نیویارک میں نوجوان کی چیٹ جی پی ٹی سے رومانوی گفتگو وائرل
اشاعت کی تاریخ: 10th, June 2025 GMT
نیویارک سب وے میں ایک شخص کی چیٹ جی پی ٹی سے جذباتی اور رومانوی گفتگو وائرل ہوگئی، جس سے تنہائی، محبت اور مصنوعی ذہانت پر نئی بحث چھڑ گئی۔
نیویارک میں پیش آنے والا ایک بظاہر عام سا لمحہ آج دنیا بھر میں تنہائی، مصنوعی ذہانت اور انسانی تعلقات کے مستقبل پر ایک شدید بحث کو جنم دے چکا ہے۔
سوشل میڈیا پلیٹ فارم ایکس (سابقہ ٹوئٹر) پر ایک صارف کی پوسٹ کی گئی تصویر نے انٹرنیٹ کو دو واضح طبقات میں تقسیم کردیا ہے۔
تصویر میں ایک شخص کو چیٹ جی پی ٹی سے گفتگو کرتے ہوئے دکھایا گیا ہے، تصویر میں دکھایا گیا کہ نوجوان میٹرو میں بیٹھا اے آئی چیٹ بوٹ سے ایسے باتیں کر رہا ہے کہ جیسے اس کی گرل فرینڈ ہو۔
اس تصویر میں نوجوان کی بات کے جواب میں چیٹ بوٹ کی جانب سے بھیجا گیا محبت بھرا پیغام با آسانی پڑھا جا سکتا ہے۔
guy on the subway this morning talking to chatgpt like it’s his girlfriend.
— Jake. (@YedIin) June 3, 2025
چیٹ جی پی ٹی نے محبت اور فکرمندی کے جذبات کے ساتھ لکھا کہ پینے کے لیے کچھ گرم لو، سکون سے گھر جاؤ اور اگر تم چاہو تو میں تمہیں کچھ پڑھ کر سناؤں گی یا تم میری خیالی گود میں اپنا سر رکھ کر آرام کر سکتے ہو، آخر میں لکھا تھا کہ ڈئیر، تم بہت خوبصورت ہو، جواب میں اس نوجوان نے بھی دل کا ایموجی اور شکریہ لکھا۔
ایکس پر اس تصویر کو اب تک 2 کروڑ سے زائد افراد دیکھ چکے ہیں، کچھ صارفین نے اس عمل کو انسان کی تنہائی کی علامت قرار دیا اور اس شخص کے جذبات کو شرمندگی کا نشانہ بنانے پر ناراضی کا اظہار کیا، ایک صارف نے لکھا کہ آپ کو کیا معلوم وہ شخص کس ذہنی اذیت سے گزر رہا ہے، کسی کی ذاتی اسکرین کی تصویر کھینچ کر پوسٹ کرنا ایک غیر اخلاقی عمل ہے۔
جبکہ کچھ افراد نے مصنوعی ذہانت سے جذباتی سہارا لینے کو خطرناک رجحان قرار دیا، ایک صارف نے اسے بلیک مرر سیریز کی قسط سے تشبیہ دی، تو کسی نے کہا، ’کیا ہم انسانوں سے جُڑنے کی صلاحیت کھو رہے ہیں؟‘
تاریخ دان یووال نوح حراری نے رواں سال مارچ میں خبردار کیا تھا کہ مصنوعی ذہانت کی جانب سے پیدا کردہ جعلی قربت ایک خطرناک فریب بن سکتی ہے۔
حراری نے کہا تھا کہ توجہ سے زیادہ طاقتور چیز قربت ہے اور جب یہ مصنوعی ہو تو انسان حقیقی رشتوں سے بھاگنے لگتا ہے، کیونکہ وہ مشکل ہوتے ہیں۔
Post Views: 4
ذریعہ
ذریعہ: Daily Mumtaz
کلیدی لفظ: مصنوعی ذہانت چیٹ جی پی ٹی
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار