آخری بیان میں صرف ڈرائیور کو ہی نامزد کیا۔(جاری ہے)
پولیس نے بتایا کہ لڑکی کے ابتدائی بیانات کی روشنی میں گینگ ریپ کا مقدمہ درج کیا گیا تھا، تاہم اس کی موت کے بعد مقدمے میں باقاعدہ طور پر قتل کی دفعات بھی شامل کر دی گئی ہیں، ایک نامزد ملزم ڈرائیور کو گرفتار کرکے جوڈیشل ریمانڈ پر جیل بھیج دیا گیا ہے، قتل کی دفعات شامل ہونے کے بعد کیس کی تفتیش جینڈر سیل سے تبدیل کرکے انویسٹی گیشن ونگ کے سپرد کر دی گئی ہے، پولیس نے گھر کے مالکان سمیت ان تمام افراد کو دوبارہ شاملِ تفتیش کرنے کے لیے نوٹسز جاری کر دیئے ہیں جنہیں پہلے کلیئر کر دیا گیا تھا۔ پولیس کا کہنا ہے کہ ضابطہ فوجداری کی دفعہ 164 کے تحت ریکارڈ کیے گئے بیانات کا دوبارہ باریک بینی سے جائزہ لیا جائے گا، متوفیہ کا پوسٹ مارٹم مکمل کر لیا گیا ہے اور موت کی اصل وجہ رپورٹ آنے کے بعد واضح ہوگی، اگر رائے ونڈ کے نجی کلینک کی جانب سے غفلت یا غیر قانونی طریقہ کار کے شواہد ملے تو اس کے خلاف بھی سخت قانونی کارروائی کی جائے گی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ